ಧ್ಯಾನ, ಫಿಟ್ನೆಸ್‌ಗೆ ಆ್ಯಪ್‌

simple habit

ನಮ್ಮ ಆಧುನಿಕ ಜೀವನ ಶೈಲಿಯ ಬದುಕು ಅನೇಕ ಒತ್ತಡಗಳನ್ನು ಸೃಷ್ಟಿಸುತ್ತದೆ. ಹೀಗಿರುವಾಗ ಈಗ ಒತ್ತಡ ರಹಿತ ಜೀವನ ಬದುಕುವುದೇ ಕಷ್ಟವಾಗಿದೆ. ಒತ್ತಡ ನಿವಾರಿಸಲು ಇರುವ ಅತ್ಯುತ್ತಮ ದಾರಿ ಎಂದರೆ, 'ಧ್ಯಾನ'. ಸಿಂಪಲ್‌ ಹ್ಯಾಬಿಟ್‌ ಆ್ಯಪ್‌ ನಿಮಗೆ ಧ್ಯಾನವನ್ನು ಪ್ಲ್ಯಾನ್‌ ಮಾಡಿಕೊಳ್ಳಲು ನೆರವು ನೀಡುತ್ತದೆ. ಈ ಆ್ಯಪ್‌ ಬಳಸಿಕೊಂಡು ವೃತ್ತಿಪರರು, ಕಾಲೇಜ್‌ ವಿದ್ಯಾರ್ಥಿಗಳು ಲಾಭ ಪಡೆಯಬಹುದಾಗಿದೆ. ಸಾಮಾನ್ಯವಾಗಿ ಧ್ಯಾನ 5ರಿಂದ 20 ನಿಮಿಷದವರೆಗೂ ಮಾಡಬಹುದು. ಧ್ಯಾನಕ್ಕೆ ಸಂಬಂಧಿಸಿದ ಎಲ್ಲ ಮಾಹಿತಿಯನ್ನು ಈ ಆ್ಯಪ್‌ ಒದಗಿಸುತ್ತದೆ ಮತ್ತು ಯಾವ ರೀತಿ ನೀವು ಧ್ಯಾನ ಪ್ಲ್ಯಾನ್‌ ಮಾಡಿಕೊಳ್ಳಬೇಕೆಂಬುದನ್ನು ವಿವರಿಸುತ್ತದೆ. ಹಾಗಾಗಿ, ಒತ್ತಡ ಮುಕ್ತರಾಗಲು ಧ್ಯಾನ ತುಂಬ ಮಹತ್ವದ್ದಾಗಿದೆ.


FitNotes

ಇದು ಉಚಿತ ಆ್ಯಪ್‌ ಆಗಿದ್ದು, ಜಾಹೀರಾತುಗಳಿರುವುದಿಲ್ಲ. ಎಕ್ಸರ್‌ಸೈಜ್‌ ಡೇಟಾಬೇಸ್‌ ಇದ್ದು, ವರ್ಕೌಟ್‌ ಮಾಡಲು ಇದು ನಿಮಗೆ ನೆರವಾಗುತ್ತದೆ. ಹಾಗೆಯೇ, ನೀವು ಏನನ್ನು ಮಾಡುತ್ತಿದ್ದೀರಿ ಎಂಬುದನ್ನು ಈ ಆ್ಯಪ್‌ ಮೂಲಕವೇ ಟ್ರ್ಯಾಕ್‌ ಮಾಡುತ್ತಾ ಹೋಗಬಹುದು. ನಿಮಗೆ ಬೇಕಿರುವ ವರ್ಕೌಟ್‌ಗಳನ್ನು ವರ್ಗೀಕರಿಸಿಕೊಳ್ಳಬಹುದು ಮತ್ತು ನಿಮಗೆ ಬೇಕಾದ ರೀತಿಯಲ್ಲಿ ಕಸ್ಟ್‌ಮೈಸ್‌ ಮಾಡಿಕೊಳ್ಳಬಹುದು. ಒಂದು ವೇಳೆ ನೀವು ಜಿಮ್‌ ಹೋಗುವರಾಗಿದ್ದರೆ ಮತ್ತು ಫಿಟ್ನೆಸ್‌ ಬಗ್ಗೆ ಕಾಳಜಿ ಹೊಂದಿವರಾಗಿದ್ದರೆ ಈ ಆ್ಯಪ್‌ ನಿಮ್ಮ ಸ್ಮಾರ್ಟ್‌ಫೋನ್‌ನಲ್ಲಿದ್ದರೆ ಒಳ್ಳೆಯದು. ಫಿಟ್ನೆಸ್‌ಗೆ ಸಂಬಂಧಿಸಿದಂತೆ ಎಲ್ಲ ಮಾಹಿತಿಯ ಆಗರವಾಗಿರುವ ಈ ಆ್ಯಪ್‌ ತುಂಬ ಉಪಯುಕ್ತವಾಗಿದೆ.