Chinese Phones: ದೇಶದಲ್ಲಿ ಚೀನಾ ಆ್ಯಪ್ ಬ್ಯಾನ್ ಆಯ್ತು, ಸ್ಮಾರ್ಟ್‌ಫೋನ್ ಯಾವಾಗ?

ಮಾಹಿತಿ ಭದ್ರತೆ, ದೇಶದ ಸಾರ್ವಭೌಮತೆ ಮತ್ತು ರಕ್ಷಣಾತ್ಮಕ ಉದ್ದೇಶಗಳಿಗಾಗಿ ಕೇಂದ್ರ ಸರಕಾರ ಚೀನಾ ಮೂಳಕ ಕಂಪನಿಗಳ 59 ಆ್ಯಪ್‌ಗಳನ್ನು ನಿಷೇಧಿಸಿದೆ.

ಚೀನಾ ಆ್ಯಪ್‌ಗಳ ನಿಷೇಧವನ್ನು ಜನತೆ ಸ್ವಾಗತಿಸಿದ್ದಾರೆ. ಜತೆಗೆ ಚೀನಾ ಆ್ಯಪ್‌ಗೆ ಪ್ರತಿಯಾಗಿ ಇತರ ಆ್ಯಪ್‌ಗಳ ಬಳಕೆಯನ್ನು ಮಾಡುವುದಾಗಿ ಕೂಡ ಹೇಳುತ್ತಿದ್ದಾರೆ. ಆದರೆ ಆ್ಯಪ್‌ ನಿಷೇಧದ ಬಳಿಕ ಈಗ ತಜ್ಞರು ಚೀನಾ ಫೋನ್‌ಗಳ ಬ್ಯಾನ್ ಯಾವಾಗ ಎಂದು ಕೇಳುತ್ತಿದ್ದಾರೆ. ಜತೆಗೆ ಈ ಕುರಿತು ಸರಕಾರದ ನಡೆ ಏನು ಮತ್ತು ಯಾವ ಕ್ರಮವನ್ನು ಕೈಗೊಳ್ಳಲಾಗುತ್ತದೆ ಎಂದು ಪ್ರಶ್ನಿಸಿದ್ದಾರೆ.

ಫೋನ್ ಮಾತ್ರವಲ್ಲ, ಸಿಸಿಟಿವಿಯೂ ಇದೆ!
ದೇಶದಲ್ಲಿ ಅತ್ಯಂತ ಹೆಚ್ಚಿನ ಸಂಖ್ಯೆಯಲ್ಲಿ ಚೀನಾ ಕಂಪನಿಗಳ ಫೋನ್ ಮಾತ್ರವಲ್ಲ, ಸಿಸಿಟಿವಿಯೂ ಇದೆ. ಅಲ್ಲದೆ, ಸರಕಾರಿ ಕಚೇರಿ ಮತ್ತು ವಿವಿಧ ಕಾರ್ಪೋರೇಟ್ ಕಂಪನಿಗಳಲ್ಲಿ ಕೂಡ ಚೀನಾ ಕಂಪನಿಗಳ ಸಿಸಿಟಿವಿ ಅಳವಡಿಸಲಾಗಿದೆ. ಅವುಗಳು ಭದ್ರತೆಗೆ ಆತಂಕ ತಂದೊಡ್ಡುವ ಸಮಸ್ಯೆ ಎದುರಾಗಿದೆ.

China App Banned in India: ಚೀನಾ ಮೂಲದ 59 ಆ್ಯಪ್‌ಗಳಿಗೆ ನಿಷೇಧ ಹೇರಿದ ಕೇಂದ್ರ ಸರಕಾರ

ಚೀನಾ ಆ್ಯಪ್‌ ಬ್ಯಾನ್ ಮಾಡುವುದರಿಂದ ಸಮಸ್ಯೆ ಪರಿಹಾರವಾಗುವುದಿಲ್ಲ. ಜತೆಗೆ ಈಗಾಗಲೇ ಬಹಳಷ್ಟು ಭಾರತೀಯರು ಚೀನಾ ಕಂಪನಿಗಳ ಫೋನ್ ಬಳಸುತ್ತಿದ್ದಾರೆ. ಹೀಗಿರುವಾಗ ಅವುಗಳ ಮೂಲಕ ಮಾಹಿತಿ ದೇಶದಿಂದ ಹೊರಹೋಗುತ್ತದೆ. ಅದರಿಂದಾಗಿ, ಚೀನಾ ಫೋನ್, ಚೀನಾ ಸಿಸಿಟಿವಿಗಳ ಬಗ್ಗೆಯೂ ಸರಕಾರ ಕ್ರಮ ಕೈಗೊಳ್ಳಬೇಕಿದೆ ಎಂದು ಪ್ರಮುಖ ಸೈಬರ್ ತಜ್ಞ ಪವನ್ ದುಗ್ಗಲ್ ತಿಳಿಸಿದ್ದಾರೆ.

China App Ban: ಟಿಕ್‌ಟಾಕ್‌ಗೆ ಬದಲಿ ಆ್ಯಪ್ ಯಾವುದು ಗೊತ್ತಾ?