ನೋಕಿಯಾ 8
ಹಿಂದೊಮ್ಮೆ ಮೊಬೈಲ್ ಮಾರುಕಟ್ಟೆಯಲ್ಲಿ ರಾಜನಂತೆ ಮೆರೆದಿದ್ದ ನೋಕಿಯೊ ಮತ್ತೆ ಮಾರುಕಟ್ಟೆಗೆ ಪ್ರವೇಶಿಸುತ್ತಿರುವು ಗುಟ್ಟಾಗೇನೂ ಉಳಿದಿಲ್ಲ. ಆದರೆ, ಹೊಸ ಸೀರಿಸ್ನಲ್ಲಿ ಬರುತ್ತಿರುವ ನೋಕಿಯಾ 8 ಈಗಾಗಲೇ ಎಲ್ಲರ ಕುತೂಹಲ ಗಳಿಸಿದೆ. ಇದರ ಮಧ್ಯೆ ರಿಲಯಬಲ್ ಲೀಕಸ್ಟರ್ ಎವಾನ್ ಬ್ಲಾಸ್ ಅವರು ನೋಕಿಯಾ 8ರ ಫೋಟೋಗಳನ್ನು ಹರಿ ಬಿಟ್ಟಿದ್ದಾರೆ.
ನೋಕಿಯಾ ಫೋನ್ಗಳನ್ನು ಎಚ್ಎಂಡಿ ಕಂಪನಿ ಪರಿಚಯಿಸುತ್ತಿದೆ. ಇಲ್ಲಿವರೆಗೂ ಮಾರುಕಟ್ಟೆಗೆ ಬಂದಿರುವ ನೋಕಿಯಾ ಫೋನ್ಗಳ ಮಧ್ಯಮ ಮಾದರಿಯ ಫೋನ್ಗಳಾಗಿದೆ. ಈ ಹೊಸ ಫೋನ್ 5.3 ಇಂಚ್ ಕ್ವಾಡ್ಎಚ್ಡಿಸ್ಪ್ಲೇ, ಕ್ವಾಲಕಾಮ್ ಪ್ರೊಸೆಸರ್, 4 ಅಥವಾ 6ಜಿಬಿ ರಾರಯಮ್, 13 ಮೆಗಾಪಿಕ್ಸೆಲ್ ಕ್ಯಾಮೆರಾ ಇರುವ ಸಾಧ್ಯತೆ ಇದೆ. ಈಗ ಆನ್ಲೈನ್ನಲ್ಲಿ ಲೀಕ್ ಆಗಿರುವ ನೋಕಿಯಾ 8 ಅಂತೂ ಸಾಕಷ್ಟು ಚರ್ಚೆಗೆ ದಾರಿ ಮಾಡಿಕೊಟ್ಟಿದೆ.
ಮತ್ತೆ ಗೂಗಲ್ ಗ್ಲಾಸ್ ಬಂತು
ಕೆಲವು ವರ್ಷಗಳ ಹಿಂದೆ ಗೂಗಲ್ ಕಂಪನಿ ಸಿದ್ಧಪಡಿಸಿದ್ದ ಗ್ಲಾಸ್ ಭಾರಿ ಸದ್ದು ಮಾಡಿದ್ದು ಬಹುತೇಕ ಎಲ್ಲರಿಗೂ ಗೊತ್ತಿರುತ್ತದೆ. ಆದರೆ, ನಂತರ ಆ ಬಗ್ಗೆ ಅಷ್ಟೇನೂ ಮಾಹಿತಿ ಇರಲಿಲ್ಲ. ಇದೀಗ ಈ ವಿವಾದಿತ ಸ್ಮಾರ್ಟ್ ಗ್ಲಾಸ್ ಅನ್ನು ಕಂಪನಿ ಮತ್ತೆ ಮರು ರೂಪಿಸಿದೆ. ಈ ಹೊಸ ಆವೃತ್ತಿಯ ಗ್ಲಾಸ್ಗಳನ್ನು ವೋಕ್ಸವ್ಯಾಗನ್, ಡಿಎಚ್ಎಲ್, ಬೋಯಿಂಗ್, ಜಿಇ ಕಂಪನಿಗಳ ನೂರಾರು ಉದ್ಯೋಗಿಗಳು ರಹಸ್ಯವಾಗಿ ಬಳಸುತ್ತಿದ್ದಾರೆ. ಫ್ಯಾಕ್ಟರಿ ಕೆಲಸಗಾರರನ್ನು ಗಮನದಲ್ಲಿಟ್ಟುಕೊಂಡು ಕಂಪನಿಯು ಗೂಗಲ್ ಗ್ಲಾಸ್ ಎಂಟರ್ಪ್ರೈಸಸ್ ಎಡಿಸ್ ಎಂಬ ಹೊಸ ಆವೃತ್ತಿಯನ್ನು ಬಿಡುಗಡೆ ಮಾಡಿದೆ. ಈ ಹಿಂದಿನದಕ್ಕಿಂತಲೂ ಅನೇಕ ಫೀಚರ್ಗಳು, ಸುಧಾರಣೆಗಳು ಹೊಸ ಗೂಗಲ್ ಗ್ಲಾಸ್ನಲ್ಲಿವೆ. 2013ರಲ್ಲಿ ಬಳಕೆದಾರರಿಗೆ ಈ ಗೂಗಲ್ ಗ್ಲಾಸ್ಗಳು ಬಳಕೆಯಲ್ಲಿವೆ.
ಸ್ಮಾರ್ಟ್ ಗ್ಲೋವ್ ?
ವಿಆರ್ ಗೇಮ್ಗಳಲ್ಲಿ ಆಬ್ಜೆಕ್ಟ್ಗಳನ್ನು ನಿಯಂತ್ರಿಸಲು ಮತ್ತು ಚಿಹ್ನೆಗಳ ಭಾಷೆಯನ್ನು ಶಬ್ಧಗಳಿಗೆ ಭಾಷಾಂತರಿಸುವ ನಿಸ್ತಂತುವಾಗಿ ಕಾರ್ಯನಿರ್ವಹಿಸುವ ಅಗ್ಗದ ಬೆಲೆಯ ಸ್ಮಾರ್ಟ್ ಗ್ಲೋವ್(ಕೈಗವಸು) ಅನ್ನು ಅಭಿವೃದ್ಧಿಪಡಿಸಲಾಗಿದೆ. ಇದರ ಹೆಸರು 'ದಿ ಲ್ಯಾಂಗ್ವೇಜ್ ಆಫ್ ಗ್ಲೋವ್.' ವರ್ಚುವಲ್ ರಿಯಾಲಿಟಿಯಲ್ಲಿ ಕೈಗಳನ್ನು ಬಳಸಿಕೊಂಡು ಜನರು ಸಂಜ್ಞೆಗಳು ಗೇಮ್ಗಳಲ್ಲಿ ನಿಯಂತ್ರಣ ಸಾಧಿಸಲು ಈ ಹೊಸ ಗ್ಲೋವ್ ನೆರವಾಗಲಿದೆ ಎಂದು ಕ್ಯಾಲಿಫೋರ್ನಿಯಾ ಯುನಿರ್ವಸಿಟಿಯಲ್ಲಿ ಸಂಶೋಧನಾ ವಿದ್ಯಾರ್ಥಿಯಾಗಿರುವ ತಿಮೋತಿ ಓಕಾನ್ನರ್ ಅಭಿಪ್ರಾಯಪಟ್ಟಿದ್ದಾರೆ. ಅಗ್ಗದ ಬೆಲೆಗೆ ದೊರೆಯುವ ಎಲ್ಲ ಸಾಧ್ಯತೆಗಳಿರುವ ಈ ಗ್ಲೋವ್ ಮುಂದೆ ಹೇಗೆಲ್ಲ ಉಪಯೋಗವಾಗಲಿದೆ ಎಂಬುದನ್ನು ಕಾದು ನೋಡಬೇಕು.