Sony Xperia 1: ಬಿಡುಗಡೆಗೂ ಮೊದಲೇ ಲೀಕ್ ಆದ ಸ್ಮಾರ್ಟ್‌ಫೋನ್ ವೈಶಿಷ್ಟ್ಯಗಳು

ಸ್ಮಾರ್ಟ್‌ಫೋನ್ ಕ್ಷೇತ್ರದಲ್ಲಿ ಕೆಲಸಮಯದಿಂದ ಹಿಂದಕ್ಕೆ ಸರಿದಿರುವ ಸೋನಿ, ಎಕ್ಸ್‌ಪೆರಿಯಾ ಸರಣಿಯೊಂದಿಗೆ ಮತ್ತೆ ಮಾರುಕಟ್ಟೆ ಪ್ರವೇಶಿಸಲು ಸಜ್ಜಾಗಿದೆ.

ಮೊಬೈಲ್ ವರ್ಲ್ಡ್‌ ಕಾಂಗ್ರೆಸ್‌ನಲ್ಲಿ ಬಹುತೇಕ ಎಲ್ಲ ಸ್ಮಾರ್ಟ್‌ಫೋನ್‌ ತಯಾರಿಕ ಕಂಪನಿಗಳು ನೂತನ ಮಾದರಿಯ ಫೋನ್‌ಗಳನ್ನು ಪ್ರದರ್ಶಿಸುತ್ತವೆ.

ಸೋನಿ ಎಕ್ಸ್‌ಪೆರಿಯಾ ಸರಣಿಯಲ್ಲಿ ಸೋನಿ ಎಕ್ಸ್‌ಪೆರಿಯಾ 1 ಚಿತ್ರಗಳು ಆನ್‌ಲೈನ್‌ನಲ್ಲಿ ಬಿಡುಗಡೆಯಾಗಿದೆ.

ಸೋನಿ ಎಕ್ಸ್‌ಪೆರಿಯಾ 1 ಸ್ಮಾರ್ಟ್‌ಫೋನ್ ಹಿಂಭಾಗದಲ್ಲಿ ತ್ರಿವಳಿ ಕ್ಯಾಮರಾ ವ್ಯವಸ್ಥೆ ಹೊಂದಿದೆ. ಎನ್‌ಎಫ್‌ಸಿ ಬೆಂಬಲ ಕೂಡ ಇದ್ದು, ಬದಿಯಲ್ಲಿ ಫಿಂಗರ್‌ಪ್ರಿಂಟ್ ಸೆನ್ಸರ್ ಇದೆ.

ಸ್ನ್ಯಾಪ್‌ಡ್ರಾಗನ್ 855 SoC ಪ್ರಾಸೆಸರ್ ಕೂಡ ಇದ್ದು, 6 ಜಿಬಿ RAM, 256 GB ಸ್ಟೊರೇಜ್ ಇರಲಿದೆ ಎನ್ನಲಾಗಿದೆ.
ಆ್ಯಂಡ್ರಾಯ್ಡ್‌ 9.0 ಪೈ ಆಪರೇಟಿಂಗ್ ವ್ಯವಸ್ಥೆ ಹೊಂದಿರುತ್ತದೆ ಎಂದು ತಜ್ಞರು ಅಂದಾಜಿಸಿದ್ದಾರೆ.

4K HDR OLED ಪ್ಯಾನಲ್ ಸಹಿತ ಉತೃಷ್ಟಮಟ್ಟದ ಡಿಸ್‌ಪ್ಲೇ ಹೊಂದಿರುವ ಸೋನಿ ಎಕ್ಸ್‌ಪೆರಿಯಾ 1 ಸ್ಮಾರ್ಟ್‌ಫೋನ್ ಮಾರುಕಟ್ಟೆಯಲ್ಲಿ ಸದ್ದು ಮಾಡಲಿದೆ.

ಸೋನಿ ಎಕ್ಸ್‌ಪೆರಿಯಾ 1 ಜತೆಗೆ ಮೊಬೈಲ್‌ ವರ್ಲ್ಡ್‌ ಕಾಂಗ್ರೆಸ್‌ನಲ್ಲಿ ಎಕ್ಸ್‌ಪೆರಿಯಾ XA3, ಎಕ್ಸ್‌ಪೆರಿಯಾ L3 ಕೂಡ ಬಿಡುಗಡೆಯಾಗಲಿದೆ ಎನ್ನಲಾಗಿದೆ.