ಫೇವರಿಟ್ ಆಪ್ಸ್: Where is my Train?

ರೈಲು ಪ್ರಯಾಣಿಕರಿಗೆ ಇಂಟರ್ನೆಟ್ ಇಲ್ಲದೆ ಹಾಗೂ ಇಂಟರ್ನೆಟ್ ಉಪಯೋಗಿಸಿ ಬಳಸಬಹುದಾದ ಆ್ಯಪ್ ಇದು. ರೈಲಿನಲ್ಲಿದ್ದರೆ ಯಾವ ನಿಲ್ದಾಣದಲ್ಲಿದ್ದೀರಿ ಎಂದೂ, ಮುಂದಿನ ನಿಲ್ದಾಣದ ಬಗ್ಗೆಯೂ ಮಾಹಿತಿ ಕೊಡುತ್ತದೆ. ರೈಲಿನ ವೇಳಾಪಟ್ಟಿ, ಪಿಎನ್ಆರ್ ಸಂಖ್ಯೆ, ಸೀಟು ಲಭ್ಯತೆ, ದರ ಪಟ್ಟಿ ಎಲ್ಲವೂ ದೊರೆಯುತ್ತದೆ. ಅದಲ್ಲದೆ, ನಿಮ್ಮ ನಿಲ್ದಾಣಕ್ಕೆ ಎಷ್ಟು ಗಂಟೆಗೆ ರೈಲು ಬರುತ್ತದೆ, ಯಾವ ನಿಲ್ದಾಣಕ್ಕೆ ಯಾವ ಸಮಯದಲ್ಲಿ ಬರುತ್ತದೆ ಎಂಬುದನ್ನೂ ಈ ಆ್ಯಪ್‌ನಿಂದ ತಿಳಿಯಬಹುದು.

-ನಿತೀಶ್ ಪೂಜಾರಿ ಕೊಲ್ಯ, ಹುಬ್ಬಳ್ಳಿ

Pictoword

ಇದು ಅತ್ಯಂತ ಜನಪ್ರಿಯವಾದ ಪದ ಬಂಧದ ಆಟ. ಸ್ನೇಹಿತರೊಂದಿಗೆ ಆಡಬಹುದು. ಮಕ್ಕಳು ಹಾಗೂ ದೊಡ್ಡವರು ಕೂಡ ಇದನ್ನು ಇಷ್ಟಪಡುತ್ತಾರೆ. ಚಿತ್ರಗಳ ಸರಣಿಯನ್ನು ನೋಡಿ ವಾಕ್ಯವನ್ನು ಊಹಿಸಿ ಬರೆಯುವ ಆಟವಿದು. ಇದು ತರ್ಕ ಶಕ್ತಿ ಹೆಚ್ಚಿಸಲು ಹಾಗೂ ನಮ್ಮ ಪದ ಸಾಮರ್ಥ್ಯವನ್ನು ವೃದ್ಧಿಸಿಕೊಳ್ಳಲು ಪೂರಕ. ಹಲವು ಹಂತಗಳಿವೆ. ಸೆಲೆಬ್ರಿಟಿಗಳನ್ನು, ಬ್ರ್ಯಾಂಡ್‌ಗಳನ್ನು, ಸಿನಿಮಾಗಳನ್ನು ಊಹಿಸಿ ನೋಡುವ ಆಟವೂ ಇದ್ದು, ಜ್ಞಾನ ವೃದ್ಧಿಗೆ ಅನುಕೂಲ.

- ಅಭಿಜಾತ, ಬೆಂಗಳೂರು