TRAI Report: 75 ಲಕ್ಷ ಗ್ರಾಹಕರನ್ನು ಕಳೆದುಕೊಂಡ ಏರ್‌ಟೆಲ್ ಮತ್ತು ವೊಡಾಫೋನ್ ಐಡಿಯಾ!

ದೇಶದ ಟೆಲಿಕಾಂ ನಿಯಂತ್ರಣ ಪ್ರಾಧಿಕಾರ ಟ್ರಾಯ್, ಮಾರ್ಚ್ ತಿಂಗಳ ವರದಿ ಪ್ರಕಟಿಸಿದ್ದು, ಏರ್‌ಟೆಲ್ ಮತ್ತು ವೊಡಾಫೋನ್ ಐಡಿಯಾ 75 ಲಕ್ಷಕ್ಕೂ ಅಧಿಕ ಗ್ರಾಹಕರನ್ನು ಕಳೆದುಕೊಂಡಿದೆ ಎಂದು ಹೇಳಿದೆ.

ಫೆಬ್ರವರಿ 2020ರಲ್ಲಿ 9 ಲಕ್ಷ ಹೊಸ ಗ್ರಾಹಕರನ್ನು ಪಡೆದುಕೊಂಡಿದ್ದ ಭಾರ್ತಿ ಏರ್‌ಟೆಲ್, ಮಾರ್ಚ್‌ನಲ್ಲಿ 12 ಲಕ್ಷಕ್ಕೂ ಅಧಿಕ ಗ್ರಾಹಕರನ್ನು ಕಳೆದುಕೊಂಡಿದೆ. ಇದೇ ಅವಧಿಯಲ್ಲಿ ವೊಡಾಫೋನ್ ಐಡಿಯಾ 63 ಲಕ್ಷಕ್ಕೂ ಹೆಚ್ಚಿನ ಗ್ರಾಹಕರನ್ನು ಕಳೆದುಕೊಂಡಿದ್ದು, ಉಭಯ ಕಂಪನಿಗಳು ಒಟ್ಟಾರೆಯಾಗಿ ಮಾರ್ಚ್ ತಿಂಗಳೊಂದರಲ್ಲೇ 75 ಲಕ್ಷಕ್ಕೂ ಅಧಿಕ ಗ್ರಾಹಕರು ಏರ್‌ಟೆಲ್ ಮತ್ತು ವೊಡಾಫೋನ್ ಐಡಿಯಾ ಬಿಟ್ಟು ಬೇರೆ ನೆಟ್‌ವರ್ಕ್‌ಗೆ ಪೋರ್ಟ್ ಮಾಡಿಕೊಂಡಿದ್ದಾರೆ ಎಂದು ಟ್ರಾಯ್ ಹೇಳಿದೆ.

ಜಿಯೋಗೆ ಬಂಪರ್!
ಮಾರ್ಚ್ ತಿಂಗಳಿನಲ್ಲಿ ರಿಲಯನ್ಸ್ ಜಿಯೋ 46 ಲಕ್ಷ ಹೊಸ ಗ್ರಾಹಕರನ್ನು ಸಂಪಾದಿಸಿದೆ. ಅಂದರೆ ಇವರಲ್ಲಿ ಬಹುತೇಕರು ಏರ್‌ಟೆಲ್, ವೊಡಾಫೋನ್ ಐಡಿಯಾ ನೆಟ್‌ವರ್ಕ್‌ ತೊರೆದು ಜಿಯೋಗೆ ಪೋರ್ಟ್ ಮಾಡಿಕೊಂಡವರಾಗಿದ್ದಾರೆ. ಇದರೊಂದಿಗೆ ದೇಶದ ಟೆಲಿಕಾಂ ಮಾರುಕಟ್ಟೆಯಲ್ಲಿ ಒಟ್ಟಾರೆ ರಿಲಯನ್ಸ್ ಜಿಯೋ ಮಾರ್ಚ್‌ನಲ್ಲಿ ಶೇ. 33.47 ಪಾಲು ಪಡೆದುಕೊಂಡಿದ್ದರೆ, ಏರ್‌ಟೆಲ್ ಶೇ. 28.31 ಪಾಲು ಪಡೆದುಕೊಳ್ಳುವ ಮೂಲಕ ಎರಡನೇ ಸ್ಥಾನದಲ್ಲಿದೆ.

ಆದರೆ ಅಚ್ಚರಿಯೆಂಬಂತೆ, ಬಿಎಸ್‌ಎನ್‌ಎಲ್ ಮಾರ್ಚ್‌ನಲ್ಲಿ 96 ಸಾವಿರ ಗ್ರಾಹಕರನ್ನು ಪಡೆದುಕೊಂಡಿದೆ. ಆದರೆ ಫೆಬ್ರವರಿಯಲ್ಲಿ 4 ಲಕ್ಷ ಗ್ರಾಹಕರು ಬಿಎಸ್‌ಎನ್‌ಎಲ್ ಸೇರಿಕೊಂಡಿದ್ದರು.

ಪ್ರಸ್ತುತ ವೊಡಾಫೋನ್ ಐಡಿಯಾ ಶೇ. 27.57 ಪಾಲು ಪಡೆದು ಮೂರನೇ ಸ್ಥಾನದಲ್ಲಿದ್ದು, ಬಿಎಸ್‌ಎನ್‌ಎಲ್ ಶೇ. 10.35 ಮಾರುಕಟ್ಟೆ ಪಾಲು ಹೊಂದಿದೆ.

Digital India: ದೇಶದಲ್ಲಿ 75,000 ಕೋಟಿ ರೂ. ಹೂಡಿಕೆ ಮಾಡಲಿದೆ ಗೂಗಲ್

ರಿಲಯನ್ಸ್ ಜಿಯೋ 38.7 ಕೋಟಿ ಗ್ರಾಹಕರು, ಭಾರ್ತಿ ಏರ್‌ಟೆಲ್ 32.7 ಕೋಟಿ ಗ್ರಾಹಕರು, ವೊಡಾಫೋನ್ ಐಡಿಯಾ 31.9 ಕೋಟಿ ಗ್ರಾಹಕರು, ಬಿಎಸ್‌ಎನ್‌ಎಲ್ 11.9 ಕೋಟಿ ಮತ್ತು ಎಂಟಿಎನ್‌ಎಲ್ 33.6 ಲಕ್ಷ ಗ್ರಾಹಕರನ್ನು ಮಾರ್ಚ್ ತಿಂಗಳ ಕೊನೆಗೆ ಹೊಂದಿದ್ದವು ಎಂದು ಟ್ರಾಯ್ ವರದಿ ತಿಳಿಸಿದೆ.

Jio Phone 3: ಹೊಸ ಫೋನ್ ಪರಿಚಯಿಸಲಿದೆ ರಿಲಯನ್ಸ್ ಜಿಯೋ