Womens Day Sale: ಫ್ಲಿಪ್‌ಕಾರ್ಟ್‌ನಲ್ಲಿ ವಿಶೇಷ ಕೊಡುಗೆ

ಮಾರ್ಚ್ 8 ಶುಕ್ರವಾರ ಮಹಿಳೆಯರ ದಿನ ಆಚರಿಸಲಾಗುತ್ತಿದ್ದು, ಇ ಕಾಮರ್ಸ್ ತಾಣಗಳು ವಿಶೇಷ ದರ ಕಡಿತ ಕೊಡುಗೆ ಪ್ರಕಟಿಸಿವೆ. ಫ್ಲಿಪ್‌ಕಾರ್ಟ್ ಕೂಡ ವುಮೆನ್ಸ್ ಡೇ ಪ್ರಯುಕ್ತ ವಿಶೇಷ ದರ ಕಡಿತ ಯೋಜನೆ ಪ್ರಕಟಿಸಿದೆ.

ಮಾರ್ಚ್ 7ರ ಗುರುವಾರ ಆರಂಭವಾಗುವ ಫ್ಲಿಪ್‌ಕಾರ್ಟ್ ಸೇಲ್, ಮಾರ್ಚ್ 8ರವರೆಗೆ ನಡೆಯಲಿದೆ. ಎರಡು ದಿನಗಳ ಮಹಿಳಾ ದಿನಾಚರಣೆ ವಿಶೇಷ ಕೊಡುಗೆಯಲ್ಲಿ ಫ್ಲಿಪ್‌ಕಾರ್ಟ್ ಪೋಕೋ, ರಿಯಲ್‌ಮಿ ಮತ್ತು ನೋಕಿಯಾ ಸಹಿತ ವಿವಿಧ ಸ್ಮಾರ್ಟ್‌ಫೋನ್‌ಗಳ ಮೇಲೆ ಆಫರ್ ನೀಡುತ್ತಿದೆ.

ಎಕ್ಸ್‌ಚೇಂಜ್ ಕೊಡುಗೆ, ಮೊಬೈಲ್ ಪ್ರೊಟೆಕ್ಷನ್ ಪ್ಲ್ಯಾನ್, ನೊ ಕಾಸ್ಟ್ ಇಎಂಐ, ಬೈಬ್ಯಾಕ್ ಗ್ಯಾರಂಟಿ ಸಹಿತ ವಿವಿಧ ಕೊಡುಗೆಗಳು ದೊರೆಯುತ್ತವೆ.

ಶಿಯೋಮಿ ಪೋಕೊ ಎಫ್‌1: ರೆಡ್ಮಿಯ ಪೋಕೊ ಎಫ್‌1 ಮೇಲೆ ವಿಶೇಷ ಕೊಡುಗೆ ಇರಲಿದ್ದು, ಕ್ವಾಲ್ಕಂ ಸ್ನ್ಯಾಪ್‌ಡ್ರ್ಯಾಗನ್ 845 SoC ಪ್ರೊಸೆಸರ್ ಹೊಂದಿದೆ.

ರಿಯಲ್‌ಮಿ 2 Pro: ರಿಯಲ್‌ಮಿ 2 ಪ್ರೊ ಮಾದರಿ ಸ್ಮಾರ್ಟ್‌ಫೋನ್‌ ದೇಶದಲ್ಲಿ ಅತಿ ಕಡಿಮೆ ದರಕ್ಕೆ ದೊರೆಯುವ 8GB RAM ಆವೃತ್ತಿಯ ಸ್ಮಾರ್ಟ್‌ಫೋನ್ ಆಗಿದೆ. ಒಕ್ಟಾ ಕೋರ್ ಸ್ನ್ಯಾಪ್‌ಡ್ರ್ಯಾಗನ್ 660 ಸಹಿತ ರಿಯಲ್‌ಮಿ 2 Pro 12,990 ರೂ.ಗೆ ದೊರೆಯಲಿದೆ.

ನೋಕಿಯಾ 6.1 Plus: ನೋಕಿಯಾದ 6.1 ಪ್ಲಸ್ ಬಜೆಟ್‌ ಸ್ಮಾರ್ಟ್‌ಫೋನ್ ಎಂದೇ ಹೆಸರು ಪಡೆದಿದ್ದು, ಮಹಿಳಾ ದಿನಾಚರಣೆಯ ಸಂದರ್ಭ 13,999 ರೂ. ಆರಂಭಿಕ ಬೆಲೆಯಲ್ಲಿ ದೊರೆಯಲಿದೆ.

ಮೋಟೋರೊಲ ಒನ್ ಪವರ್: ಮೋಟೋರೊಲದ ಒನ್ ಪವರ್ 5000mAh ಬ್ಯಾಟರಿ ಸಾಮರ್ಥ್ಯ ಹೊಂದಿದ್ದು, ಆಫರ್ ಅವಧಿಯಲ್ಲಿ 13,999 ರೂ.ಗೆ ದೊರೆಯಲಿದೆ.

ಸ್ಯಾಮ್‌ಸಂಗ್ ಗ್ಯಾಲಕ್ಸಿ S8: ಸ್ಯಾಮ್‌ಸಂಗ್ ಗ್ಯಾಲಕ್ಸಿ ಸರಣಿಯ ಸ್ಮಾರ್ಟ್‌ಫೋನ್ ಎಸ್‌8 ಸೇಲ್ ಅವಧಿಯಲ್ಲಿ 30,990 ರೂ.ಗೆ ದೊರೆಯುತ್ತದೆ.