Predator Gaming League: ಏಸರ್ ಗೇಮಿಂಗ್ ಲೀಗ್ ಫೈನಲ್ಸ್

ಕಂಪ್ಯೂಟರ್ ಮತ್ತು ಲ್ಯಾಪ್‌ಟಾಪ್‌ ಮಾರುಕಟ್ಟೆಯಲ್ಲಿ ಮುಂಚೂಣಿಯಲ್ಲಿರುವ ಏಸರ್, ದಿ ಪ್ರಿಡೇಟರ್ ಗೇಮಿಂಗ್ ಲೀಗ್ ಇಂಡಿಯಾ ಫಿನಾಲೆಯ ವಿಜೇತರನ್ನು ಘೋಷಿಸಿದೆ. ಬೆಂಗಳೂರಿನಲ್ಲಿ ನಡೆದ ವಿಶೇಷ ಮೆಗಾ ಇಸ್ಪೋರ್ಸ್ಟ್ ಟೂರ್ನಮೆಂಟ್‌ನಲ್ಲಿ ಇಂಡಿಯನ್ ರೈವಲ್ಸ್ ತಂಡವು ಪಬ್‌ಜಿ ಪಿಸಿ ಆವೃತ್ತಿಯ ಗೇಮಿಂಗ್‌ನ ಚಾಂಪಿಯನ್ ಅನ್ನಿಸಿಕೊಂಡಿದೆ.

ಏಸರ್ ಮೆಗಾ ಇಸ್ಪೋರ್ಸ್ಟ್ ಟೂರ್ನಮೆಂಟ್‌ ಮೂರನೇ ಆವೃತ್ತಿ ಇದಾಗಿದ್ದು, 16 ಮಂದಿ ಅಂತಿಮ ಸುತ್ತಿನಲ್ಲಿ ಪಬ್‌ಜಿ ಪಿಸಿಯಲ್ಲಿ ಸೆಣಸಿದ್ದಾರೆ. ವಿಜೇತ ತಂಡ ಫೆ. 2020ರಲ್ಲಿ ಮನಿಲಾದಲ್ಲಿ ನಡೆಯಲರುವ ಏಷ್ಯಾ ಫೆಸಿಫಿಕ್ ಫಿನಾಲೆಯಲ್ಲಿ ಭಾಗವಹಿಸಲಿದ್ದು, ಭಾರತವನ್ನು ಪ್ರತಿನಿಧಿಸಲಿದೆ. ಅಲ್ಲಿನ ಪ್ರಶಸ್ತಿ ಮೊತ್ತ 400,000 ಅಮೆರಿಕನ್ ಡಾಲರ್‌ಗಳಾಗಿವೆ.

ಮುಂಬಯಿ, ಪುಣೆ, ಚೆನ್ನೈ, ಬೆಂಗಳೂರು ಮತ್ತು ಕೋಲ್ಕತ್ತಾದಲ್ಲಿ ನಡೆದಿದ್ದ ಆನ್‌ಲೈನ್ ಮತ್ತು ಆಫ್‌ಲೈನ್ ಟೂರ್ನಮೆಂಟ್‌ನಲ್ಲಿ 449ಕ್ಕೂ ಅಧಿಕ ತಂಡಗಳು ನೋಂದಾಯಿಸಿಕೊಂಡಿದ್ದವು.

ಏಸರ್‌ ಪ್ರಿಡೇಟರ್ ಲೀಗ್ ಎನ್ನುವುದು ಗೇಮಿಂಗ್ ಪ್ರಿಯರ ಪಾಲಿಗೆ ಮೆಚ್ಚಿನ ವೇದಿಕೆಯಾಗಿದ್ದು, ತಮ್ಮ ಪ್ರತಿಭೆ ಮತ್ತು ಕೌಶಲ್ಯ ತೋರಿಸಲು ಸೂಕ್ತವಾಗಿದೆ.

DuckDuckGo: ಗೂಗಲ್‌ಗೆ ಸ್ಪರ್ಧೆ ಒಡ್ಡಲಿದೆಯೇ ಡಕ್‌ಡಕ್‌ಗೋ?