TikTok Ban: ಬೈಟ್‌ಡ್ಯಾನ್ಸ್‌ನಿಂದ ಹೊರನಡೆಯಲಿದ್ದಾರೆ ಎಐ ರಿಸರ್ಚ್ ಹೆಡ್

ಚೀನಾ ಮೂಲದ ಟಿಕ್‌ಟಾಕ್ ಅಪ್ಲಿಕೇಶನ್‌ಗೆ ದೇಶದಲ್ಲಿ ನಿಷೇಧ ಹೇರಲಾಗಿದೆ. ಅದರ ಜತೆಗೇ ಈಗ ಅಮೆರಿಕದಲ್ಲೂ ನಿಷೇಧದ ಕೂಗು ಕೇಳಿಬರುತ್ತಿದೆ. ಹೀಗಾಗಿ ಬೈಟ್‌ಡ್ಯಾನ್ಸ್ ಆರ್ಟಿಫಿಶಿಯಲ್ ಇಂಟಲಿಜೆನ್ಸ್ ವಿಭಾಗದ ಮುಖ್ಯಸ್ಥ ಮಾ ವೇ ಯಿಂಗ್ ಹುದ್ದೆ ತ್ಯಜಿಸಲಿದ್ದಾರೆ.

ಬೈಟ್‌ಡ್ಯಾನ್ಸ್ ಸೇರುವುದಕ್ಕೂ ಮೊದಲು ಮೈಕ್ರೋಸಾಫ್ಟ್‌ನಲ್ಲಿದ್ದ ಮಾ ವೇ ಯಿಂಗ್, 2017ರಲ್ಲಿ ಕಂಪನಿ ಸೇರಿಕೊಂಡಿದ್ದರು. ಇತ್ತೀಚೆಗೆ ಅಮೆರಿಕ, ಚೀನಾ ಮೂಲದ ಟಿಕ್‌ಟಾಕ್ ಬಳಕೆದಾರರ ಮಾಹಿತಿ ಕದಿಯುತ್ತಿದೆ ಮತ್ತು ಗ್ರಾಹಕರಿಗೆ ಸುರಕ್ಷತೆ ಒದಗಿಸುತ್ತಿಲ್ಲ ಎಂದು ಆರೋಪಿಸಿತ್ತು. ಅದರ ಬೆನ್ನಲ್ಲೇ ವೇ ಯಿಂಗ್ ಹುದ್ದೆ ತೊರೆದು ಹೋಗುತ್ತಿದ್ದಾರೆ.

ಮಾ ವೇ ಯಿಂಗ್ ಬೈಟ್‌ಡ್ಯಾನ್ಸ್ ಬಿಟ್ಟು ಹೋಗುತ್ತಿರುವುದನ್ನು ಕಂಪನಿ ವಕ್ತಾರ ದೃಢಪಡಿಸಿದ್ದಾರೆ. ಮೈಕ್ರೋಸಾಫ್ಟ್‌ ರಿಸರ್ಚ್ ಏಷ್ಯಾದಲ್ಲಿ ಅಸಿಸ್ಟೆಂಟ್ ಮ್ಯಾನೇಜಿಂಗ್ ಡೈರೆಕ್ಟರ್ ಆಗಿದ್ದ ವೇ ಯಿಂಗ್, ತೈವಾನ್ ಮತ್ತು ಅಮೆರಿಕದಲ್ಲಿ ತರಬೇತಿ ಪಡೆದುಕೊಂಡಿದ್ದರು.

Boycott China: ಮೇಕ್‌ ಇನ್‌ ಇಂಡಿಯಾಗೆ ಚೀನಾ ಕಂಪನಿಗಳ ಒತ್ತು

ವೇ ಯಿಂಗ್ ಸ್ಥಾನಕ್ಕೆ ಬೈಟ್‌ಡ್ಯಾನ್ಸ್ ಕಂಪನಿ ಯಾರನ್ನು ಸೇರ್ಪಡೆ ಮಾಡಿಕೊಳ್ಳಲಿದೆ ಎಂದು ತಿಳಿಸಿಲ್ಲ. ಇದೇ ವೇಳೆ ಚೀನಾದ ಬೈಟ್‌ಡ್ಯಾನ್ಸ್ ಅಮೆರಿಕದ ಕ್ಯಾಲಿಫೋರ್ನಿಯಾದಲ್ಲಿ 150ಕ್ಕೂ ಅಧಿಕ ಇಂಜಿನಿಯರ್ ನೇಮಕ ಮಾಡಿಕೊಂಡಿದ್ದು, ಮತ್ತಷ್ಟು ವಿಸ್ತರಣೆಗೆ ಯೋಜನೆ ರೂಪಿಸಿದೆ ಎನ್ನಲಾಗಿದೆ.

Boycott China: ಸ್ಯಾಮ್‌ಸಂಗ್ ಫೋನ್ ಮಾರಾಟ ಏರಿಕೆ, ಚೀನಾ ಫೋನ್ ಬೇಡಿಕೆ ಕುಸಿತ!