PUBG Age Lock: ಮಕ್ಕಳಿಗೆ ಪಾಲಕರ ಅನುಮತಿ ಅಗತ್ಯ

ಆನ್‌ಲೈನ್‌ನಲ್ಲಿ ಜನಪ್ರಿಯವಾಗಿರುವ ಪಬ್‌ಜಿ ಗೇಮ್‌ ಚಟಕ್ಕೆ ಬಲಿಯಾಗುತ್ತಿರುವ ಯುವಸಮುದಾಯದ ಸಂಖ್ಯೆ ದಿನವೂ ಏರಿಕೆಯಾಗುತ್ತಿದೆ. ದೇಶದಲ್ಲೂ ಹಲವು ಸಂದರ್ಭದಲ್ಲಿ PubG ಗೇಮ್ ನಿಷೇಧಿಸುವಂತೆ ಒತ್ತಾಯ ಕೇಳಿಬಂದಿದೆ.

ಪಬ್‌ಜಿಗೆ ಲಾಕ್ ಅಳವಡಿಸುವಂತೆ ಮತ್ತು ಮಕ್ಕಳು ಚಟಕ್ಕೆ ಬಲಿಯಾಗುವುದನ್ನು ತಡೆಯಲು ಪಬ್‌ಜಿ ಚೀನಾದಲ್ಲಿ ಡಿಜಿಟಲ್ ಲಾಕ್ ವ್ಯವಸ್ಥೆ ಪರಿಚಯಿಸಿದೆ.

ಅದರ ಪ್ರಕಾರ 13 ವರ್ಷದೊಳಗಿನ ಮಕ್ಕಳು ಪಬ್‌ಜಿ ಆಡಬೇಕಾದರೆ, ಲಾಕ್‌ ತೆರೆಯಲು ಪಾಲಕರ ಅನುಮತಿ ಅಗತ್ಯವಾಗಿದೆ.

ಚೀನಾದಲ್ಲಿ ಪಬ್‌ಜಿ ಚಟಕ್ಕೆ ಹೆಚ್ಚು ಮಕ್ಕಳು ಬಲಿಯಾಗುತ್ತಿರುವುದನ್ನು ತಡೆಯಲು, ಅಲ್ಲಿನ ಸರಕಾರ ಗೇಮ್ ನಿಷೇಧಿಸಲು ಮುಂದಾಗಿತ್ತು.

ಜತೆಗೆ ಅಗತ್ಯ ಕ್ರಮ ಕೈಗೊಳ್ಳುವಂತೆ ಎಚ್ಚರಿಕೆ ನೀಡಿತ್ತು. ಅದರ ಬೆನ್ನಲ್ಲೇ ಚೀನಾದಲ್ಲಿ ಪಬ್‌ಜಿ ಚೈಲ್ಡ್ ಲಾಕ್ ಪರಿಚಯಿಸಿದೆ. ತೆನ್ಸೆಂಟ್ ಗೇಮ್ಸ್ ಪಬ್‌ಜಿ ಆಟದಲ್ಲಿ ಲಾಕ್‌ ಪರಿಚಯಿಸುವ ಜತೆಗೆ ಫೇಶಿಯಲ್ ರೆಕಗ್ನಿಷನ್ ಮತ್ತು ಪ್ಲೇಯರ್ ಐಡಿ ಅಳವಡಿಸಲು ಮುಂದಾಗಿದೆ. ಇದರಿಂದ 13 ವರ್ಷದೊಳಗಿನ ಮಕ್ಕಳು ಪಬ್‌ಜಿ ಆಡದಂತೆ ತಡೆಯಬಹುದು ಎನ್ನಲಾಗಿದೆ.

ದೇಶದಲ್ಲಿ ಪಬ್‌ಜಿ ಚಟಕ್ಕೆ ಬಿದ್ದ ಮಕ್ಕಳು ಹಿಂಸಾಪ್ರವೃತ್ತಿಗಿಳಿಯುವುದು ಮತ್ತು ನಿರಂತರ ಆಟದಲ್ಲಿ ತೊಡಗಿದ್ದು, ಗೇಮ್ ನಿಷೇಧಿಸಿ ಇಲ್ಲವೆ ನಿಯಂತ್ರಣಕ್ಕೆ ಕ್ರಮ ಕೈಗೊಳ್ಳಿ ಎಂದು ಒತ್ತಾಯ ಕೇಳಿಬಂದಿದೆ.