COVID-19: ಸ್ಯಾಮ್‌ಸಂಗ್ ಆಯ್ತು, ಈಗ ಆ್ಯಪಲ್ ಸರದಿ

ದೇಶದಲ್ಲಿ ವೈರಸ್ ಹಾವಳಿ ತಡೆಗಟ್ಟಲು 21 ದಿನಗಳ ಲಾಕ್‌ಡೌನ್ ಘೋಷಿಸಲಾಗಿದೆ. ಇದರಿಂದಾಗಿ ಬಹುತೇಕ ಕಂಪನಿಗಳು ಉದ್ಯೋಗಿಗಳಿಗೆ ವರ್ಕ್ ಫ್ರಮ್ ಹೋಮ್ ಆಯ್ಕೆ ನೀಡಿವೆ. ಆದರೆ ಉತ್ಪಾದನಾ ಘಟಕ, ಫ್ಯಾಕ್ಟರಿಗಳಲ್ಲಿ ಈ ಆಯ್ಕೆ ಇಲ್ಲದಿರುವುದರಿಂದ ಸ್ಯಾಮ್‌ಸಂಗ್ ಸ್ಮಾರ್ಟ್‌ಫೋನ್ ಜೋಡಣಾ ಘಟಕವನ್ನು ಮುಚ್ಚಿತ್ತು.

ಇದೀಗ ಉದ್ಯೋಗಿಗಳ ಸುರಕ್ಷತೆ ಮತ್ತು ಸರಕಾರದ ನಿಯಮಾವಳಿ ಪಾಲಿಸುವ ಸಲುವಾಗಿ ಆ್ಯಪಲ್ ಕೂಡ ಉತ್ಪಾದನಾ ಘಟಕವನ್ನು ಮುಚ್ಚಿದೆ. ಲಾಕ್‌ಡೌನ್ ಅವಧಿ ಮುಗಿಯುವವರೆಗೆ ಮತ್ತು ಸರಕಾರ ಮುಂದಿನ ಸೂಚನೆ ನೀಡುವವರೆಗೆ ಆ್ಯಪಲ್ ಸ್ಮಾರ್ಟ್‌ಫೋನ್ ಜೋಡಣಾ ಘಟಕವನ್ನು ತಾತ್ಕಾಲಿಕವಾಗಿ ಮುಚ್ಚಲಿದೆ.

ದೇಶದಲ್ಲೇ ತಯಾರಾಗುತ್ತಿದೆ ಆ್ಯಪಲ್ ಐಫೋನ್
ಆ್ಯಪಲ್, ಫಾಕ್ಸ್‌ಕಾನ್ ಮತ್ತು ವಿಸ್ಟ್ರಾನ್ ಘಟಕದ ಮೂಲಕ ದೇಶದಲ್ಲಿ ಐಫೋನ್‌ಗಳನ್ನು ಬೆಂಗಳೂರು ಮತ್ತು ಚೆನ್ನೈ ಘಟಕದಲ್ಲಿ ತಯಾರಿಸುತ್ತಿತ್ತು. ಬಿಡಿಭಾಗಗಳನ್ನು ತರಿಸಿಕೊಂಡು, ಇಲ್ಲಿ ಜೋಡಿಸಲಾಗುತ್ತಿತ್ತು. ಆದರೆ ವೈರಸ್ ಹಾವಳಿಯಿಂದ, ಉದ್ಯೋಗಿಗಳು ಸಮಸ್ಯೆ ಎದುರಿಸುವುದನ್ನು ತಡೆಯಲು ಈ ಕ್ರಮ ಅನಿವಾರ್ಯವಾಗಿದೆ.

Work From Home: ಮನೆಯಲ್ಲಿ ಕೆಲಸ ಮಾಡುವಾಗ ಈ ತಪ್ಪು ಮಾಡಬೇಡಿ!

ಸ್ಯಾಮ್‌ಸಂಗ್ ಘಟಕವೂ ಕ್ಲೋಸ್
ಸ್ಯಾಮ್‌ಸಂಗ್ ನೋಯ್ಡಾದಲ್ಲಿನ ಉತ್ಪಾದನಾ ಮತ್ತು ಜೋಡಣಾ ಘಟಕವನ್ನು ಈಗಾಗಲೇ ಮುಚ್ಚಿದೆ.

Airtel vs Reliance Jio: ಮನೆಯಲ್ಲೇ ಕೆಲಸ ಮಾಡಲು 2GB ಡೇಟಾ ಪ್ಲ್ಯಾನ್..