ಫೇವರಿಟ್ ಆಪ್ಸ್

#1 Exam Prep App: Quiz & Notes

ಇದೊಂದು ಅತ್ಯುತ್ತಮ ಆ್ಯಪ್. ಎಲ್ಲ ತೆರನಾದ ಪರೀಕ್ಷೆಗಳಿಗೆ ಇದರಿಂದ ತುಂಬಾ ಉಪಯೋಗವಿದೆ. ಪರೀಕ್ಷಾರ್ಥಿಗಳಿಗಂತೂ ಪುಸ್ತಕವೇ ಬೇಡ. ಇದನ್ನು ಪ್ಲೇ ಸ್ಟೋರ್‌ನಲ್ಲಿ ಉಚಿತವಾಗಿ ಡೌನ್‌ಲೋಡ್ ಮಾಡಿಕೊಂಡು ಸೈನ್ ಇನ್ ಆಗಿ ಅಥವಾ ಫೇಸ್‌ಬುಕ್‌ಗೆ ಲಿಂಕ್ ಮಾಡಿ. ಇಲ್ಲಿ ನೀವು ಕೂಡ ಮಾಹಿತಿಯನ್ನು ಸೇರಿಸಬಹುದು, ಪ್ರಶ್ನೆ ಕೇಳಬಹುದು. ವಸ್ತುನಿಷ್ಠ ಪ್ರಶ್ನೆಗಳು ಇಲ್ಲಿವೆ. ಇಂಗ್ಲಿಷ್ ಕಲಿಯುವವರಿಗಂತೂ ಅದ್ಭುತ ಆ್ಯಪ್.

-ರವಿರಾಜ ಕೆಪಿ *****70001

Wandle

ಈ ಆ್ಯಪ್‌ನಲ್ಲಿ ಒಂದು ವಿಶೇಷತೆ ಇದೆ. ನೀವು ಯಾವುದಾದರು ಜಾಗಕ್ಕೆ ಹೋದಾಗ ನಿಮ್ಮ ಫೋನ್ ಸೈಲೆಂಟ್ ಆಗಬೇಕೆಂದರೆ ಇದರಲ್ಲಿ ಮೊದಲೇ ಸೆಟ್ ಮಾಡಿಡಬಹುದು. ಆ ಜಾಗವನ್ನು ಆಪ್‌ನಲ್ಲಿ ಗುರುತು ಹಾಕಿ ಆನ್ ಮಾಡಿದರೆ ನೀವು ಆಗಾಗ್ಗೆ ಆ ನಿರ್ದಿಷ್ಟ ಸ್ಥಳಕ್ಕೆ ಹೋದಾಗ ನಿಮ್ಮ ಮೊಬೈಲ್ ತಾನಾಗೇ ಸೈಲೆಂಟ್ ಮೋಡ್‌ಗೆ ಹೋಗುತ್ತದೆ. ಅಷ್ಟೇ ಅಲ್ಲದೆ, ಎಷ್ಟು ಸಮಯ ನಿಮ್ಮ ಮೊಬೈಲ್ ಸೈಲೆಂಟ್ ಆಗಿರಬೇಕು ಅಂತ ಕೂಡ ನಿಗದಿಪಡಿಸಬಹುದು. ವಿದ್ಯಾರ್ಥಿಗಳಿಗೆ, ಉದ್ಯೋಗಿಗಳಿಗೆ ತಮ್ಮ ಕೆಲಸ ಕಾರ್ಯಗಳ ಬಗ್ಗೆ ಗಮನ ಹರಿಸಲು ಇದು ಉಪಯುಕ್ತ.

- ಹರ್ಷಿತ್ ಮಂಜುನಾಥ್ ಬೆಂಗಳೂರು