Ride Apps: ಬೆಂಗಳೂರಿನಲ್ಲಿ ಜನಪ್ರಿಯವಾಗುತ್ತಿದೆ ಆ್ಯಪ್‌ ಸೇವೆ

ರಾಜ್ಯ ರಾಜಧಾನಿ ಬೆಂಗಳೂರಿನಲ್ಲಿ ಆ್ಯಪ್‌ ಆಧಾರಿತ ಬಾಡಿಗೆ ಎಲೆಕ್ಟ್ರಿಕ್‌ ಸೈಕಲ್‌/ಸ್ಕೂಟರ್‌ಗಳ ಸೇವೆ ಜನಪ್ರಿಯವಾಗುತ್ತಿದೆ. ಯುವಕರೂ ಸೇರಿದಂತೆ ಹೆಚ್ಚಿನ ಜನರು ಈ ವಾಹನಗಳ ಬಳಕೆಗೆ ಮುಂದಾಗಿದ್ದಾರೆ.

ಯುಲು ಜತೆಗೆ ಪಾಲುದಾರಿಕೆ ಹೊಂದಿರುವ ಅಮೆರಿಕ ಮೂಲದ ಉಬರ್‌ ಕಂಪನಿಯು, ಬೆಂಗಳೂರು ಗ್ರಾಹಕರಿಗೆ ನೂತನ ಸೇವೆಯನ್ನು ನೀಡುತ್ತಿದೆ. ಎಲೆಕ್ಟ್ರಿಕ್‌ ಸೈಕಲ್‌ ಶೇರಿಂಗ್‌ ಆ್ಯಪ್‌ ಯುಲುವನ್ನು ಡೌನ್‌ ಮಾಡಿಕೊಂಡರೆ, ಸುಲಭವಾಗಿ ನಗರದಲ್ಲಿ ಸುತ್ತಾಡಬಹುದು. ಇದೊಂದು ಪರಿಸರಸ್ನೇಹಿ ವಾಹನವಾಗಿದ್ದು, ಇತರೆ ಸಾರಿಗೆಗೆ ಹೋಲಿಸಿದರೆ ಅಗ್ಗದ ದರಕ್ಕೆ ಬಳಸಬಹುದಾಗಿದೆ.

ಮೊಬೈಲ್‌ನಲ್ಲಿ ಡೌನ್‌ಲೋಡ್‌ ಮಾಡಿಕೊಂಡಿರುವ ಆ್ಯಪ್‌ ಅನ್ನು ಓಪನ್‌ ಮಾಡಿದರೆ, ನಿಮ್ಮ ಸಮೀಪದಲ್ಲಿರುವ ವಾಹನವನ್ನು ಕಾಣಬಹುದು. ಅಲ್ಲಿರುವ ಕ್ಯೂಆರ್‌ ಕೋಡ್‌ ಅನ್ನು ಸ್ಕ್ಯಾ‌ನ್‌ ಮಾಡಿದರೆ ಆಯಿತು. ಈ ಎಲೆಕ್ಟ್ರಿಕ್‌ ಸೈಕಲ್‌ ಹತ್ತಿ ನಿಮಗೆ ಬೇಕಾದ ಕಡೆಗೆ ಹೋಗಬಹುದು. ನಿಮ್ಮ ಪ್ರಯಾಣ ಮುಕ್ತಾಯವಾದ ಬಳಿಕ ಯುಲು ಜೋನ್‌ನಲ್ಲಿ ನಿಲ್ಲಿಸಿದರೆ ಆಯಿತು. ಬಳಿಕ ನಿಮ್ಮ ಆ್ಯಪ್‌ನಲ್ಲಿರುವ ಎಂಡ್‌ ಬಟನ್‌ ಒತ್ತಿದರೆ ಮುಗಿಯಿತು.

2017ರಲ್ಲಿ ಆರಂಭವಾದ ಯುಲು ಬ್ಯಾಟರಿ ಆಧಾರಿತ ವಾಹನಗಳು ಮತ್ತು ಪೆಡಲ್‌ವುಳ್ಳ ಸೈಕಲ್‌ಗಳ ಸೇವೆಯನ್ನು ಒದಗಿಸುತ್ತಾ ಬಂದಿದೆ. ಬೆಂಗಳೂರು, ಪುಣೆ, ಗ್ರೇಟರ್‌ ಮುಂಬಯಿ ಮತ್ತು ಭುವನೇಶ್ವರದಲ್ಲಿ ಸೇವೆಯನ್ನು ಒದಗಿಸುತ್ತಿದೆ. ಗಂಟೆಗೆ 25 ಕಿ.ಮೀ ಗರಿಷ್ಠ ದೂರವನ್ನು ಕ್ರಮಿಸಬಹುದಾಗಿದೆ.

E Commerce: ಸರಕಾರದಿಂದಲೇ ಹೊಸ ವ್ಯವಸ್ಥೆ

Cyber Crime: ಬ್ಯಾಂಕಿಂಗ್‌ ವಲಯವೇ ದೊಡ್ಡ ಟಾರ್ಗೆಟ್‌