ಉಚಿತ ಜಿಯೋ ಫೋನ್ ಮುಂಗಡ ಬುಕ್ಕಿಂಗ್ ಹೇಗೆ?

ಹೊಸದಿಲ್ಲಿ: ರಿಯಲನ್ಸ್ ಉಚಿತ ಜಿಯೋ ಫೋನ್ ಈಗಾಗಲೇ ಭಾರಿ ಸದ್ದು ಮಾಡಿದೆ. 4G VoLTE ಬೆಂಬಲಿತ ಮುಂಗಡ ಬುಕ್ಕಿಂಗ್ ಆಗಸ್ಟ್ 24ರಿಂದ ಆರಂಭಿಸಲಿದೆ.

ಆಸಕ್ತ ಗ್ರಾಹಕರು ಆನ್ಲೈನ್ ಹಾಗೂ ಆಫ್‌ಲೈನ್‌ ಮುಖಾಂತರ ಬುಕ್ಕಿಂಗ್ ಮಾಡಿಕೊಳ್ಳಬಹುದಾಗಿದೆ. ಮೊದಲ ಬೇಡಿಕೆಯಿಟ್ಟವರಿಗೆ ಮೊದಲ ಆದ್ಯತೆ ಎಂಬ ರೀತಿಯಲ್ಲಿ ಇದು ಗ್ರಾಹಕರನ್ನು ತಲುಪಲಿದೆ.

ವಿಧಾನ 1:
ಆಸಕ್ತರು ದೇಶದಲ್ಲಿ ಸ್ಥಿತಗೊಂಡಿರುವ ರಿಯಲನ್ಸ್ ಜಿಯೋ ಅಧಿಕೃತ ಶೋ ರೂಂಗಳಿಗೆ ತೆರಳಿ ಬುಕ್ಕಿಂಗ್ ಮಾಡಿಕೊಳ್ಳಬಹುದಾಗಿದೆ.

ವಿಧಾನ 2:
ಮೈ ಜಿಯೋ ಆ್ಯಪ್ ಮುಖಾಂತರವೂ ಜಿಯೋ ಫೋನ್‌ ಮುಂಗಡವಾಗಿ ಕಾಯ್ದಿರಿಸಬಹುದಾಗಿದೆ.

ವಿಧಾನ 3:
ಇನ್ನು ಎಸ್‌ಎಂಎಸ್ ಸಲ್ಲಿಸುವ ಮೂಲಕವೂ ಜಿಯೋ ಫೋನ್ ಬುಕ್ಕಿಂಗ್ ಮಾಡಿಕೊಳ್ಳಬಹುದಾಗಿದೆ.

ಇದಕ್ಕಾಗಿ ನೀವು JP<> ಎಂದು ಟೈಪ್ ಮಾಡಿ ನಿಮ್ಮ ಪ್ರದೇಶ ಪಿನ್ ಕೋಡ್ <> ಹಾಗೂ ನಿಮ್ಮ ಹತ್ತಿರದಲ್ಲಿರುವ ಜಿಯೋ ಸ್ಟೋರ್ ಕೋಡ್ ಟೈಪ್ ಮಾಡಿ 7021170211 ಎಂಬ ನಂಬರ್‌ಗೆ ಎಸ್‌ಎಂಎಸ್ ಕಳುಹಿಸಬೇಕಾಗಿದೆ.

ಉಚಿತ ಹೇಗೆ?
ಭದ್ರತಾ ಠೇವಣಿಯಾಗಿ 1500 ರೂ. ನೀಡಿ, ಮೂರು ವರ್ಷಗಳ ಬಳಿಕ ಫೋನನ್ನು ಮರಳಿಸಿದರೆ, ಹಣ ಹಿಂತೆಗೆದುಕೊಳ್ಳಬಹುದು.

ಪ್ರಮುಖ ವಿಶಿಷ್ಟತೆಗಳು:
KAI ಓಪರೇಟಿಂಗ್ ಸಿಸ್ಟಂ (Firefox OS ತಳಹದಿ),
2.4 ಇಂಚುಗಳ QVGA ಡಿಸ್‌ಪ್ಲೇ,
ಜಿಯೋ ಟಿವಿ,
ಜಿಯೋ ಸಿನಿಮಾ,
ಜಿಯೋ ಮ್ಯೂಸಿಕ್,
24 ಭಾರತೀಯ ಭಾಷೆಗಳ ಬೆಂಬಲ,
ಎನ್‌ಎಫ್‌ಸಿ ಫೀಚರ್ (ಶೀಘ್ರದಲ್ಲೇ),
ವಾಯ್ಸ್ ಕಮಾಂಡ್,
512 ಎಂಬಿ RAM,
4ಜಿಬಿ ಆಂತರಿಕ ಸ್ಟೋರೇಜ್,
2 ಮೆಗಾಪಿಕ್ಸೆಲ್ ಹಿಂಭಾಗದ ಕ್ಯಾಮೆರಾ,
2000 mAh ಬ್ಯಾಟರಿ,

ಆಗಸ್ಟ್ 15ರಿಂದ ಹ್ಯಾಂಡ್‌ಸೆಟ್‌ನ ಬೀಟಾ ಟೆಸ್ಟಿಂಗ್ ಆರಂಭವಾಗಿದ್ದು, ಸೆಪ್ಟೆಂಬರ್‌ನಲ್ಲಿ ಮಾರುಕಟ್ಟೆಗೆ ತಲುಪಲಿದೆ.