Online Food Delivery: ಜೊಮ್ಯಾಟೊ, ಸ್ವಿಗ್ಗಿ ಆರ್ಡರ್‌ ಇಳಿಕೆ

ದೇಶದಲ್ಲಿ ಲಾಕ್‌ಡೌನ್ ಜಾರಿಯಲ್ಲಿರುವುದರಿಂದ ಆನ್‌ಲೈನ್ ಫುಡ್ ಡೆಲಿವರಿ ಸೇವೆ ಒದಗಿಸುತ್ತಿರುವ ಆ್ಯಪ್‌ ಹಿನ್ನಡೆ ಅನುಭವಿಸುತ್ತಿದೆ. ದೇಶದ ಪ್ರಮುಖ ಸ್ಟಾರ್ಟಪ್ ಕಂಪನಿಗಳಾದ ಸ್ವಿಗ್ಗಿ ಮತ್ತು ಜೊಮ್ಯಾಟೊ ಫುಡ್ ಆರ್ಡರ್ ಕೊರತೆ ಎದುರಿಸುತ್ತಿರುವೆ.

ಆನ್‌ಲೈನ್‌ ಫುಡ್‌ ವಿತರಣೆಯ ಆರ್ಡರ್‌ಗಳು ಜೊಮ್ಯಾಟೊ ಮತ್ತು ಸ್ವಿಗ್ಗಿಗೆ, ಕಳೆದ 10 ದಿನಗಳಲ್ಲಿ ಶೇ. 70ರಷ್ಟು ಇಳಿಕೆಯಾಗಿವೆ.

ಕೋವಿಡ್‌-19 ಪರಿಣಾಮ ಅನೇಕ ಗ್ರಾಹಕರು ಫುಡ್‌ ಆರ್ಡರ್‌ ಸ್ಥಗಿತಗೊಳಿಸಿದ್ದಾರೆ. ಮತ್ತೊಂದು ಕಡೆ ಪ್ರಮುಖ ರೆಸ್ಟೋರೆಂಟ್‌ಗಳು ಬಾಗಿಲು ಮುಚ್ಚಿವೆ. ಇದರಿಂದಾಗಿ ಜೊಮ್ಯಾಟೊ ಮತ್ತು ಸ್ವಿಗ್ಗಿಗೆ ಆರ್ಡರ್‌ಗಳು ಗಣನೀಯವಾಗಿ ಕುಗ್ಗಿವೆ ಎಂದು ವ್ಯಾಖ್ಯಾನಿಸಲಾಗಿದೆ.

ಈ ಮೊದಲು ಪ್ರತಿ ದಿನ 25 ಲಕ್ಷ ಡೆಲಿವರಿಗಳು ಆಗುತ್ತಿದ್ದವು. ಈಗ 10 ಲಕ್ಷದೊಳಗೆ ಇಳಿದಿದೆ. ಲಾಕ್‌ಡೌನ್‌ಗೆ ಮುನ್ನ ಮಾರ್ಚ್ ಮೊದಲ ಎರಡು ವಾರಗಳಲ್ಲಿ ಡೆಲಿವರಿ ಆರ್ಡರ್‌ಗಳು ಶೇ. 20ರಷ್ಟು ಕುಸಿದಿದ್ದವು. ಬೆಂಗಳೂರು ಸಹಿತ ನಾನಾ ನಗರಗಳಲ್ಲಿ ಸೇವೆ ನೀಡುತ್ತಿರುವ ಸ್ವಿಗ್ಗಿ ಪ್ರಕಾರ, ಶೇ. 20ರಷ್ಟು ರೆಸ್ಟೋರೆಂಟ್‌ಗಳಷ್ಟೇ ಕಾರ್ಯ ನಿರ್ವಹಿಸುತ್ತಿವೆ.

Work From Home: ಆಫೀಸ್ ಕೆಲಸ ವೇಗವಾಗಬೇಕಾದರೆ ಈ ಟಿಪ್ಸ್ ಬಳಸಿ!

ಅಲ್ಲದೆ ಆನ್‌ಲೈನ್ ಸೇವೆ ನೀಡುತ್ತಿರುವ ಇತರ ವಿವಿಧ ಆ್ಯಪ್‌ಗಳು ಕೂಡ ಲಾಕ್‌ಡೌನ್ ಪರಿಣಾಮ ಸಮಸ್ಯೆಗೆ ಸಿಲುಕಿದ್ದು, ಬೇಡಿಕೆ ಕುಸಿತದ ಜತೆಗೆ ಮಾರುಕಟ್ಟೆಯಲ್ಲಿ ಹಿನ್ನಡೆ ಅನುಭವಿಸುತ್ತಿವೆ.

April Smartphone Launches: ಬರುತ್ತಿದೆ ಹೊಸ ಹೊಸ ಫೋನ್!