Amazon: ಭಾರತದಲ್ಲಿ 7,000 ಕೋಟಿ ರೂ. ಹೂಡಿಕೆ

ಅಮೆಜಾನ್‌ ಭಾರತದಲ್ಲಿ 1 ಶತಕೋಟಿ ಡಾಲರ್‌ (ಅಂದಾಜು 7,000 ಕೋಟಿ ರೂ.) ಹೂಡಿಕೆ ಮಾಡಲಿದೆ ಎಂದು ಮುಖ್ಯಸ್ಥ ಜೆಫ್‌ ಬಿಜೋಸ್‌ ಹೇಳಿದ್ದಾರೆ.

ಈ ಹೂಡಿಕೆಯ ಪರಿಣಾಮ ಭಾರತದ 1 ಕೋಟಿಗೂ ಹೆಚ್ಚು ಸಣ್ಣ ಮತ್ತು ಮಧ್ಯಮ ಉದ್ದಿಮೆಗಳಿಗೆ ಅನುಕೂಲವಾಗಲಿದೆ. ದೇಶಾದ್ಯಂತ ಅಮೆಜಾನ್‌ನ ಆನ್‌ಲೈನ್‌ ವ್ಯವಸ್ಥೆಯಲ್ಲಿಉತ್ಪನ್ನಗಳನ್ನು ಮಾರಾಟ ಮಾಡಲು ಅವಕಾಶ ಸೃಷ್ಟಿಯಾಗಲಿದೆ ಎಂದು ಜೆಫ್‌ ಬಿಜೋಸ್‌ ತಿಳಿಸಿದ್ದಾರೆ.

ಭಾರತದಲ್ಲಿಅಮೆಜಾನ್‌ ಕಳೆದ 2013ರಿಂದ 5 ಶತಕೋಟಿ ಡಾಲರ್‌ಗೂ ಹೆಚ್ಚು (35,000 ಕೋಟಿ ರೂ.) ಹೂಡಿಕೆಯನ್ನು ಮಾಡಿದೆ. ಸ್ಥಳೀಯವಾಗಿ ಉತ್ಪಾದಿಸುವ ವಸ್ತುಗಳನ್ನು ರಫ್ತು ಮಾಡುವ ನಿಟ್ಟಿನಲ್ಲಿಸಹಕರಿಸಲು ನಿರ್ಧರಿಸಿದೆ. 2025ರ ವೇಳೆಗೆ ಭಾರತದಿಂದ 10 ಶತಕೋಟಿ ಡಾಲರ್‌ ಮೌಲ್ಯದ ಉತ್ಪನ್ನಗಳ ರಫ್ತು ಮಾಡುವ ವಿಶ್ವಾಸವನ್ನು ಅಮೆಜಾನ್‌ ಹೊಂದಿದೆ ಎಂದು ಅವರು ತಿಳಿಸಿದರು.

ಭಾರತದಲ್ಲಿಮೂರು ದಿನಗಳ ಪ್ರವಾಸದಲ್ಲಿರುವ ಜೆಫ್‌ ಬಿಜೋಸ್‌, ಬುಧವಾರ ದಿಲ್ಲಿಯಲ್ಲಿ ಮಕರ ಸಂಕ್ರಾಂತಿ ಆಚರಣೆಯಲ್ಲಿ ಭಾಗವಹಿಸಿದ್ದರು. ಮುಂಬಯಿನಲ್ಲಿ ಉದ್ಯಮಿಗಳ ಜತೆ ಮಾತುಕತೆ ನಡೆಸುವ ನಿರೀಕ್ಷೆ ಇದೆ. 21ನೇ ಶತಮಾನ ಭಾರತದ್ದು ಎಂಬ ನಂಬಿಕೆ ನನ್ನಲ್ಲಿದೆ. ಬೆಳವಣಿಗೆಯ ಎಲ್ಲಸಾಧ್ಯತೆಗಳು ಈ ದೇಶದಲ್ಲಿದೆ ಎಂದು ಬಿಜೋಸ್‌ ಹೇಳಿದರು.

CES Expo: ರೊಬಾಟ್‌ಗಳ ಲೋಕ ಅನಾವರಣ