Great Indian Festival Sale: ಅಮೆಜಾನ್ ವಿಶೇಷ ಡಿಸ್ಕೌಂಟ್ ಮಾರಾಟಕ್ಕೆ ಸಿದ್ಧತೆ

ಹಬ್ಬದ ಸೀಸನ್ ದೇಶದಲ್ಲಿ ಆರಂಭವಾಗಿದ್ದು, ಇ ಕಾಮರ್ಸ್ ಮತ್ತು ರಿಟೇಲ್ ಸ್ಟೋರ್‌ಗಳಲ್ಲಿ ವಿಶೇಷ ಡಿಸ್ಕೌಂಟ್ ಆಫರ್ ಕೊಡುಗೆ ನಡೆಯುತ್ತಿದೆ. ಮುಂದೆ ದಸರಾ, ದೀಪಾವಳಿ ಹಬ್ಬ ಇರುವುದರಿಂದ ಹೆಚ್ಚಿನ ಎಲೆಕ್ಟ್ರಾನಿಕ್ಸ್, ಗ್ಯಾಜೆಟ್ ಮತ್ತು ಗೃಹಬಳಕೆಯ ಸರಕು ಮಾರಾಟಕ್ಕೆ ಕಂಪನಿಗಳು ಸಜ್ಜಾಗುತ್ತಿದ್ದಾರೆ.

ಅಮೆಜಾನ್ ದೇಶದಲ್ಲಿ ಪ್ರೈಮ್ ಡೇ ಸೇಲ್ ಬಳಿಕ, ಗ್ರೇಟ್ ಇಂಡಿಯನ್ ಫೆಸ್ಟಿವಲ್ ಸೇಲ್ ಆಯೋಜಿಸುತ್ತಿದ್ದು, ಅದಕ್ಕೆ ಪೂರಕ ಸಿದ್ಧತೆ ಮಾಡಿಕೊಳ್ಳುತ್ತಿದೆ. ಅಕ್ಟೋಬರ್ ಮತ್ತು ನವೆಂಬರ್ ಹಬ್ಬದ ಸೀಸನ್‌ನಲ್ಲಿ ಆನ್‌ಲೈನ್ ಶಾಪಿಂಗ್‌ನಲ್ಲಿ ಹೆಚ್ಚಿನ ವಿಶೇಷ ಡಿಸ್ಕೌಂಟ್ ಮಾರಾಟ ನಡೆಯಲಿದೆ.

ಹಬ್ಬದ ಸಂದರ್ಭದ ವಹಿವಾಟಿನ ಪೂರ್ವಭಾವಿಯಾಗಿ ಅಮೆಜಾನ್‌ ಇಂಡಿಯಾ ತನ್ನ ಲಾಜಿಸ್ಟಿಕ್‌ ನೆಟ್‌ವರ್ಕ್ ಅನ್ನು ವಿಸ್ತರಿಸಿದೆ. ವಿಶಾಖಪಟ್ಟಣಂ, ಬೆಂಗಳೂರು, ಮುಂಬಯಿ, ಅಹಮದಾಬಾದ್‌, ಫರೂಖ್‌ನಗರ್‌ನಲ್ಲಿ 5 ವಿತರಣಾ ಕೇಂದ್ರಗಳನ್ನು ತೆರೆಯಲಿದೆ.

ಇದರೊಂದಿಗೆ 19 ರಾಜ್ಯಗಳಲ್ಲಿ 2.2 ದಶಲಕ್ಷ ಚದರ ಅಡಿಗಳಷ್ಟು ವಿಸ್ತೀರ್ಣದ ವಿತರಣೆ ಮೂಲಸೌಕರ್ಯವನ್ನು ಹೊಂದಿದೆ. ತಂತ್ರಜ್ಞಾನ ಮತ್ತು ಆಟೊಮೇಶನ್ ಮೂಲಕ ಅಮೆಜಾನ್‌ ತನ್ನ ನೆಟ್‌ವರ್ಕ್ ಅನ್ನು ಅಭಿವೃದ್ಧಿಪಡಿಸಿದೆ ಎಂದು ಅಮೆಜಾನ್‌ ಟ್ರಾನ್ಸ್‌ಪೋರ್ಟೆಶನ್‌ ಸರ್ವಿಸ್‌ನ ನಿರ್ದೇಶಕ ಅಭಿನವ್‌ ಸಿಂಗ್‌ ತಿಳಿಸಿದ್ದಾರೆ.

Jio Fiber: 30-ದಿನಗಳ ಉಚಿತ ಟ್ರಯಲ್ ಆಫರ್ ಘೋಷಿಸಿದ ರಿಲಯನ್ಸ್ ಜಿಯೋಫೈಬರ್

ಈ ಲಾಜಿಸ್ಟಿಕ್‌ ನೆಟ್‌ವರ್ಕ್ ವಿಸ್ತರಣೆಯಿಂದ ಗ್ರಾಹಕರಿಗೆ ತ್ವರಿತ ಗತಿಯಲ್ಲಿ ಸುರಕ್ಷಿತವಾಗಿ ಉತ್ಪನ್ನಗಳನ್ನು ಸಾಗಿಸಲು ಸುಲಭವಾಗಲಿದೆ ಎಂದರು.

2GB Data: ರಿಲಯನ್ಸ್ ಜಿಯೋ, ಏರ್‌ಟೆಲ್ ಮತ್ತು ವೊಡಾಫೋನ್ ಹೊಸ ಬೆಸ್ಟ್ ಪ್ಲ್ಯಾನ್ ಯಾವುದು?