Amazon Pharmacy: ಬೆಂಗಳೂರಿನಲ್ಲಿ ಅಮೆಜಾನ್‌ ಆನ್‌ಲೈನ್‌ ಫಾರ್ಮಸಿ ಸೇವೆ

ಅಮೆರಿಕ ಮೂಲದ ಇ ಕಾಮರ್ಸ್ ಕಂಪನಿ, ಅಮೆಜಾನ್‌ ದೇಶದಲ್ಲಿಆನ್‌ಲೈನ್‌ ಔಷಧ ಮಾರುಕಟ್ಟೆ ಪ್ರವೇಶಿಸಲಿದೆ. ಆನ್‌ಲೈನ್‌ ಫಾರ್ಮಸಿ ಸೇವೆಯು ಬೆಂಗಳೂರಿನಿಂದಲೇ ಕಾರ್ಯಾರಂಭವಾಗಲಿದೆ. ಫ್ಲಿಪ್‌ಕಾರ್ಟ್‌ ಮತ್ತು ಜಿಯೊ ಮಾರ್ಟ್‌ ಪೈಪೋಟಿ ಎದುರಿಸಲು ಅಮೆಜಾನ್‌ ಸಜ್ಜಾಗುತ್ತಿದ್ದು, ಹೊಸ ಸೇವೆ ಆರಂಭಿಸಿದೆ. ಅಮೆಜಾನ್‌ ಫಾರ್ಮಸಿ ಗ್ರಾಹಕರಿಗೆ ಆಯುರ್ವೇದ ಔಷಧ, ಬೇಸಿಕ್‌ ಮೆಡಿಕಲ್‌ ಸಾಧನಗಳನ್ನು ತರಿಸಿಕೊಳ್ಳಲು ಅವಕಾಶ ನೀಡುತ್ತದೆ. ಜನರು ಕುಳಿತಲ್ಲೇ ಆನ್‌ಲೈನ್‌ ಮೂಲಕ ಪ್ರಿಸ್ಕ್ರಿಪ್ಷನ್ ಇರುವ ಔಷಧಿಗಳನ್ನು ಮನೆಗೆ ತರಿಸಿಕೊಳ್ಳಬಹುದು.

ಸ್ಪರ್ಧಿಗಳು ಯಾರು?
ಚೆನ್ನೈ ಮೂಲದ ನೆಟ್‌ಮೆಡ್ಸ್‌ ಖರೀದಿಸಲು ರಿಲಯನ್ಸ್‌ ಇಂಡಸ್ಟ್ರೀಸ್‌ ಮಾತುಕತೆ ನಡೆಸಿದೆ. ಆನ್‌ಲೈನ್‌ ಫಾರ್ಮಸಿ ಸೇವಾ ವಲಯದ ಪ್ರಮುಖ ಕಂಪನಿಗಳಾದ ಫಾರ್ಮ್‌ಈಸಿ ಮತ್ತು ಮೆಡ್‌ಲೈಫ್‌ಗಳ ವಿಲೀನ ಪ್ರಕ್ರಿಯೆಗಳೂ ಕಂಡು ಬಂದಿವೆ.

ಆನ್‌ಲೈನ್‌ ಫಾರ್ಮಸಿಗೆ ವಿರೋಧ
ಬೆಂಗಳೂರಿನಲ್ಲಿ ಅಮೆಜಾನ್‌ ಆರಂಭಿಸಿದ್ದ ಆನ್‌ಲೈನ್‌ ಫಾರ್ಮಸಿ ಸೇವೆ ಬಗೆಗೆ ಅಖಿಲ ಭಾರತ ಕೆಮಿಸ್ಟ್‌ ಮತ್ತು ಡ್ರಗ್ಗಿಸ್ಟ್‌ಗಳ ಸಂಘಟನೆಯು(ಎಐಒಸಿಡಿ) ವಿರೋಧ ವ್ಯಕ್ತಪಡಿಸಿದೆ. ಈ ವ್ಯವಹಾರವು ಕಾನೂನುಬಾಹಿರವಾಗಿದೆ ಎಂದು ಅಮೆಜಾನ್‌ ಸಿಇಒ ಜೆಫ್‌ ಬಿಜೋಸ್‌ಗೆ ಬರೆದ ಪತ್ರದಲ್ಲಿ ಸಂಘಟನೆಯು ದೂರಿದೆ. ಔಷಧಗಳನ್ನು ಗ್ರಾಹಕರ ಮನೆ ಬಾಗಿಲಿಗೆ ತಲುಪಿಸುವ ಆನ್‌ಲೈನ್‌ ಫಾರ್ಮಸಿ ಸೇವಾ ವಲಯಕ್ಕೆ ಅಮೆಜಾನ್‌ ಇತ್ತೀಚೆಗಷ್ಟೇ ಪ್ರವೇಶಿಸಿದೆ.

Chinese App Ban: ಶವೋಮಿ ರೆಡ್ಮಿ ಬಳಕೆದಾರರಿಗೆ ಸಂದೇಶ ನೀಡಿದ ಕಂಪನಿ