Airtel Postpaid Plan: ಪೋಸ್ಟ್ ಪೇಯ್ಡ್ ಪ್ಲ್ಯಾನ್ ಪರಿಷ್ಕರಣೆ

ದೇಶದಲ್ಲಿ ರಿಲಯನ್ಸ್ ಜಿಯೊ ಮತ್ತು ವೊಡಾಫೋನ್-ಐಡಿಯಾ ತೀವ್ರ ಸ್ಪರ್ಧೆಯ ಬೆನ್ನಲ್ಲೇ ಏರ್‌ಟೆಲ್ ಹೊಸ ಪ್ರಿಪೇಯ್ಡ್ ಪ್ಲ್ಯಾನ್ ಬಿಡುಗಡೆಯ ಜತೆಗೇ ಪ್ರಸ್ತುತ ಇರುವ ಪೋಸ್ಟ್ ಪೇಯ್ಡ್ ಪ್ಲ್ಯಾನ್‌ಗಳನ್ನು ಪರಿಷ್ಕರಿಸಿದೆ.

ಭಾರ್ತಿ ಏರ್‌ಟೆಲ್ ಈಗಿರುವ 399 ರೂ. ಪೋಸ್ಟ್‌ಪೇಯ್ಡ್ ಪ್ಲ್ಯಾನ್ ಅನ್ನು ರದ್ದುಪಡಿಸಿದೆ. ಅದರೊಂದಿಗೆ 1,599 ರೂ.ಗಳ ಪೋಸ್ಟ್‌ಪೇಯ್ಡ್ ಪ್ಲ್ಯಾನ್ ಪರಿಷ್ಕರಿಸಿದೆ.

ಗ್ರಾಹಕರು 1,599 ರೂ.ಗಳ ಪೋಸ್ಟ್‌ಪೇಯ್ಡ್ ಪ್ಲ್ಯಾನ್ ಆಯ್ದುಕೊಂಡರೆ, ಅವರಿಗೆ ಅನಿಯಮಿತ ಡೇಟಾ ಜತೆ ಲೋಕಲ್ ಮತ್ತು ಎಸ್‌ಟಿಡಿ ಕರೆ, 200 ನಿಮಿಷಗಳ ಐಎಸ್‌ಡಿ, ಅಂತಾರಾಷ್ಟ್ರೀಯ ರೋಮಿಂಗ್‌ ಪ್ಯಾಕ್‌ನಲ್ಲಿ ಶೇ. 10 ಡಿಸ್ಕೌಂಟ್ ದೊರೆಯಲಿದೆ.

ಉಳಿದಂತೆ ಪ್ರತಿದಿನ 100 sms, ಏರ್‌ಟೆಲ್‌ನ ಹಲವು ಆನ್‌ಲೈನ್ ಪ್ರೀಮಿಯಂ ಸೇವೆಗಳಿಗೆ ಉಚಿತ ಚಂದಾದಾರತ್ವ ಸೌಲಭ್ಯ ದೊರೆಯಲಿದೆ. ಈ ಪ್ಲ್ಯಾನ್‌ನ ವಾಯಿದೆ ಒಂದು ತಿಂಗಳದ್ದಾಗಿರುತ್ತದೆ.

999 ರೂ. ಪೋಸ್ಟ್‌ಪೇಯ್ಡ್ ಪ್ಲ್ಯಾನ್‌ನಲ್ಲಿ 150 ಜಿಬಿ ಡೇಟಾ, ಅನಿಯಮಿತ ಎಸ್‌ಟಿಡಿ, ಲೋಕಲ್ ಕರೆ, ಉಚಿತ ಎಸ್‌ಎಂಎಸ್, ಏರ್‌ಟೆಲ್ ಸೇವೆಗೆ ಉಚಿತ ಚಂದಾ ದೊರೆಯಲಿದೆ.