Huawei: ನಿಷೇಧದ ಬಳಿಕ ಬೇಡಿಕೆ ಕುಸಿತ

ಬಳಕೆದಾರರ ಖಾಸಗಿತನಕ್ಕೆ ಧಕ್ಕೆ ತರುತ್ತಿದೆ ಎಂದು ಅಮೆರಿಕ ಸರಕಾರ ಹಾಗೂ ಗೂಗಲ್ ಹುವೈ ಸ್ಮಾರ್ಟ್‌ಫೋನ್‌ಗೆ ನಿರ್ಬಂಧ ಹೇರಿದ ಬೆನ್ನಲ್ಲೇ ಅಮೆರಿಕ ಮತ್ತು ಯುರೋಪ್‌ನಲ್ಲಿ ಹುವೈ ಬೇಡಿಕೆ ತೀವ್ರ ಕುಸಿತವಾಗಿದೆ.

ಬಜೆಟ್ ದರದ ಸ್ಮಾರ್ಟ್‌ಫೋನ್ ಮತ್ತು ಅಧಿಕ ಫೀಚರ್ ಹೊಂದಿದೆ ಎಂದು ಜನಪ್ರಿಯವಾಗಿದ್ದ ಹುವೈ ಮೇಲಿನ ಆರೋಪ, ಅದರ ಮಾರಾಟ ಮೇಲೆ ತೀವ್ರ ಪ್ರಭಾವ ಬೀರಿದೆ.

ಇದರಿಂದ ಅಮೆರಿಕ, ಫಿನ್ಲೆಂಡ್, ಫ್ರಾನ್ಸ್, ಇಟಲಿ, ಇಂಗ್ಲೆಂಡ್, ಸ್ವೀಡನ್, ನಾರ್ವೆ ಸಹಿತ ಹಲವು ದೇಶಗಳಲ್ಲಿ ಹುವೈ ಸ್ಮಾರ್ಟ್‌ಫೋನ್ ಮತ್ತು ಇತರ ಹುವೈ ಉಪಕರಣಗಳ ಮಾರಾಟಕ್ಕೆ ಹೊಡೆತ ಬಿದ್ದಿದೆ.

ಆನ್‌ಲೈನ್‌ ಮೂಲಕ ಹುವೈ ಖರೀದಿಯೂ ತೀವ್ರ ಕುಸಿತವಾಗಿದ್ದು, ಜನರು ಹುವೈ ಹೊರತುಪಡಿಸಿ, ಇತರ ಬ್ರ್ಯಾಂಡ್ ಸ್ಮಾರ್ಟ್‌ಫೋನ್ ಬಗ್ಗೆ ಹೆಚ್ಚು ಆಸಕ್ತಿ ವ್ಯಕ್ತಪಡಿಸಿದ್ದಾರೆ.