ಏರ್‌ಟೆಲ್‌ ಗ್ರಾಹಕರಿಗೆ ಮತ್ತೆ ಬಿಗ್ ಶಾಕ್!..ಗ್ರಾಹಕರಿಂದ ಭಾರೀ ಆಕ್ರೋಶ!

ಜನಪ್ರಿಯ ಟೆಲಿಕಾಂ ಕಂಪೆನಿ ಏರ್‌ಟೆಲ್ ನವೆಂಬರ್ 26 ರಿಂದ ಪ್ರಿಪೇಯ್ಡ್ ಸುಂಕಗಳನ್ನು 20% ರಿಂದ 25% ರಷ್ಟು ಹೆಚ್ಚಿಸಲಿದೆ ಎಂಬ ಶಾಕಿಂಗ್ ನ್ಯೂಸ್ ಒಂದು ಹೊರಬಿದ್ದಿದೆ. ಪ್ರತಿ ಬಳಕೆದಾರರಿಂದ ಸರಾಸರಿ ಆದಾಯವನ್ನು ಹೆಚ್ಚಿಸುವ ಸಲುವಾಗಿ ಏರ್‌ಟೆಲ್ ನವೆಂಬರ್ 26 ರಿಂದ ಪ್ರಿಪೇಯ್ಡ್ ಸುಂಕಗಳನ್ನು 20% ರಿಂದ 25% ರಷ್ಟು ಹೆಚ್ಚಿಸಲಿದೆ. ಇದರಿಂದಾಗಿ ಇದೀಗ ಮೂಲ ಪ್ರಿಪೇಯ್ಡ್ ಏರ್‌ಟೆಲ್ ಯೋಜನೆಯು ಸುಂಕದ ಹೆಚ್ಚಳದ ನಂತರ 99 ರೂ.ಗಳಾಗಿದ್ದು, ಇದು 28 ದಿನಗಳ ಮಾನ್ಯತೆಯನ್ನು ಹೊಂದಲಿದೆ ಹಾಗೂ ಇನ್ನುಳಿದ ಎಲ್ಲಾ ಏರ್‌ಟೆಲ್ ಯೋಜನೆಗಳ ಬೆಲೆಗಳು ಕೂಡ ಹೆಚ್ಚಳವಾಗಿವೆ.

ಹೌದು, ನವೆಂಬರ್ 26 ರಿಂದ ಏರ್‌ಟೆಲ್‌ನ ಯೋಜನೆಗಳ ಬೆಲೆಗಳು ಹೆಚ್ಚಳವಾಗಲಿದ್ದು, ಇದೀಗ, 28 ದಿನಗಳ ಮಾನ್ಯತೆಯ ಅವಧಿಯೊಂದಿಗೆ ರೂ 75 ರ ಪ್ರಿಪೇಯ್ಡ್ ಯೋಜನೆಯನ್ನು ರೂ 99 ಕ್ಕೆ ಹೆಚ್ಚಿಸಲಾಗಿದೆ. ರೂ 149 ರ ಏರ್‌ಟೆಲ್ ಪ್ರಿಪೇಯ್ಡ್ ಯೋಜನೆಯು ಈಗ ರೂ 179 ಆಗಲಿದೆ. ರೂ 219 ಏರ್‌ಟೆಲ್ ಯೋಜನೆಯು ರೂ 265 ಆಗಲಿದೆ. ರೂ 249 ಮತ್ತು ರೂ 298 ಪ್ರಿಪೇಯ್ಡ್ ಯೋಜನೆಗಳು ಈಗ ಕ್ರಮವಾಗಿ 299 ಮತ್ತು 359 ರೂ.ಗಳಾಗಲಿವೆ. 56 ದಿನಗಳ ಮಾನ್ಯತೆಯೊಂದಿಗೆ ಎರಡು ಏರ್‌ಟೆಲ್ ಯೋಜನೆಗಳಿವೆ. ರೂ 399 ಪ್ಲಾನ್ ಈಗ ರೂ 479 ಆಗಲಿದ್ದು, ರೂ 449 ಪ್ಲಾನ್ ಅನ್ನು ರೂ 549 ಕ್ಕೆ ಹೆಚ್ಚಿಸಲಾಗಿದೆ.

ಹಾಗೆಯೇ, 84 ದಿನಗಳ ವ್ಯಾಲಿಡಿಟಿಯೊಂದಿಗೆ ಏರ್‌ಟೆಲ್ ಪ್ರಿಪೇಯ್ಡ್ ಪ್ಲಾನ್‌ಗಳು ಈಗ ಕನಿಷ್ಠ 455 ರೂ.ಗಳ ಬೆಲೆಯನ್ನು ಪಡೆಯುತ್ತವೆ. ರೂ. 598 ಪ್ರಿಪೇಯ್ಡ್ ಯೋಜನೆಯು ರೂ. 719 ಮತ್ತು ರೂ. 698 ಪ್ಲಾನ್ ಅನ್ನು ರೂ. 839 ಕ್ಕೆ ಹೆಚ್ಚಿಸಲಾಗಿದೆ. ವಾರ್ಷಿಕ ಯೋಜನೆಗಳಿಗೆ ಸಂಬಂಧಿಸಿದಂತೆ, 365 ದಿನಗಳ ಮಾನ್ಯತೆಯೊಂದಿಗೆ ರೂ 1,498 ಪ್ರಿಪೇಯ್ಡ್ ಯೋಜನೆಯು ಈಗ ರೂ 1,799 ಮತ್ತು ರೂ 2,498 ಯೋಜನೆಯನ್ನು ರೂ 2,999 ಕ್ಕೆ ಹೆಚ್ಚಿಸಲಾಗಿದೆ. ಡೇಟಾ ಟಾಪ್-ಅಪ್ ಯೋಜನೆಗಳ ವೆಚ್ಚವನ್ನು ಸಹ ಈಗ ಹೆಚ್ಚಿಸಲಾಗಿದೆ. ಈಗಿರುವ ರೂ.48 ದರವನ್ನು ರೂ.58ಕ್ಕೆ ಹೆಚ್ಚಿಸಲಾಗಿದ್ದು, ರೂ.98 ಮತ್ತು ರೂ.251 ರೀಪ್‌ಅಪ್‌ಗಳನ್ನು ಕ್ರಮವಾಗಿ ರೂ.118 ಮತ್ತು ರೂ.301ಕ್ಕೆ ಹೆಚ್ಚಿಸಲಾಗಿದೆ.

ಇನ್ನು ಈ ಮೊದಲು ತನ್ನ ಗ್ರಾಹಕರಿಗೆ 49 ರೂ. ಪ್ರಿಪೇಯ್ಡ್ ಪ್ಲಾನ್ ಹಾಗೂ 79 ರೂ. ಗಳ ಕನಿಷ್ಠ ಪ್ರಿಪೇಯ್ಡ್ ಪ್ಲ್ಯಾನ್‌ಗಳನ್ನು ಒದಗಿಸಿದ್ದ ಏರ್‌ಟೆಲ್, ಇತ್ತೀಚಿಗಷ್ಟೇ 49 ರೂ. ಮತ್ತು 79 ರೂ. ಪ್ರಿಪೇಯ್ಡ್ ಪ್ಲಾನ್‌ಗಳನ್ನು ತೆಗೆದುಹಾಕುವ ಮೂಲಕ ಶಾಕ್ ನೀಡಿತ್ತು. ಇದೀಗ 79 ರೂ. ಗಳ ಕನಿಷ್ಠ ಪ್ರಿಪೇಯ್ಡ್ ಪ್ಲ್ಯಾನ್ ಅನ್ನು ಕೂಡ ತೆಗೆದು ಹಾಕುತ್ತಿರುವುದಾಗಿ ವರದಿಯಾಗಿದೆ. ಹಾಗಾಗಿ, ನೀವು ಇನ್ನು ನಿಗದಿತ ಕಾಲದಲ್ಲಿ ನಿಮ್ಮ ಏರ್‌ಟೆಲ್ ಸಿಮ್ ಅನ್ನು ಕನಿಷ್ಠ ಎಂದರೂ 100 ರೂ. ಗಳಿಗಿಂತ ಹೆಚ್ಚು ಹಣವನ್ನು ರೀಚಾರ್ಜ್ ಮಾಡಲೇಬೇಕಾಗುತ್ತದೆ. ಕನಿಷ್ಠ ರೀಚಾರ್ಜ್ ಇಲ್ಲದಿದ್ದರೆ ಸಿಮ್ ಸೇವೆ ಕೂಡ ಸ್ಥಗಿತಗೊಳ್ಳಲಿದೆ.
ಈ 5 ಪ್ರಶ್ನೆಗಳಿಗೆ ಉತ್ತರಿಸಿ 'ರೆಡ್ಮಿ ನೋಟ್ 11ಟಿ 5ಜಿ' ಫೋನನ್ನು ಉಚಿತವಾಗಿ ಗೆಲ್ಲಿ!
ಭಾರತದ ಟೆಲಿಕಾಂಕ್ಷೇತ್ರದಲ್ಲಿ ಉಂಟಾದ ದರಸಮರ ಪರಿಣಾಮದಿಂದ ಈಗಲೂ ಚೇತರಿಸಿಕೊಳ್ಳಲು ಒದ್ದಾಡುತ್ತಿರುವ ಏರ್‌ಟೆಲ್ ಕಂಪೆನಿ ಪ್ರಿಪೇಯ್ಡ್ ಸುಂಕಗಳನ್ನು ಹೆಚ್ಚಿಸುವ ಮೂಲಕ ಮತ್ತೆ ತನ್ನ ಗ್ರಾಹಕರಿಗೆ ಶಾಕ್ ನೀಡಿದೆ. ಇಷ್ಟೇ ಅಲ್ಲದೇ, ನೀವು ಏರ್‌ಟೆಲ್ ಸಿಮ್ ಸೇವೆಗಳನ್ನು ಪಡೆಯಲು ಕನಿಷ್ಠ ಮೊತ್ತ 99 ರೂ.ದಷ್ಟು ಹಣವನ್ನು ರಿಚಾರ್ಜ್ ಮಾಡಿಸಲೇಬೇಕಿದೆ. ಈ ಮೂಲಕ ಏರ್‌ಟೆಲ್ ಸಿಮ್ ಅನ್ನು ಗ್ರಾಹಕರ ಮೊಬೈಲ್‌ನಲ್ಲಿನ ಎರಡನೇ ಸ್ಲಾಟ್ ಸಿಮ್ ಆಗಿ ಬದಲಾಯಿಸದೇ ಇರುವಂತೆ ನೋಡಿಕೊಳ್ಳುವಂತಹ ವಿಶೇಷ ಯೋಜನೆ ರೂಪಿಸಿದೆ. ಆದರೆ, ಗ್ರಾಹಕರಿಂದ ಹೆಚ್ಚು ಹಣ ವಸೂಲಿ ಮಾಡುವ ಏರ್‌ಟೆಲ್ ತಂತ್ರಕ್ಕೆ ಬಳಕೆದಾರರು ಆಕ್ರೊಶ ವ್ಯಕ್ತಪಡಿಸಿದ್ದಾರೆ.