Android Apps: ಲೊಕೇಶನ್ ಟ್ರ್ಯಾಕ್ ಮಾಡುತ್ತವೆ ಆ್ಯಪ್ಸ್!

ಗೂಗಲ್‌ನ ಪ್ಲೇ ಸ್ಟೋರ್‌ನಲ್ಲಿ ಸೇರಿಕೊಂಡಿರುವ ಹಲವು ಆ್ಯಪ್ಸ್ ಬಳಕೆದಾರರ ದತ್ತಾಂಶವನ್ನು ಕದಿಯುತ್ತವೆ ಮತ್ತು ಅದನ್ನು ಜಾಹೀರಾತುದಾರರಿಗೆ ಮಾರಾಟ ಮಾಡುತ್ತವೆ.

ಗೂಗಲ್ ಪ್ಲೇ ಸ್ಟೋರ್‌ನಲ್ಲಿ ನಕಲಿ ಮತ್ತು ಅನಧಿಕೃತ ಆ್ಯಪ್ಸ್ ಹಾವಳಿ ಇತ್ತೀಚಿನ ದಿನಗಳಲ್ಲಿ ಹೆಚ್ಚಾಗಿದೆ ಎಂದು ವರದಿ ಹೇಳಿದೆ.

ಅಮೆರಿಕಾದ ಕ್ಯಾಲಿಫೋರ್ನಿಯಾದಲ್ಲಿನ ಇಂಟರ್‌ನ್ಯಾಶನಲ್ ಕಂಪ್ಯೂಟರ್ ಸೈನ್ಸ್ ಇನ್ಸಿಟ್ಯೂಟ್‌ನ ಸಂಶೋಧಕರು ಬಿಡುಗಡೆ ಮಾಡಿದ ವರದಿ ಪ್ರಕಾರ, ಸುಮಾರು 1,325 ಆ್ಯಪ್ಸ್, ಆಂಡ್ರಾಯ್ಡ್ ಆಪರೇಟಿಂಗ್ ವ್ಯವಸ್ಥೆಯಲ್ಲಿನ ಕೆಲವೊಂದು ಲೋಪಗಳನ್ನು ಬಳಸಿಕೊಂಡು, ಬಳಕೆದಾರರ ಮಾಹಿತಿ ಕದಿಯುತ್ತವೆ.

ಜತೆಗೆ ಲೊಕೇಶನ್, ಮ್ಯಾಪ್ಸ್ ಮಾಹಿತಿ ಕೂಡ ಜನರ ಅರಿವಿಗೆ ಬಾರದೇ ಕದಿಯುವ ಕೆಲಸವಾಗುತ್ತಿದೆ ಎಂದು ತಜ್ಞರು ಹೇಳಿದ್ದಾರೆ. ಅಂತಹ 1,325 ಆ್ಯಪ್ಸ್‌ಗಳನ್ನು ಗುರುತಿಸಿ, ತಜ್ಞರು ವರದಿ ಸಿದ್ಧಪಡಿಸಿದ್ದಾರೆ.