ಜಿಯೋಗೆ ಶಾಕ್ ನೀಡಿದ ಏರ್‌ಟೆಲ್: 89 ರೂ.ಗೆ ಭರ್ಜರಿ ಡೇಟಾ ಜೊತೆಗೆ ಅಮೆಜಾನ್ ಪ್ರೈಮ್ ಆಫರ್!

ಭಾರತದ ಟೆಲಿಕಾಂ ಲೋಕದಲ್ಲಿ ದಿನಕ್ಕೊಂದು ಆಫರ್‌ಗಳನ್ನು ನೀಡುತ್ತಿರುವ ಸಾಲಿಗೆ ಇದೀಗ ಏರ್‌ಟೆಲ್ ಕಂಪೆನಿ ಸೇರಿದ್ದು, ಇದೀಗ ಏರ್‌ಟೆಲ್ ತನ್ನ ಆಡ್-ಆನ್ ಯೋಜನೆಗಳ ಮೂಲಕ ಗ್ರಾಹಕರಿಗೆ ಭರ್ಜರಿ ಆಫರ್ ಒಂದನ್ನು ನೀಡಿದೆ. ಹೌದು, ಇದೀಗ ಏರ್‌ಟೆಲ್ ಬಳಕೆದಾರರು ಕೇವಲ 89 ರೂ. ರೀಚಾರ್ಜ್ ಮಾಡಿಕೊಂಡರೆ, 6GB ಡೇಟಾ ಮತ್ತೆ ಅಮೆಜಾನ್ ಪ್ರೈಮ್ ವಿಡಿಯೋ ಮೊಬೈಲ್ ಮತ್ತು ಉಚಿತ ಹಲೋ ಟ್ಯೂನ್ಸ್‌ನ ಮೊಬೈಲ್ ಆವೃತ್ತಿಗೆ ಪ್ರವೇಶವನ್ನು ನೀಡಲಾಗುತ್ತದೆ. ಮತ್ತು ಇದಕ್ಕೆ ಅತ್ಯುತ್ತಮ ವ್ಯಾಲಿಡಿಯನ್ನು ಸಹ ನೀಡುತ್ತಿರುವ ಏರ್‌ಟೆಲ್, 89 ರೂ. ಗಳ ಈ ರೀಚಾರ್ಜ್ ಮೇಲ್ ಸಂಪೂರ್ಣ 28 ದಿನಗಳ ಕಾಲ ವ್ಯಾಲಿಡಿಟಿಯನ್ನು ನೀಡಿ ಗಮನಸೆಳೆದಿದೆ.

ಇದೇ ರೀತಿಯಲ್ಲಿ 349 ರುಪಾಯಿಗಳ ಏರ್‌ಟೆಲ್ ಆಡ್-ಆನ್ ಯೋಜನೆಯನ್ನು ರೀಚಾರ್ಜ್ ಮಾಡಿಕೊಂಡರೆ, ಸಂಪೂರ್ಣ 30 ದಿನಗಳ ಕಾಲ ಪ್ರತಿದಿನ 2.5 GB ಡೇಟಾ ಜೊತೆಗೆ ಅಮೆಜಾನ್ ಪ್ರೈಮ್ ವಿಡಿಯೋ ಮೊಬೈಲ್ ಮತ್ತು ಉಚಿತ ಹಲೋ ಟ್ಯೂನ್ಸ್‌ನ ಮೊಬೈಲ್ ಆವೃತ್ತಿಗೆ ಪ್ರವೇಶವನ್ನು ನೀಡಲಾಗುತ್ತಿದೆ. ಈ ಮೂಲಕ ದೇಶದ ಪ್ರಮುಖ OTT ಪ್ಲಾಟ್‌ಫಾರ್ಮ್‌ ಆಗಿರುವ ಅಮೆಜಾನ್ ಪ್ರೈಮ್ ಚಂದಾದಾರಿಕೆಯನ್ನು ಗ್ರಾಹಕರು ಉಚಿತವಾಗಿ ಪಡೆಯಬಹುದಾಗಿದೆ. ಇಂದಿನ ಸಮಯದಲ್ಲಿ OTT ಪ್ಲಾಟ್‌ಫಾರ್ಮ್‌ಗಳ ಬಳಕೆ ಬಹಳಷ್ಟು ಹೆಚ್ಚಾಗಿದೆ, ಆದರೆ OTT ಪ್ಲಾಟ್‌ಫಾರ್ಮ್‌ಗ ಚಂದಾದಾರಿಕೆ ಶುಲ್ಕವು ತುಂಬಾ ಹೆಚ್ಚಾಗಿದ್ದು, ಈ ಮೇಲಿನ ಎರಡೂ ಆಫರ್‌ಗಳು ಹೆಚ್ಚು ಲಾಭವನ್ನು ಮಾಡಿಕೊಡುತ್ತಿವೆ.

ಏರ್‌ಟೆಲ್ ಆಡ್-ಆನ್ ಯೋಜನೆಗಳ(Airtel Add on Prepaid Plan) ಬಗ್ಗೆ ಹೇಳುವುದಾದರೆ ಏರ್‌ಟೆಲ್ 250 ರೂ.ಗಿಂತ ಮುಂಚಿತವಾಗಿ ಹಲವಾರು ಆಡ್-ಆನ್ ಯೋಜನೆಗಳ ಪ್ರಿಪೇಯ್ಡ್ ಪ್ಲಾನ್ಗಳನ್ನು ನೀಡುತ್ತಿದೆ. ಏರ್‌ಟೆಲ್ 48 ರೂಪಾಯಿಯ ಆಡ್-ಆನ್ ಡೇಟಾ ಪ್ಯಾಕ್ ಒಂದನ್ನು ನೀಡುತ್ತಿದ್ದು, ಇದರಲ್ಲಿ ನೀವು 3GB ಡೇಟಾವನ್ನು ಪಡೆಯುತ್ತೀರಿ ಮತ್ತು ಇದರ ವ್ಯಾಲಿಡಿಟಿ ನಿಮ್ಮ ಮುಖ್ಯ ಯೋಜನೆಯ ಅವಧಿಗೆ ಸಮಾನವಾಗಿರುತ್ತದೆ. ಹಾಗೆಯೇ, 78 ರೂಪಾಯಿಯ ಆಡ್-ಆನ್ ಪ್ಯಾಕ್ನಲ್ಲಿ ನಿಮಗೆ ಒಟ್ಟು 5GB ಡೇಟಾವನ್ನು ನೀಡಲಾಗುತ್ತಿದೆ. ಮತ್ತು ಇದರ ವ್ಯಾಲಿಡಿಟಿ ಕೂಡ ನಿಮ್ಮ ಮುಖ್ಯ ಯೋಜನೆಯಷ್ಟೇ ಇರುತ್ತದೆ ಎಂದು ಕಂಪೆನಿ ತಿಳಿಸಿದೆ.
ಆನ್‌ಲೈನ್‌ ಕ್ರೈಂ ಬಗ್ಗೆ ನಿಮಿಷದಲ್ಲೇ ದೂರು ನೀಡುವುದು ಹೇಗೆ?..ಎಲ್ಲರೂ ತಿಳಿಯಲೇಬೇಕು!
ಅಮೆಜಾನ್ ಪ್ರೈಮ್ ಬೇಡ ಎಂದಾದರೆ, ಏರ್‌ಟೆಲ್ 98 ರೂ.ಗಳ ಪ್ರಿಪೇಯ್ಡ್ ಆಡ್-ಆನ್ ಡೇಟಾ ಯೋಜನೆಯನ್ನು ಹೊಂದಿದೆ. ಈ ಯೋಜನೆಯಲ್ಲಿ, ನಿಮಗೆ ಒಟ್ಟು 12GB ಇಂಟರ್‌ನೆಟ್‌ ನೀಡಲಾಗುತ್ತಿದ್ದು, ಈ ಪ್ಲಾನ್‌ನ ವ್ಯಾಲಿಡಿಟಿ ಕೂಡ ನಿಮ್ಮ ಅಸ್ತಿತ್ವದಲ್ಲಿರುವ ಪ್ಲಾನ್‌ನ ಅವಧಿಯಂಷ್ಟೇ ಇರಲಿದೆ. ಹಾಗೆಯೇ, ಏರ್‌ಟೆಲ್‌ನ 119 ರೂ. ಪ್ಲಾನ್‌ನಲ್ಲಿ ನೀವು 15GB ಇಂಟರ್‌ನೆಟ್, ಏರ್‌ಟೆಲ್ ಎಕ್ಸ್-ಸ್ಟ್ರೀಮ್ ಮೊಬೈಲ್ ಪ್ಯಾಕ್‌ ಮತ್ತು ಇರೋಸ್ ನೌ, ಮನೋರಮಾ ಮ್ಯಾಕ್ಸ್ ಚಾನೆಲ್‌ಗಳಿಗೆ 30 ದಿನಗಳವರೆಗೆ ಉಚಿತ ಚಂದಾದಾರಿಕೆ ಪಡೆಯಬಹುದು. ಈ ಯೋಜನೆಯ ವ್ಯಾಲಿಡಿಟಿ ಕೂಡ ನಿಮ್ಮ ಮುಖ್ಯ ಯೋಜನೆಯ ಮಾನ್ಯತೆಯಂತೆಯೇ ಇರುತ್ತದೆ.