Amazon Prime: ಬಳಕೆದಾರರಿಗೆ ಬಿಗ್ ಶಾಕ್ ನೀಡಿದ ಅಮೆಜಾನ್ ಪ್ರೈಮ್

ಜನಪ್ರಿಯ ಆನ್ ಲೈನ್ ವಿಡಿಯೋ ಸ್ಟ್ರೀಮಿಂಗ್ ಪ್ಲಾಟ್‌ಫಾರ್ಮ್‌ ಆಗಿರುವ ಅಮೆಜಾನ್ ತನ್ನ ಬಳಕೆದಾರರಿಗೆ ಬಿಗ್ ಶಾಕ್ ನೀಡಿದೆ. ಅಮೆಜಾನ್ ಒಂದು ತಿಂಗಳ ಕಾಲಾವಧಿಯ ಸಬ್ ಸ್ಕ್ರಿಫ್ಷನ್ ಪ್ಲ್ಯಾನ್ (ಚಂದಾದಾರಿಕೆ) ನನ್ನು ರದ್ದುಗೊಳಿಸಿದೆ. ಇದರ ಜೊತೆಗೆ ಅಮೆಜಾನ್ ಪ್ರೈಮ್ ಟ್ರಯಲ್ ಪ್ಯಾಕ್ ಅನ್ನು ಯೋಜನೆಯನ್ನು ಕೂಡ ಸ್ಥಗಿತಗೊಳಿಸಿದೆ.

ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾದ ಹೊಸ ಮಾರ್ಗಸೂಚಿಗಳನ್ನು ಅನುಸರಿಸಲು ಈ ಕ್ರಮಗಳನ್ನು ಕೈಗೊಳ್ಳಲಾಗಿದೆ ಎಂದು ಅಮೆಜಾನ್ ಪ್ರೈಮ್ ಕಂಪೆನಿ ತಿಳಿಸಿದೆ. ಬ್ಯಾಂಕ್ ಮತ್ತು ಇತರ ಹಣಕಾಸು ಸಂಸ್ಥೆಗಳಿಗೆ ಆರ್ ಬಿಐ, ಪುನರಾವರ್ತಿತ ಆನ್ ಲೈನ್ ವಹಿವಾಟುಗಳನ್ನು ಪ್ರಕ್ರಿಯೆಗೊಳಿಸಲು ಧೃಡೀಕರಣದ ಅಂಶಗಳನ್ನು ಸೇರಿಸುವಂತೆ ಸೂಚನೆ ನೀಡಿತ್ತು. ಜೊತೆಗೆ ಸೆಪ್ಟೆಂಬರ್ 30ರ ಗಡುವನ್ನು ಕೂಡ ವಿಧಿಸಿತ್ತು.

ರೆಡ್ಮಿ ನೋಟ್ 10 ಪ್ರೊ ಸ್ಮಾರ್ಟ್ ಫೋನ್ ಬೆಲೆಯಲ್ಲಿ ಭರ್ಜರಿ ಇಳಿಕೆ: ಖರೀದಿಸಬಹುದೇ..?

ಅಮೆಜಾನ್ ತನ್ನ FAQ(Frequently asked questions) ಪೇಜ್ ಅನ್ನು ನವೀಕರಣಗೊಳಿಸಿದ್ದು, ಕೆಲವೊಂದು ಯೋಜನೆಗಳನ್ನು ಸ್ಥಗಿತಗೊಳಿಸುವುದು ಎಂದು ತಿಳಿಸಿದೆ. ಹೊಸ ಮಾರ್ಗಸೂಚಿಯ ಪ್ರಕಾರ ಬ್ಯಾಂಕ್ ಗಳಿಗೆ ಕ್ರೆಡಿಟ್ / ಡೆಬಿಟ್ ಕಾರ್ಡ್‌ಗಳ ಮೂಲಕ ಮಾಡಲಾಗುವ ಹೊಸ ಸ್ವಯಂಚಾಲಿತ ಪಾವತಿಗಳನ್ನು ಪ್ರಕ್ರಿಯೆಗೊಳಿಸಲು ಸಾಧ್ಯವಾಗುವುದಿಲ್ಲ ಎಂದಿದೆ.

ಅಮೆಜಾನ್ ಪ್ರೈಮ್ ಒಂದು ತಿಂಗಳ ಚಂದಾದಾರಿಕೆ ಪಡೆಯಲು 129 ರೂ. ಪಾವತಿಸಬೇಕಾಗಿತ್ತು. ಇದೀಗ ಈ ಸೇವೆ ರದ್ದುಗೊಂಡಿದ್ದರಿಂದ, 3 ತಿಂಗಳ (329 ರೂ.) ಅಥವಾ ಒಂದು ವರ್ಷದ ಚಂದಾದಾರಿಕೆ (999 ರೂ.) ಪ್ಲ್ಯಾನ್ ಪಡೆಯಲು ಮಾತ್ರ ಅವಕಾಶವಿದೆ. ಏಪ್ರಿಲ್ 27, 2021ರಿಂದಲೇ ಹೊಸ ನೀತಿ ಅನ್ವಯವಾಗಿದ್ದು, ಹೊಸ ಚಂದಾದಾರಿಕೆ ಪಡೆಯಲಿಚ್ಚಿಸುವವರು ಫ್ರೀ ಟ್ರಯಲ್ ಹಾಗೂ ಮಾಸಿಕ ಚಂದಾದಾರರಾಗಲು ಸಾಧ್ಯವಿಲ್ಲ.

Google Pay ಕೈ ಕೊಟ್ರೆ ಏನು ಗತಿ..?: ಯಾವುದಕ್ಕೂ ನಿಮ್ಮ ಫೋನಿನಲ್ಲಿ ಈ ಆ್ಯಪ್ ಇರಲಿ

ಅಮೆಜಾನ್ ಪ್ರೈಮ್ ಸದಸ್ಯತ್ವಕ್ಕೆ ಸೈನ್ ಇನ್ ಆಗುವುದು ಹೇಗೆ?

ಈ ಕೆಳಗಿನ ಸರಳ ಹಂತಗಳನ್ನು ಅನುಸರಿಸಿ ನೀವು ಅಮೆಜಾನ್ ಪ್ರೈಮ್ ಸದಸ್ಯತ್ವಕ್ಕೆ ಲಾಗಿನ್ ಆಗಬಹುದು.

1. ಅಮೆಜಾನ್ ವೆಬ್ ಸೈಟ್ ಗೆ ತೆರಳಿ. ಅಮೆಜಾನ್ ಮೊಬೈಲ್ ಆ್ಯಪ್ ಅನ್ನು ಕೂಡ ಬಳಸಬಹುದು. ಆಂಡ್ರಾಯ್ಡ್ ನಲ್ಲೂ ತೆರೆಯಬಹುದು. ಆದರೆ ಐಓಎಸ್ ಸದಸ್ಯರು ನೇರವಾಗಿ ಪ್ರೈಮ್ ಸದಸ್ಯತ್ವವನ್ನು ಫೋನ್ ನಲ್ಲಿಯೇ ನೇರವಾಗಿ ಪಡೆದುಕೊಳ್ಳಲು ಸಾಧ್ಯವಾಗುವುದಿಲ್ಲ.

2. ಅಮೆಜಾನ್ ವೆಬ್ ಸೈಟ್ ನಲ್ಲಿ ಪ್ರೈಮ್ ಮೆಂಬರ್ ಶಿಪ್ ಪೇಜ್ ಗೆ ವಿಸಿಟ್ ಮಾಡಿ. ಅಮೆಜಾನ್ ಆಂಡ್ರಾಯ್ಡ್ ಆ್ಯಪ್ ನಲ್ಲಿ ಬ್ರೆಡ್ ಕ್ರಂಪ್ ಮೆನುವನ್ನು (ಪುಟದ ಮೇಲ್ಬಾಗದಲ್ಲಿರುತ್ತೆ) ನ್ನು ಟ್ಯಾಪ್ ಮಾಡಿ ಮತ್ತು ಟ್ರೈ ಪ್ರೈಮ್ ನ್ನು ಸೆಲೆಕ್ಟ್ ಮಾಡಿ.

3. ನಿಮ್ಮ ಅಮೆಜಾನ್ ಅಕೌಂಟಿನಿಂದ ಸೈನ್ ಇನ್ ಆಗಿ ಅಥವಾ ಈಗಾಗಲೇ ನಿಮ್ಮ ಬಳಿ ಅಮೆಜಾನ್ ಅಕೌಂಟ್ ಇಲ್ಲದೇ ಇದ್ದರೆ ಹೊಸದಾಗಿ ಕ್ರಿಯೇಟ್ ಮಾಡಿ.

4. ಒಮ್ಮೆ ಸೈನ್ ಇನ್ ಆದ ನಂತರ ಲಭ್ಯವಿರುವ ಸದಸ್ಯತ್ವದ ಆಯ್ಕೆಗಳನ್ನು ನೀಡಲಾಗುತ್ತದೆ. ಅಂದರೆ ತಿಂಗಳ ಪ್ಲಾನ್ ಅಥವಾ ವಾರ್ಷಿಕ ಪ್ಲಾನ್. ಯಾವುದು ಬೇಕೋ ಅದನ್ನು ಆಯ್ಕೆ ಮಾಡಿ.

5. ಪೇಮೆಂಟ್ ಮಾಡಿದರೆ ನಿಮ್ಮ ಕೆಲಸ ಆದಂತೆ. ನೀವು ಇನ್ಸೆಂಟ್ ಆಗಿ ಅಮೆಜಾನ್ ಪ್ರೈಮ್ ಮೆಂಬರ್ ಆಗುತ್ತೀರಿ. ನಂತರ ನೀವು ಎಲ್ಲಾ ಪ್ರೈಮ್ ಸದಸ್ಯತ್ವದ ಲಾಭಗಳನ್ನು ಪಡೆಯಬಹುದು.