TikTok Ban: ಚೀನಾ ಆ್ಯಪ್ ನಿಷೇಧದ ಬಳಿಕ ಟಾಪ್ 10 ಪಟ್ಟಿಯಲ್ಲಿ ದೇಸಿ ಆ್ಯಪ್‌ಗಳು!

ರಾಷ್ಟ್ರೀಯ ಭದ್ರತೆ ಮತ್ತು ಹಿತಾಸಕ್ತಿಯ ಕಾರಣಕ್ಕೆ ದೇಶದಲ್ಲಿ ಚೀನಾ ಮೂಲದ 59 ಆ್ಯಪ್‌ಗಳನ್ನು ಕೇಂದ್ರ ಸರಕಾರ ನಿಷೇಧಿಸಿದೆ. ಟಿಕ್‌ಟಾಕ್ ಪ್ರಮುಖವಾಗಿ ಬ್ಯಾನ್ ಆಗಿರುವುದು ದೇಶದಲ್ಲಿನ ವಿವಿಧ ದೇಸಿ ಆ್ಯಪ್‌ಗಳಿಗೆ ಅದೃಷ್ಟ ತಂದುಕೊಟ್ಟಿದೆ.

ಟಿಕ್‌ಟಾಕ್ ನಿಷೇಧವಾಗುತ್ತಲೇ, ಅದೇ ರೀತಿಯ ಫೀಚರ್ ಹೊಂದಿರುವ ರೋಪೊಸೊ, ಚಿಂಗಾರಿ ಮತ್ತು ಮಿತ್ರೊ ಆ್ಯಪ್‌ಗಳು ಈಗ ಗೂಗಲ್ ಪ್ಲೇ ಸ್ಟೋರ್ ಮತ್ತು ಆ್ಯಪಲ್ ಆ್ಯಪ್‌ ಸ್ಟೋರ್‌ ಟಾಪ್ ಡೌನ್‌ಲೋಡ್ಸ್ ಪಟ್ಟಿಯಲ್ಲಿ ಸ್ಥಾನ ಪಡೆದಿದೆ.

ಜತೆಗೆ ಟಾಪ್ ಫ್ರೀ ಆ್ಯಪ್‌ ಪಟ್ಟಿಯಲ್ಲಿ ರೋಪೊಸೊ ಅತ್ಯಂತ ಹೆಚ್ಚು ಡೌನ್‌ಲೋಡ್ ದಾಖಲೆ ಹೊಂದಿದೆ. ಅದರ ಬಳಿಕದ ಸ್ಥಾನದಲ್ಲಿ ಚಿಂಗಾರಿ ಇದ್ದು, ನಂತರದಲ್ಲಿ ಮಿತ್ರೋ ಇದೆ.

ದೇಶದಲ್ಲಿ ಅತ್ಯಂತ ಹೆಚ್ಚಿನ ಸಂಖ್ಯೆಯಲ್ಲಿ ಟಿಕ್‌ಟಾಕ್ ಬಳಕೆದಾರರು ಇದ್ದು, ಆ್ಯಪ್‌ ನಿಷೇಧದ ಬಳಿಕ ಅನಿವಾರ್ಯವಾಗಿ ಇತರ ಆ್ಯಪ್‌ ಬಳಕೆ ಮಾಡಬೇಕಾಗಿದೆ.

TikTok Ban: ಒಂದಲ್ಲಾ, ಎರಡಲ್ಲಾ.. ಚೀನಾ ಕಂಪನಿಗೆ 45,000 ಕೋಟಿ ರೂ. ನಷ್ಟ!

ಜತೆಗೆ ಚೀನಾ ಆ್ಯಪ್‌ ಮತ್ತು ಸರಕು ಬಹಿಷ್ಕಾರ ಅಭಿಯಾನ, ಸ್ವದೇಶಿ ಬಳಕೆಗೆ ಉತ್ತೇಜನವೂ ಇದಕ್ಕೆ ಪೂರಕವಾಗಿದ್ದು, ಹೆಚ್ಚಿನ ಸಂಖ್ಯೆಯಲ್ಲಿ ಜನರು ದೇಸಿ ಆ್ಯಪ್‌ಗಳನ್ನು ಡೌನ್‌ಲೋಡ್ ಮಾಡಿಕೊಂಡು ಬಳಸುತ್ತಿದ್ದಾರೆ.

TikTok Scam: ಟಿಕ್‌ಟಾಕ್ ಆ್ಯಪ್ ನಿಷೇಧದ ಬೆನ್ನಲ್ಲೇ ಬಂತು ಟಿಕ್‌ಟಾಕ್ ಪ್ರೊ!