Apple Store Online: ಸೆ. 23ಕ್ಕೆ ದೇಶದಲ್ಲಿ ಆರಂಭವಾಗುತ್ತಿದೆ ಆ್ಯಪಲ್ ಆನ್‌ಲೈನ್ ಸ್ಟೋರ್

ದೇಶದಲ್ಲಿ ಆ್ಯಪಲ್ ಐಫೋನ್ ಮತ್ತು ಮ್ಯಾಕ್‌ಬುಕ್, ವಾಚ್‌ಗಳಿಗೆ ಬೇಡಿಕೆ ಹೆಚ್ಚುತ್ತಿರುವುದನ್ನು ಮನಗಂಡ ಆ್ಯಪಲ್, ನೂತನ ಆನ್‌ಲೈನ್ ಸ್ಟೋರ್ ಅನ್ನು ಆರಂಭಿಸಲು ಉದ್ದೇಶಿಸಿದೆ. ಸೆ. 23ರಂದು ಆ್ಯಪಲ್ ಆನ್‌ಲೈನ್ ಸ್ಟೋರ್ ಕಾರ್ಯಾರಂಭ ಮಾಡಲಿದ್ದು, ಗ್ರಾಹಕರಿಗೆ ಹೊಸ ಐಫೋನ್, ಐಪ್ಯಾಡ್, ಮ್ಯಾಕ್‌ಬುಕ್ ಮತ್ತು ವಾಚ್ ಖರೀದಿಗೆ ಅನುಕೂಲ ಕಲ್ಪಿಸಲಿದೆ.

ಜತೆಗೆ ಇದೇ ಮೊದಲ ಬಾರಿಗೆ ಆ್ಯಪಲ್ ದೇಶದಲ್ಲಿ ಆನ್‌ಲೈನ್ ಸ್ಟೋರ್ ಆರಂಭಿಸುತ್ತಿದೆ. ಮುಂದಿನ ವರ್ಷ ಮುಂಬಯಿಯಲ್ಲಿ ಮೊದಲ ಆ್ಯಪಲ್ ಸ್ಟೋರ್ ತೆರೆಯುವ ಯೋಜನೆಯನ್ನು ಆ್ಯಪಲ್ ಹೊಂದಿದೆ. ಆ್ಯಪಲ್ ಆನ್‌ಲೈನ್ ಸ್ಟೋರ್ ತೆರೆಯುತ್ತಿರುವ ಕುರಿತು ಸಿಇಒ ಟಿಮ್‌ ಕುಕ್ ಟ್ವೀಟ್ ಮಾಡಿದ್ದಾರೆ.

ಆ್ಯಪಲ್ ಆನ್‌ಲೈನ್ ಸ್ಟೋರ್
ಆ್ಯಪಲ್ ಕಂಪನಿಯ ಎಲ್ಲ ಗ್ಯಾಜೆಟ್, ಉತ್ಪನ್ನ, ಸೇವೆ ಮತ್ತು ಸಲಹೆ, ಸೂಚನೆ, ರಿಪೇರಿ ಇತ್ಯಾದಿ ಎಲ್ಲವನ್ನೂ ಆ್ಯಪಲ್ ಆನ್‌ಲೈನ್ ಮೂಲಕ ಗ್ರಾಹಕರಿಗೆ ತ್ವರಿತವಾಗಿ ಮತ್ತು ಸುಲಭದಲ್ಲಿ ಒದಗಿಸಲಿದೆ.

ಜತೆಗೆ ಹಬ್ಬದ ಸೀಸನ್ ಇರುವುದರಿಂದ, ವಿಶೇಷ ಕೊಡುಗೆ, ಆಫರ್, ಇಎಂಐ ಸೌಲಭ್ಯವನ್ನು ಕೂಡ ಆ್ಯಪಲ್ ಐಫೋನ್, ಐಪ್ಯಾಡ್, ಆ್ಯಪಲ್ ವಾಚ್, ಮ್ಯಾಕ್‌ಬುಕ್ ಮತ್ತು ಆ್ಯಪಲ್ ಟಿವಿ ಮೇಲೆ ನೀಡಲಿದೆ. ಜತೆಗೆ ವಿದ್ಯಾರ್ಥಿಗಳಿಗೆ ವಿಶೇಷ ಕಾಂಬೋ ಆಫರ್, ಡಿಸ್ಕೌಂಟ್ ಪ್ಯಾಕ್ ಲಭ್ಯವಾಗಲಿದೆ.

ಉಳಿದಂತೆ ಆ್ಯಪಲ್ ಏರ್‌ಪಾಡ್ಸ್ ಮತ್ತು ಐಪ್ಯಾಡ್, ಪೆನ್ಸಿಲ್‌ನಲ್ಲಿ ಕನ್ನಡ ಸಹಿತ ವಿವಿಧ ಭಾಷೆಗಳಲ್ಲಿ ಎಮೋಜಿ ಅಥವಾ ಹೆಸರಿನ ಎನ್‌ಗ್ರೇವಿಂಗ್ ಆಯ್ಕೆ ಒದಗಿಸುವ ಸಾಧ್ಯತೆಯಿದೆ.

Apple Store: ಸಿಂಗಾಪುರದಲ್ಲಿ ಮೊದಲ ತೇಲುವ ಸ್ಟೋರ್ ತೆರೆದ ಆ್ಯಪಲ್!

ಈಗಾಗಲೇ ಆ್ಯಪಲ್ ಆನ್‌ಲೈನ್ ಸ್ಟೋರ್ ವೆಬ್‌ಸೈಟ್ ಕಾಣಿಸುತ್ತಿದ್ದರೂ, ಸಂಪೂರ್ಣ ಉತ್ಪನ್ನದ ವಿವರ ಮತ್ತು ಮಾರಾಟ ಸೇವೆಗಳು ಸೆ. 23ರಿಂದ ಅಧಿಕೃತವಾಗಿ ಬಳಕೆದಾರರಿಗೆ ಲಭ್ಯವಾಗಲಿದೆ.

Apple Watch SE: ಬಜೆಟ್ ದರದ ಸ್ಮಾರ್ಟ್‌ವಾಚ್ ಪರಿಚಯಿಸಿದ ಆ್ಯಪಲ್