ಗೂಗಲ್-ಯೂಟ್ಯೂಬ್‌ಗೆ ಸೆಡ್ಡು ನೀಡಿ ಫೇಸ್‌ಬುಕ್‌ನಿಂದ 'ವಾಚ್' ಬಿಡುಗಡೆ

ಹೊಸದಿಲ್ಲಿ: ವಿಡಿಯೋ ವೀಕ್ಷಣೆ ಹಾಗೂ ಹಂಚಿಕೆಯಲ್ಲಿ ಅತಿ ಹೆಚ್ಚು ಜನಪ್ರಿಯತೆ ಸಾಧಿಸಿರುವ ಗೂಗಲ್‌ನ ಯೂಟ್ಯೂಬ್‌ಗೆ ಸೆಡ್ಡು ನೀಡಲು ಮುಂದಾಗಿರುವ ಫೇಸ್‌ಬುಕ್ ಅತಿ ನೂತನ 'ವಾಚ್' ವಿಡಿಯೋ ತಳಹದಿಯನ್ನು ಬಿಡುಗಡೆಗೊಳಿಸಿದೆ.

ಲೈವ್ ವಿಡಿಯೋ ಮೂಲಕ ಹೆಚ್ಚು ಜನಪ್ರಿಯತೆ ಸಾಧಿಸಿರುವ ಸಾಮಾಜಿಕ ಜಾಲತಾಣ ದೈತ್ಯ ಫೇಸ್‌ಬುಕ್ ಇದೀಗ ವಿಡಿಯೋ ಹಂಚಿಕೆಗಾಗಿ ಮತ್ತಷ್ಟು ತಳಹದಿಯನ್ನು ಅಭಿವೃದ್ಧಿಪಡಿಸಿದೆ.

ಫೇಸ್‌ಬುಕ್ ಸಹ ಸಂಸ್ಥಾಪಕರಾಗಿರುವ ಮಾರ್ಕ್ ಜುಕೆರ್‌ಬರ್ಗ್ ಫೇಸ್‌ಬುಕ್‌ ಆ್ಯಪ್‌ನಲ್ಲಿ ವಿಡಿಯೋಗಾಗಿ ಹೊಸ ಟ್ಯಾಬ್ ಬಿಡುಗಡೆಗೊಳಿಸಿದೆ. ನೂತನ ವಿಡಿಯೋ ತಳಹದಿಯು ವಾಚ್ ಎಂದು ಹೆಸರಿಸಿಕೊಂಡಿದ್ದು, ಯೂಟ್ಯೂಬ್, ಅಮೇಜಾನ್ ಪ್ರೈಮ್ ಮತ್ತು ನೆಟ್‌ಫ್ಲಿಕ್ಸ್‌ಗಳಿಗೆ ನಿಕಟ ಪೈಪೋಟಿಯನ್ನು ಒಡ್ಡಲಿದೆ.

ಸದ್ಯಕ್ಕೆ ಅಮೆರಿಕಾದಲ್ಲಿ ಮಾತ್ರ ತೆರೆದುಕೊಂಡಿರುವ ಫೇಸ್‌ಬುಕ್ ವಾಚ್, ಅತಿ ಶೀಘ್ರದಲ್ಲೇ ಇತರ ಖಂಡಗಳಿಗೂ ವ್ಯಾಪಿಸಲಿದೆ.