ಜಿಯೋಗೆ ಟಾಂಗ್!..ಏರ್‌ಟೆಲ್‌ನಿಂದ ಮತ್ತೆ ಬಂಪರ್ ರೀಚಾರ್ಜ್ ಪ್ಲ್ಯಾನ್ಸ್ ಬಿಡುಗಡೆ!

ದೇಶದ ಟೆಲಿಕಾಂನಲ್ಲಿ ನಡೆಯುತ್ತಿರುವ ದರಸಮರದ ಪೈಪೋಟಿಯ ಪರಿಣಾಮವಾಗಿ ಭಾರತಿ ಏರ್‌ಟೆಲ್ ಮೂರು ಹೊಸ ಪ್ರಿಪೇಯ್ಡ್ ಪ್ಲಾನ್‌ಗಳನ್ನು ಲಾಂಚ್‌ ಮಾಡಿದೆ. ದೇಶದ ಟೆಲಿಕಾಂ ವಲಯದಲ್ಲಿ ಖಾಸಗಿ ಕಂಪೆನಿಗಳು ದಿನಕ್ಕೊಂದು ಆಫರ್ ಅನ್ನು ಪರಿಚಯಿಸಿದ್ದು, ಇದೀಗ ಏರ್‌ಟೆಲ್ ಡಿಸ್ನಿ+ ಹಾಟ್‌ಸ್ಟಾರ್ ಚಂದಾದಾರಿಕೆಯನ್ನು ಉಚಿತವಾಗಿ ನೀಡುತ್ತಿರುವ ಮೂರು ಹೊಸ ಪ್ಲಾನ್‌ಗಳನ್ನು ಲಾಂಚ್ ಮಾಡಿದೆ. ಇತ್ತೀಚಿಗೆ ಜಿಯೋ ಕಂಪೆನಿ ಡಿಸ್ನಿ ಪ್ಲಸ್‌ ಹಾಟ್‌ಸ್ಟಾರ್‌ ಪರಿಚಯಿಸಿದ ಪರಿಣಾಮವಾಗಿ ಈ ಮೂರು ಏರ್‌ಟೆಲ್ ಪ್ಲ್ಯಾನ್‌ಗಳು ಬಂದಿವೆ ಎಂದು ಹೇಳಲಾಗಿದೆ.

ಏರ್‌ಟೆಲ್ ಕಂಪೆನಿಯಿಂದ ಏರ್‌ಟೆಲ್ 499ರೂ. ಪ್ರಿಪೇಯ್ಡ್ ಪ್ಲಾನ್, ಏರ್‌ಟೆಲ್‌ 699ರೂ. ಪ್ರಿಪೇಯ್ಡ್ ಪ್ಲ್ಯಾನ್ ಮತ್ತು ಏರ್‌ಟೆಲ್‌ 699ರೂ. ಪ್ರಿಪೇಯ್ಡ್ ಪ್ಲ್ಯಾನ್ ಯೋಜನೆಗಳು ಇದೀಗ ಲಾಂಚ್ ಆಗಿದ್ದು, ಇವುಗಳಲ್ಲಿ ಏರ್‌ಟೆಲ್ 499ರೂ. ಪ್ರಿಪೇಯ್ಡ್ ಪ್ಲ್ಯಾನ್ 28 ದಿನಗಳ ವ್ಯಾಲಿಡಿಟಿಯೊಂದಿಗೆ ಬಂದಿದೆ. ಈ ಪ್ಲ್ಯಾನ್ ನಲ್ಲಿ ಗ್ರಾಹಕರು ದಿನಕ್ಕೆ 3GB ಡೇಟಾ, ಅನಿಯಮಿತ ಕರೆಗಳು ಹಾಗೂ ಡೈಲಿ 100 SMS ಪ್ರಯೋಜನವನ್ನು ಪಡೆಯಬಹುದಾಗಿದೆ. ಜೊತೆಗೆ ಈ ಯೋಜನೆಯಲ್ಲಿ ಡಿಸ್ನಿ+ ಹಾಟ್‌ಸ್ಟಾರ್ ಮೊಬೈಲ್ ಚಂದಾದಾರಿಕೆಯನ್ನು ಒಂದು ವರ್ಷದ ಅವಧಿಗೆ ಪಡೆಯಬಹುದು.

ಹಾಗೆಯೇ, ಏರ್‌ಟೆಲ್‌ನ ಮತ್ತೊಂದು 699ರೂ. ಪ್ರಿಪೇಯ್ಡ್ ಯೋಜನೆಯಲ್ಲಿ, ದಿನಕ್ಕೆ 2GB ಡೇಟಾ,ಅನಿಯಮಿತ ಧ್ವನಿ ಕರೆಗಳು, ಡೈಲಿ 100 SMS ಪ್ರಯೋಜನ ದೊರೆಯಲಿದೆ. ಈ ಪ್ಲಾನ್ 56 ದಿನಗಳ ವ್ಯಾಲಿಡಿಟಿಯೊಂದಿಗೆ ಗ್ರಾಹಕರಿಗೆ ಲಭ್ಯವಿದೆ. ಇದರಲ್ಲಿ ನೀವು ಒಂದು ವರ್ಷದವರೆಗೂ ಉಚಿತವಾಗಿ ಡಿಸ್ನಿ+ ಹಾಟ್‌ಸ್ಟಾರ್ ಮೊಬೈಲ್ ಚಂದಾದಾರಿಕೆಯನ್ನು ಪಡೆಯಬಹುದಾಗಿದೆ. ಹಾಗೂ ಈ ಎರಡೂ ಯೋಜನೆಗಳಲ್ಲಿ ಅಲ್ಲದೆ ಅಪೋಲೋ 24/7 ಸರ್ಕಲ್ 3 ತಿಂಗಳ ಸದಸ್ಯತ್ವ ಮತ್ತು ಶಾ ಅಕಾಡೆಮಿಯಿಂದ ಉಚಿತ ಕೋರ್ಸ್ ಪ್ರಯೋಜನಗಳು ಗ್ರಾಹಕರಿಗೆ ಸಿಗಲಿದೆ.

ಇವೆರಡು ಮಧ್ಯಮ ಬೆಲೆಯ ಯೋಜನೆಗಳಾದರೆ, 65 ದಿನಗಳ ಮಾನ್ಯತೆಯನ್ನು ಹೊಂದಿರುವ ಏರ್‌ಟೆಲ್‌ 2,798ರೂ. ಪ್ರಿಪೇಯ್ಡ್ ಪ್ಲ್ಯಾನ್ ಅನ್ನು ಬೆಸ್ಟ್ ಎನ್ನಬಹುದು. ಇದರಲ್ಲಿ, ಅನ್‌ಲಿಮಿಟೆಡ್‌ ವಾಯ್ಸ್‌ ಕಾಲ್‌, ಡೈಲಿ 100 ಎಸ್‌ಎಂಎಸ್‌ ಮತ್ತು ದೈನಂದಿನ 2GB ಡೇಟಾವನ್ನು ನೀಡಲಾಗಿದೆ. ಇವುಗಳ ಜೊತೆಗೆ ಈ ಪ್ರಿಪೇಯ್ಡ್‌ ಯೋಜನೆಯಲ್ಲಿ ಒಂದು ವರ್ಷದ ಡಿಸ್ನಿ+ ಹಾಟ್‌ಸ್ಟಾರ್ ಮೊಬೈಲ್ ಚಂದಾದಾರಿಕೆಯು ಮಾತ್ರವಲ್ಲದೇ, 30 ದಿನಗಳ ಅಮೆಜಾನ್ ಪ್ರೈಮ್ ವಿಡಿಯೋ ಮೊಬೈಲ್ ಚಂದಾದಾರಿಕೆ ಲಭ್ಯವಿದೆ. ಇದು ಗ್ರಾಹಕರನ್ನು ಹೆಚ್ಚು ಆಕರ್ಷಿಸುವ ಆಫರ್ ಆಗಿದೆ.
ಟೆಲಿಕಾಂ ಕಂಪೆನಿಗಳಿಗೆ ಸರ್ಕಾರದ ಹೊಸ ಕೊಡುಗೆ: ಮುಕೇಶ್ ಅಂಬಾನಿ ಹೇಳಿದ್ದೇನು?
ಈ ಮೂರು ನೂತನ ಅಪ್‌ಗ್ರೇಡ್ ಆಫರ್‌ಗಳ ಜೊತೆ ಹೆಚ್ಚುವರಿಯಾಗಿ, ಏರ್‌ಟೆಲ್‌ ಟೆಲಿಕಾಂ ಗ್ರಾಹಕರು 999 ರೂ. ಗಳಿಗಿಂತ ಹೆಚ್ಚಿನ ಬೆಲೆಯ ಏರ್‌ಟೆಲ್ ಎಕ್ಸ್‌ಸ್ಟ್ರೀಮ್ ಫೈಬರ್ ಯೋಜನೆ ಹೊಂದಿರುವವರಿಗೆ ಭರ್ಜರಿ ಆಫರ್ ನೀಡುತ್ತಿದೆ. 999ರ ರೂ. ಗಿಂದ ಹೆಚ್ಚು ಬೆಲೆಯ ಪ್ಲಾನ್‌ಗಳನ್ನು ಬಳಸುವವರಿಗೆ 1 ವರ್ಷದ ಡಿಸ್ನಿ+ ಹಾಟ್‌ಸ್ಟಾರ್ ಚಂದಾದಾರಿಕೆ ಉಚಿತವಾಗಿ ದೊರೆಯಲಿದೆ. ಇನ್ನು ಏರ್‌ಟೆಲ್ ಎಕ್ಸ್‌ಸ್ಟ್ರೀಮ್ ಫೈಬರ್ ಆಫರ್ ವೇಗವು 1 ಜಿಬಿಪಿಎಸ್ ವರೆಗೂ, ಅನಿಯಮಿತ ಕರೆ ಮತ್ತು ಸುಧಾರಿತ ಡಬ್ಲ್ಯುಐ-ಎಫ್‌ಐ ರೂಟರ್‌ಗಳು ಲಭ್ಯವಾಗಲಿವೆ.