Smart Plug: ಅಲೆಕ್ಸಾ ಬೆಂಬಲ ಸಹಿತ ಸ್ಮಾರ್ಟ್ ಪ್ಲಗ್ ಬಿಡುಗಡೆ ಮಾಡಿದ ಅಮೆಜಾನ್

ಗ್ಯಾಜೆಟ್‌ಗಳೆಲ್ಲವೂ ಸ್ಮಾರ್ಟ್ ಆಗುತ್ತಿರುವ ಇಂದಿನ ದಿನಗಳಲ್ಲಿ ಹೊಸ ಹೊಸ ತಂತ್ರಜ್ಞಾನ ಮಾರುಕಟ್ಟೆಗೆ ದಿನವೂ ಪ್ರವೇಶಿಸುತ್ತಿದೆ. ಇದೀಗ ಅಮೆಜಾನ್ ಸರದಿಯಾಗಿದ್ದು, ಅಮೆಜಾನ್ ಸ್ಮಾರ್ಟ್ ಪ್ಲಗ್ ದೇಶದಲ್ಲಿ ಬಿಡುಗಡೆಯಾಗಿದೆ. ಗೃಹಬಳಕೆಯ ಮತ್ತು ದಿನನಿತ್ಯದ ಉಪಕರಣಗಳನ್ನು ಇನ್ನಷ್ಟು ಸ್ಮಾರ್ಟ್ ಆಗಿಸಲು ಅಮೆಜಾನ್ ಸ್ಮಾರ್ಟ್ ಪ್ಲಗ್ ನೆರವಾಗಲಿದೆ.

ಹೇಗೆ ಕೆಲಸ ಮಾಡುತ್ತದೆ?
ಪ್ಲಗ್ ಸಾಕೆಟ್‌ನಲ್ಲಿ ಅಮೆಜಾನ್ ಸ್ಮಾರ್ಟ್ ಪ್ಲಗ್ ಅಳವಡಿಸಿ, ಅದಕ್ಕೆ ನಿಮ್ಮ ಗ್ಯಾಜೆಟ್, ಅಥವಾ ಎಲೆಕ್ಟ್ರಾನಿಕ್ ಉಪಕರಣ ಕನೆಕ್ಟ್ ಮಾಡಿದರಾಯಿತು. ಅಲೆಕ್ಸಾ ಅಪ್ಲಿಕೇಶನ್ ಅಥವಾ ಸ್ಮಾರ್ಟ್ ಸ್ಪೀಕರ್ ಕಮಾಂಡ್ ಮೂಲಕ ಅವುಗಳನ್ನು ಆನ್ ಮಾಡುವುದು, ಆಫ್ ಮಾಡುವುದು ಸಹಿತ ನಿಯಂತ್ರಿಸಬಹುದು. 3 ಪಿನ್ ಸಾಕೆಟ್ ಮತ್ತು 6A ಪವರ್ ರೇಟಿಂಗ್ ಅಮೆಜಾನ್ ಸ್ಮಾರ್ಟ್ ಪ್ಲಗ್‌ನಲ್ಲಿದೆ.

ಬೆಲೆ ಎಷ್ಟಿದೆ?
ದೇಶದಲ್ಲಿ ಅಮೆಜಾನ್ ಸ್ಮಾರ್ಟ್ ಪ್ಲಗ್ ದರ 1,999 ರೂ. ಇದೆ. ಬಿಳಿ ಬಣ್ಣದಲ್ಲಿ ಇದು ಲಭ್ಯ. ಅಮೆಜಾನ್ ಇಕೋ ಡಾಟ್ ಜತೆಗೆ ಖರೀದಿಸಿದರೆ 4,498 ರೂ. ಮತ್ತು ಇಕೋ ಡಾಟ್ ಕ್ಲಾಕ್ ಸಹಿತ ಖರೀದಿಸಿದರೆ 5,498 ರೂ.ಗೆ ದೊರೆಯಲಿದೆ.

Big Saving Days: ಫ್ಲಿಪ್‌ಕಾರ್ಟ್ ವಿಶೇಷ ಆಫರ್ ಸೇಲ್ ಸೆ. 18ಕ್ಕೆ ಆರಂಭ

ಅಮೆಜಾನ್ ಸ್ಮಾರ್ಟ್ ಪ್ಲಗ್
ಅಮೆಜಾನ್ ಸ್ಮಾರ್ಟ್ ಪ್ಲಗ್ 220V ನಿಂದ 240V, 50/60Hz 6A ಇನ್‌ಪುಟ್ ಮತ್ತು ಔಟ್‌ಪುಟ್ ಪವರ್ ರೇಟಿಂಗ್ ಹೊಂದಿದೆ. ಆನ್-ಆಫ್ ಬಟನ್, ಎಲ್‌ಇಡಿ ಇಂಡಿಕೇಟರ್ ಇದರಲ್ಲಿದೆ. ದೊಡ್ಡ ಗೃಹಬಳಕೆಯ ಎಲೆಕ್ಟ್ರಾನಿಕ್ ವಸ್ತುಗಳಾದ ಎಸಿ, ಗೀಸರ್, ವಾಟರ್ ಹೀಟರ್ ಜತೆಗೆ ಬಳಸಲು ಸೂಕ್ತವಲ್ಲ, ಆದರೆ ಟಿವಿ, ಲ್ಯಾಂಪ್, ಗ್ಯಾಜೆಟ್, ಮೊಬೈಲ್ ಮತ್ತು ಲ್ಯಾಪ್‌ಟಾಪ್‌ನಂತಹ ವಸ್ತುಗಳ ಜತೆಗೆ ಬಳಸಬಹುದು. ಅಲೆಕ್ಸಾ ಅಪ್ಲಿಕೇಶನ್ ಮೂಲಕ ಆಡ್ ಡಿವೈಸ್‌ನಲ್ಲಿ ಸೆಟ್ಟಿಂಗ್ಸ್ ಆಯ್ಕೆ ನೀಡಲಾಗಿದೆ.

Amazon Alexa: ಬಾಲಿವುಡ್ ಸ್ಟಾರ್ ಅಮಿತಾಭ್ ಬಚ್ಚನ್‌ ಸೆಲೆಬ್ರಿಟಿ ವಾಯ್ಸ್‌ನಲ್ಲಿ ಅಲೆಕ್ಸಾ!