Google vs Huawei: ಸ್ವಂತ ಆಪರೇಟಿಂಗ್, ಮ್ಯಾಪ್ ಅಭಿವೃದ್ಧಿಪಡಿಸಲಿದೆ ಹುವೈ

ಗೂಗಲ್ ಆ್ಯಂಡ್ರಾಯ್ಡ್ ಬೆಂಬಲ ಮತ್ತು ಆ್ಯಪ್ ಸೇವೆಗಳನ್ನು ಹುವೈ ಸ್ಮಾರ್ಟ್‌ಫೋನ್‌ಗಳಿಗೆ ನೀಡದಿರಲು ನಿರ್ಧರಿಸಿದ ಬೆನ್ನಲ್ಲೇ ಚೀನಾ ಮೂಲದ ಹುವೈ ತನ್ನದೇ ಆದ ಆಪರೇಟಿಂಗ್ ಸಾಫ್ಟ್‌ವೇರ್ ಮತ್ತು ಮ್ಯಾಪ್, ಇತರ ಸಂಬಂಧಿತ ಆ್ಯಪ್ ಅಭಿವೃದ್ಧಿಪಡಿಸಲು ಮುಂದಾಗಿದೆ.

ಈಗಾಗಲೇ ಆ್ಯಪಲ್ ತನ್ನ ಐಫೋನ್‌ಗಳಿಗೆ ಐಒಎಸ್ ಹೊಂದಿರುವ ರೀತಿಯಲ್ಲೇ, ಹುವೈ ಆ್ಯಂಡ್ರಾಯ್ಡ್ ಸಾಫ್ಟ್‌ವೇರ್‌ಗೆ ಪರ್ಯಾಯವಾಗಿ ಸ್ವಂತ ಒಎಸ್ ತಯಾರಿಸಲಿದ್ದು, ಮ್ಯಾಪ್, ಇ ಮೇಲ್ ಆ್ಯಪ್ ಕೂಡ ಪರಿಚಯಿಸಲಿದೆ.

ಗೂಗಲ್ ಆ್ಯಂಡ್ರಾಯ್ಡ್ ಬೆಂಬಲವಿಲ್ಲದೆಯೇ, ಭದ್ರತಾ ಅಪ್‌ಡೇಟ್‌ಗಳನ್ನು ಕೂಡ ಹುವೈ ನೀಡಲು ತೀರ್ಮಾನಿಸಿದ್ದು, ಬಳಕೆದಾರರನ್ನು ಉಳಿಸಿಕೊಳ್ಳುವ ಕ್ರಮಕ್ಕೆ ಮುಂದಾಗಿದೆ.

ಬಳಕೆದಾರರ ಮಾಹಿತಿ ದುರ್ಬಳಕೆ ಆರೋಪ ಕೇಳಿಬಂದಿದ್ದರಿಂದ ಹುವೈಯನ್ನು ಆ್ಯಂಡ್ರಾಯ್ಡ್ ಒಎಸ್ ಬೆಂಬಲ ಪಟ್ಟಿಯಿಂದ ಗೂಗಲ್ ಹೊರಗಿಟ್ಟಿದೆ.

ಆದರೆ ಈ ಕ್ರಮದಿಂದ ಗೂಗಲ್ ಆದಾಯಕ್ಕೂ ತೊಂದರೆಯಾಗಲಿದೆ.