ಜಿಯೋಗೆ ಸೆಡ್ಡು ಹೊಡೆಯುವುದೆ MVNO?

ಚೆನ್ನೈ: ಮೊಬೈಲ್ ವರ್ಚುವಲ್ ನೆಟ್‌ವರ್ಕ್ ಆಪರೇಟರ್ಸ್‌ (MVNO) ಭಾರತದ ಮಾರುಕಟ್ಟೆಗೆ ಮರುಪ್ರವೇಶ ನೀಡುವ ಮೂಲಕ ರಿಲಯನ್ಸ್ ಜಿಯೋಗೆ ಸೆಡ್ಡು ಹೊಡೆಯುವ ಸಾಧ್ಯತೆ ಇದೆ.

ಸಣ್ಣ ಟೆಲಿಕಾಂ ಸಂಸ್ಥೆಗಳಿಗೆ ದೊಡ್ಡ ಪ್ರಮಾಣಿದಲ್ಲಿ ಕರೆ ಮತ್ತು ಬ್ಯಾಂಡ್ವಿಡ್ತ್ ಮಾರಾಟ ಮಾಡಲು ಅವಕಾಶ ಇರುವ ನೀತಿಯನ್ನು ಪ್ರಧಾನಿ ನರೇಂದ್ರ ಮೋದಿ ಅವರು ಕಳೆದ ವರ್ಷ ಘೋಷಿಸಿದ್ದರು. ಸಣ್ಣ ಟೆಲಿಕಾಂ ಸಂಸ್ಥೆಗಳು (MVNO) ಗ್ರಾಮೀಣ ಪ್ರದೇಶ ಹಾಗೂ ದುರ್ಗಮ ಪ್ರದೇಶಗಳಲ್ಲಿ ಮರು ಮಾರಾಟ ಮಾಡಲು ಅವಕಾಶ ಇದೆ.

ಮಾರುಕಟ್ಟೆಯಲ್ಲಿ ಸಾಕಷ್ಟು ಬೇಡಿಕೆ ಇರುವುದರಿಂದ ಜಿಲ್ಲಾ ಮಟ್ಟದಲ್ಲಿ ವರ್ಚುವಲ್ ನೆಟ್ವರ್ಕ್ (MVNO) ಕಾರ್ಯಗತಗೊಳಿಸಲು ಸಾಧ್ಯ ಎಂಬ ಅಭಿಪ್ರಾಯ ವ್ಯಕ್ತವಾಗಿದೆ.

ಏನಿದು MVNO.......

ಅಸ್ತಿತ್ವದಲ್ಲಿರುವ ಟೆಲಿಕಾಂ ಸಂಸ್ಥೆಗಳ ಮೂಲಸೌಕರ್ಯವನ್ನು ಬಳಸಿಕೊಂಡು ಮೊಬೈಲ್ ವರ್ಚುವಲ್ ನೆಟ್‌ವರ್ಕ್‌ ಆಪರೇಟರ್ಸ್‌ (MVNO) ಸೇವೆಯನ್ನು ನೀಡುತ್ತವೆ. ಹಾಗಾಗಿ ಖರ್ಚು ಕಡಿಮೆ ಆಗುವುದರಿಂದ ಸಾಮಾನ್ಯ ಟೆಲಿಕಾಂ ಸಂಸ್ಥೆಗಳಿಗಿಂತ ಈ ಸಣ್ಣ ಟೆಲಿಕಾಂ ಸಂಸ್ಥೆಗಳು ರಿಯಾಯಿತಿ ದರದಲ್ಲಿ ಸೇವೆ ಒದಗಿಸಲು ಸಾಧ್ಯ.