Amazon Freedom Sale: ಸ್ಮಾರ್ಟ್‌ಫೋನ್‌ಗಳಿಗೆ ಭರ್ಜರಿ ಕೊಡುಗೆ

ಇ-ಕಾಮರ್ಸ್ ತಾಣ ಅಮೆಜಾನ್ ಸ್ವಾತಂತ್ರ್ಯೋತ್ಸವ ಪ್ರಯುಕ್ತ ವಿಶೇಷ ಕೊಡುಗೆಗಳಿರುವ 'ಫ್ರೀಡಂ ಸೇಲ್' ಅನ್ನು ಆಗಸ್ಟ್ 8ರಿಂದ ಆರಂಭಿಸುತ್ತಿದ್ದು, ಎಲೆಕ್ಟ್ರಾನಿಕ್ಸ್ ಉಪಕರಣಗಳಿಗೆ ಭರ್ಜರಿ ಕೊಡುಗೆಗಳು ಲಭ್ಯ ಆಗಲಿವೆ.

ಆಗಸ್ಟ್ 8ರಿಂದ ನಾಲ್ಕು ದಿನಗಳ ಕಾಲ ನಡೆಯುವ ಈ ವಿಶೇಷ ಕೊಡುಗೆಗಳ ಮಾರಾಟೋತ್ಸವದಲ್ಲಿ ಸ್ಮಾರ್ಟ್‌ಫೋನ್ ಖರೀದಿಸಲು ಇಚ್ಛಿಸುವ ಗ್ರಾಹಕರಿಗೆ ಏನೆಲ್ಲಾ ದೊರೆಯಲಿವೆ ಎಂಬ ಮಾಹಿತಿಯನ್ನು ಇಲ್ಲಿ ಪಟ್ಟಿ ಮಾಡಲಾಗಿದೆ.

ಅಮೆಜಾನ್ ಫ್ರೀಡಂ ಸೇಲ್ ಅವಧಿಯಲ್ಲಿ ಎಸ್‌ಬಿಐ ಕ್ರೆಡಿಟ್ ಕಾರ್ಡು ಹೊಂದಿದವರಿಗೆ ಶೇ.10ರ ತಕ್ಷಣದ ಡಿಸ್ಕೌಂಟ್ ದೊರೆಯಲಿದೆ. ಅಮೆಜಾನ್ ಪ್ರೈಮ್ ಸದಸ್ಯರಾದವರಿಗೆ 12 ಗಂಟೆ ಮೊದಲು ಅಂದರೆ ಆಗಸ್ಟ್ 7ರಿಂದಲೇ ಡಿಸ್ಕೌಂಟ್ ಕೊಡುಗೆಗಳು ದೊರೆಯಲಿವೆ. ಅಲ್ಲದೆ, ಡೆಬಿಟ್ ಕಾರ್ಡ್ ಇಎಂಐ, ಬಜಾಜ್ ಫಿನ್‌ಸರ್ವ್ ಇಎಂಐ ಹಾಗೂ ಶುಲ್ಕ ರಹಿತ ಇಎಂಐ ಸೌಕರ್ಯಗಳನ್ನೂ ಅಮೆಜಾನ್ ಅರ್ಹ ಗ್ರಾಹಕರಿಗೆ ಒದಗಿಸಲಿದೆ.

ಶಾಪಿಂಗ್ ಮಾಡುವ ಅಮೆಜಾನ್ ಪೇ ಐಸಿಐಸಿಐ ಬ್ಯಾಂಕ್ ಗ್ರಾಹಕರಿಗೆ ಅಪರಿಮಿತ ರಿವಾರ್ಡ್ ಪಾಯಿಂಟ್‌ಗಳು ದೊರೆಯಲಿವೆ. ಅಲ್ಲದೆ, ಅಮೆಜಾನ್ ತಾಣದಲ್ಲಿ ವಿಮಾನ ಟಿಕೆಟ್ ಬುಕ್ ಮಾಡುವ ಗ್ರಾಹಕರಿಗೆ 2 ಸಾವಿರ ರೂ.ವರೆಗಿನ ರಿಯಾಯಿತಿಯನ್ನು ಅರ್ಹ ಗ್ರಾಹಕರು ಪಡೆಯಬಹುದಾಗಿದೆ.

ಅಮೆಜಾನ್ ಫ್ರೀಡಂ ಸೇಲ್: ಮೊಬೈಲ್ ಕೊಡುಗೆಗಳು
ಅಮೆಜಾನ್ ವಿಶೇಷ ಕೊಡುಗೆಯ ಅನುಸಾರ, ಒನ್‌ಪ್ಲಸ್ 7 ಪ್ರೋ ಮೊಬೈಲ್ ಫೋನ್ ಮುಂದಿನ ವಾರ ಸೀಮಿತ ಅವಧಿಯ ಕೊಡುಗೆಯಲ್ಲಿ ದೊರೆಯಲಿದೆ ಮತ್ತು ಸೀಮಿತ ಅವಧಿಯ ವಿನಿಮಯ ಕೊಡುಗೆಯೂ ಇರುತ್ತದೆ.

32 ಮೆಗಾಪಿಕ್ಸೆಲ್ ಕ್ಯಾಮರಾ ಇರುವ ಸ್ಯಾಮ್ಸಂಗ್ ಗ್ಯಾಲಕ್ಸಿ ಎಂ40 ಬೆಲೆ 20,490 ಇದ್ದದ್ದು 1_,990 ಆಗಲಿದೆ. ಅಂತಿಮ ಬೆಲೆಯನ್ನು ಅಮೆಜಾನ್ ಮಾರಾಟದ ವೇಳೆಯಷ್ಟೇ ಬಹಿರಂಗಪಡಿಸಲಿದೆ. ಅಮೆಜಾನ್ ಫ್ರೀಡಂ ಸೇಲ್ ಸಂದರ್ಭದಲ್ಲಿ ಹ್ಯುವೈ ಕೂಡ ತನ್ನ ಹೊಸ ವೈ9 ಪ್ರೈಮ್ 2019ನ್ನು ಭಾರತಕ್ಕೆ ಪರಿಚಯಿಸಲಿದೆ.

ಸ್ಯಾಮ್ಸಂಗ್ ಗ್ಯಾಲಕ್ಸಿ ಎಂ30, ರೆಡ್‌ಮಿ ವೈ3, ಒಪ್ಪೋ ಎ7, ಸ್ಯಾಮ್ಸಂಗ್ ಗ್ಯಾಲಕ್ಸಿ ಎಸ್10, ಹಾನರ್ ವ್ಯೂ 20 ಮತ್ತು ಹಾನರ್ 8ಎಕ್ಸ್ ಮುಂತಾದ ಹಲವಾರು ಫೋನ್‌ಗಳಿಗೆ ಅತ್ಯಂತ ಕಡಿಮೆ ಬೆಲೆ ಇರುತ್ತದೆ ಎಂದು ಅಮೆಜಾನ್ ಹೇಳಿಕೊಂಡಿದೆ. ಭಾರಿ ಡಿಸ್ಕೌಂಟ್ ಪಡೆಯಲಿರುವ ಇನ್ನೂ ಕೆಲವು ಸ್ಮಾರ್ಟ್ ಫೋನ್‌ಗಳೆಂದರೆ, ಸ್ಯಾಮ್ಸಂಗ್ ಗ್ಯಾಲಕ್ಸಿ ಎಂ20, ಎಂಐ ಎ2, ರೆಡ್‌ಮಿ 6ಎ, ಎಲ್‌ಜಿ ಡಬ್ಲ್ಯೂ30 ಹಾಗೂ ಎಲ್‌ಜಿ ಡಬ್ಲ್ಯೂ10.

ಮಿಡ್-ಪ್ರೀಮಿಯಂ ವಲಯದ ಕೆಲವು ಸ್ಮಾರ್ಟ್ ಫೋನ್‌ಗಳಿಗೂ ವಿನಿಮಯ ಕೊಡುಗೆಯ ಮೂಲಕ ಭಾರಿ ಡಿಸ್ಕೌಂಟ್ ಇರುತ್ತದೆ. ಒಪ್ಪೋ ರೆನೋ, ಸ್ಯಾಮ್ಸಂಗ್ ಗ್ಯಾಲಕ್ಸಿ ನೋಟ್ 9, ವಿವೊ ವಿ15 ಪ್ರೋ ಮುಂತಾದ ಫೋನ್‌ಗಳಿಗೂ ರಿಯಾಯಿತಿ ದೊರೆಯಲಿದೆ ಎಂದು ಅಮೆಜಾನ್ ಹೇಳಿದೆ. ಜತೆಗೆ, ಪವರ್ ಬ್ಯಾಂಕ್, ಕೇಸ್, ಕವರ್, ಬ್ಲೂಟೂತ್ ಹೆಡ್‌ಸೆಟ್, ಕೇಬಲ್ ಮತ್ತು ಚಾರ್ಜರ್‌ಗಳಿಗೂ ರಿಯಾಯಿತಿ ದೊರೆಯಲಿದೆ. ಆಗಸ್ಟ್ 8ರ ವೇಳೆಗೆ ಈ ರಿಯಾಯಿತಿಯ ಮಾಹಿತಿ ದೊರೆಯಲಿದೆ.