Airtel Broadband: 1000GB ವರೆಗೆ ಉಚಿತ ಡೇಟಾ

ರಿಲಯನ್ಸ್ ಜಿಯೋ ಗಿಗಾಫೈಬರ್ ಇಂಟರ್‌ನೆಟ್ ಸೇವೆಗಳು ವಾಣಿಜ್ಯ ಬಳಕೆಗೆ ದೊರೆಯಲು ಕೆಲವೇ ದಿನಗಳು ಬಾಕಿ ಉಳಿದಿರುವಾಗ ಏರ್‌ಟೆಲ್ ತನ್ನ ಬ್ರ್ಯಾಡ್‌ಬ್ಯಾಂಡ್ ಸೇವೆಗಳನ್ನು ಪರಿಷ್ಕರಿಸಿ, ಹೆಚ್ಚಿನ ಉಚಿತ ಡೇಟಾದ ಆಫರ್ ನೀಡಲು ಮುಂದಾಗಿದೆ.

ಏರ್‌ಟೆಲ್ ವಿ ಫೈಬರ್ ಪ್ಲ್ಯಾನ್‌ ಬಳಕೆದಾರರು ಆರು ತಿಂಗಳ ಅವಧಿಗೆ 1000 GB ಹೆಚ್ಚುವರಿ ಡೇಟಾ ಪಡೆಯಬಹುದಾಗಿದೆ.

ಏರ್‌ಟೆಲ್ ಬೇಸಿಕ್ ಪ್ಯಾಕ್ 799 ರೂ.ನಿಂದ ಆರಂಭವಾಗಲಿದೆ. ಏರ್‌ಟೆಲ್ ಬ್ರ್ಯಾಡ್‌ಬ್ಯಾಂಡ್ 100 Mbps ವರೆಗೆ ವೇಗ ಹೊಂದಿರಲಿದೆ.

ಏರ್‌ಟೆಲ್ ವಿ ಬ್ರ್ಯಾಡ್‌ಬ್ಯಾಂಡ್ ಪ್ರಸ್ತುತ ನಾಲ್ಕು ಪ್ಲ್ಯಾನ್‌ಗಳನ್ನು ಹೊಂದಿದೆ. ಬೇಸಿಕ್ ಪ್ಯಾಕ್ 799 ರೂ., ಎಂಟರ್‌ಟೈನ್‌ಮೆಂಟ್ ಪ್ಯಾಕ್ 1,099 ರೂ., ಪ್ರೀಮಿಯಂ ಪ್ಯಾಕ್‌ ಬೆಲೆ 1,599 ರೂ. ಮತ್ತು ವಿಐಪಿ ಪ್ಯಾಕ್‌ ಬೆಲೆ 1,999 ರೂ. ಆಗಿದೆ. ಈ ಪೈಕಿ ವಿಐಪಿ ಪ್ಯಾಕ್‌ ಬಳಕೆದಾರರು ಯಾವುದೇ ನಿರ್ಬಂಧವಿಲ್ಲದೆ ಅನಿಯಮಿತ ಡೇಟಾ ಪಡೆಯಲಿದ್ದು, ಅವರಿಗೆ ಹೆಚ್ಚುವರಿ 1000 GB ವರೆಗಿನ ಡೇಟಾ ಪ್ರಯೋಜನಗಳು ಲಭ್ಯವಿಲ್ಲ.

ಉಳಿದಂತೆ ಮೂರು ಪ್ಯಾಕ್ ಅಳವಡಿಸಿಕೊಂಡ ಗ್ರಾಹಕರಿಗೆ ಹೊಸ ಡೇಟಾ ಕೊಡುಗೆ ದೊರೆಯುತ್ತದೆ.

ಏರ್‌ಟೆಲ್ ವಿ ಫೈಬರ್ ಬೇಸಿಕ್ ಪ್ಯಾಕ್ 799 ರೂ.
ಈ ಯೋಜನೆಯಡಿ ಗ್ರಾಹಕರಿಗೆ 40Mbps ವೇಗದಲ್ಲಿ 100 GB ಡೇಟಾ ಪ್ರತಿ ತಿಂಗಳು ಲಭ್ಯ, ಆಫರ್ ಮೂಲಕ ಹೆಚ್ಚುವರಿ 200GB ಡೇಟಾ ದೊರೆಯಲಿದ್ದು, 6 ತಿಂಗಳ ವ್ಯಾಲಿಡಿಟಿ ಇರಲಿದೆ.

ಏರ್‌ಟೆಲ್ ಎಂಟರ್‌ಟೈನ್‌ಮೆಂಟ್ ಪ್ಯಾಕ್ 1,099 ರೂ.
ಈ ಯೋಜನೆಯಡಿ 100Mbps ವೇಗದಲ್ಲಿ 300 GB ಡೇಟಾ ಇದ್ದು, ಹೆಚ್ಚುವರಿಯಾಗಿ 500 GB ಡೇಟಾ ದೊರೆಯಲಿದ್ದು, 6 ತಿಂಗಳ ವ್ಯಾಲಿಡಿಟಿ ಲಭ್ಯ.

ಏರ್‌ಟೆಲ್ ಪ್ರೀಮಿಯಂ ಪ್ಯಾಕ್‌ ಬೆಲೆ 1,599 ರೂ.
ಈ ಪ್ಯಾಕ್ ಬಳಸುತ್ತಿರುವ ಗ್ರಾಹಕರಿಗೆ 300 Mbps ವೇಗದಲ್ಲಿ 600 GB ಡೇಟಾ ಲಭ್ಯವಿದೆ. ಉಳಿದಂತೆ 1000 GB ಡೇಟಾ ಆಫರ್ ಮೂಲಕ ದೊರೆಯಲಿದ್ದು, 6 ತಿಂಗಳ ವ್ಯಾಲಿಡಿಟಿ ಲಭ್ಯ. ಜತೆಗೆ ಏರ್‌ಟೆಲ್ ಥ್ಯಾಂಕ್ಸ್ ಮೂಲಕ ಅಮೆಜಾನ್ ಪ್ರೈಮ್ ಚಂದಾದಾರತ್ವ ಕೂಡ ದೊರೆಯಲಿದೆ.

Xiaomi Price Cut: ರೆಡ್ಮಿ ಫೋನ್ ದರ ಕಡಿತ

TikTok Campaign: ಜನಜಾಗೃತಿ ಮೂಡಿಸಲಿದೆ ಟಿಕ್‌ಟಾಕ್