AroundMe
ಈ ಆ್ಯಪ್ ನೀವು ಎಲ್ಲಿದ್ದೀರಿ ಎಂಬುದನ್ನು ಪತ್ತೆ ಹಚ್ಚಿ, ನೀವಿರುವ ಸ್ಥಳದ ಸುತ್ತ ಏನೆಲ್ಲ ಸೌಲಭ್ಯಗಳಿವೆಂಬ ಮಾಹಿತಿಯನ್ನು ಒದಗಿಸುತ್ತದೆ. ಅಂದರೆ, ನಿಮ್ಮ ಸಮೀಪದ ಬ್ಯಾಂಕ್, ಬಾರ್, ಪೆಟ್ರೋಲ್ ಬಂಕ್, ಆಸ್ಪತ್ರೆ, ಹೋಟೆಲ್, ಸಿನಿಮಾ ಥಿಯೇಟರ್, ರೆಸ್ಟೋರೆಂಟ್, ಸೂಪರ್ ಮಾರ್ಕೆಟ್, ಟ್ಯಾಕ್ಸಿ... ಹೀಗೆ ನಾನಾ ಸೌಲಭ್ಯಗಳ ಬಗ್ಗೆ ಮಾಹಿತಿ ನೀಡುತ್ತದೆ. ಈ ಮಾಹಿತಿಯನ್ನು ಬಳಸಿಕೊಂಡು ನೀವು ನಿಮ್ಮ ಅಗತ್ಯಗಳನ್ನು ಪೂರೈಸಿಕೊಳ್ಳಬಹುದು. ಅಪರಿಚಿತ ನಗರಗಳಿಗೆ ಹೋದಾಗಲಂತೂ ಈ ಆ್ಯಪ್ ಉಪಕಾರಿಯಾಗಬಲ್ಲದು.
Open Table
ನೀವು ನಿಮ್ಮ ಸಂಗಾತಿಯೊಂದಿಗೆ ಒಳ್ಳೆಯ ರೆಸ್ಟೋರೆಂಟ್ನಲ್ಲಿ ಡಿನ್ನರ್ ಮಾಡಬೇಕಿದೆಯಾ? ಹಾಗಿದ್ದರೆ ಈ ಆ್ಯಪ್ ನಿಮಗೆ ನೆರವಾಗುತ್ತದೆ. ಇದನ್ನು ಬಳಸಿಕೊಂಡು ರೆಸ್ಟೋರೆಂಟ್ನಲ್ಲಿ ಟೇಬಲ್ಗಳನ್ನು ಬಕ್ ಮಾಡಿಕೊಳ್ಳಬಹುದು. ಜೊತೆಗೆ ನಿಮಗೆ ಬೇಕಾದ ಪ್ರದೇಶದಲ್ಲಿನ ಹೊಸ ಹೊಸ ರೆಸ್ಟೋರೆಂಟ್ಗಳ ಬಗ್ಗೆಯೂ ಇದು ಮಾಹಿತಿ ನೀಡುತ್ತದೆ. ಜತೆಗೆ ಆಯಾ ರೆಸ್ಟೋರೆಂಟ್ಗಳಿಗೆ ಬೇರೆ ಗ್ರಾಹಕರ ವಿಮರ್ಶೆ, ಮೆನ್ಯೂ, ಫೋಟೋಗಳನ್ನು ಕೂಡ ನೋಡಬಹುದು. ಹಾಗೆಯೇ ರಿವಾರ್ಡ್ ಪಾಯಿಂಟ್ಗಳನ್ನು ಪಡೆಯಬಹುದು. ಇದೊಂದು ಅತ್ಯುಪಯುಕ್ತ ಆ್ಯಪ್.