Huawei: ಸ್ವತಂತ್ರ ನಿರ್ಧಾರ ಕೈಗೊಳ್ಳುವಂತೆ ಚೀನಾ ಕೋರಿಕೆ

ಅಮೆರಿಕದಲ್ಲಿ ಚೀನಾದ ಹುವೈ ಸ್ಮಾರ್ಟ್‌ಫೋನ್‌ಗಳಿಗೆ ನಿರ್ಬಂಧ ಹೇರಿರುವ ಬೆನ್ನಲ್ಲೇ ಇತರ ಹಲವು ರಾಷ್ಟ್ರಗಳು ಕೂಡ ಹುವೈ ಬ್ಯಾನ್ ಮಾಡಿವೆ.

ಈ ಕ್ರಮ ಹುವೈಗೆ ಹೊಡೆತ ನೀಡಿದ್ದು, ಜಾಗತಿಕವಾಗಿ ದೊಡ್ಡ ಸ್ಮಾರ್ಟ್‌ಫೋನ್‌ ಮಾರುಕಟ್ಟೆ ಹೊಂದಿರುವ ಭಾರತದಲ್ಲೂ ಸಮಸ್ಯೆಗೆ ಒಳಗಾಗುವ ಭೀತಿಯಿದೆ.

ಹೀಗಾಗಿ ಹುವೈ ಸ್ಮಾರ್ಟ್‌ಫೋನ್ ಮತ್ತು ಹುವೈ ಉತ್ಪನ್ನಗಳ ಕುರಿತು ಸ್ವತಂತ್ರ ಮತ್ತು ನ್ಯಾಯಸಮ್ಮತ ನಿರ್ಧಾರ ಕೈಗೊಳ್ಳಿ ಎಂದು ಚೀನಾ ಭಾರತಕ್ಕೆ ಆಗ್ರಹಿಸಿದೆ.

ಹುವೈ ಅಮೆರಿಕದಲ್ಲಿ 5G ನೆಟ್‌ವರ್ಕ್, ಸ್ಮಾರ್ಟ್‌ಫೋನ್‌ ಮಾರಾಟ ಮತ್ತು ಇತರ ಉಪಕರಣಗಳನ್ನು ಮಾರಾಟ ಮಾಡುವುದಕ್ಕೆ ಹಲವು ಹಂತದ ನಿರ್ಬಂಧ ವಿಧಿಸಿದೆ.

ಗ್ರಾಹಕರ ಸುರಕ್ಷತೆ ಮತ್ತು ಭದ್ರತೆ, ಮಾಹಿತಿ ಸೋರಿಕೆಯ ಆರೋಪದಲ್ಲಿ ಹುವೈ ಮೇಲೆ ನಿರ್ಬಂಧ ವಿಧಿಸಲಾಗಿದೆ. ಹೀಗಾಗಿ ಚೀನಾ ಭಾರತದಲ್ಲಿ ಹುವೈಯ ಮಾರುಕಟ್ಟೆ ಹಿಡಿತವನ್ನು ಕಳೆದುಕೊಳ್ಳುವ ಆತಂಕ ವ್ಯಕ್ತಪಡಿಸಿದೆ.