ಇಂಟೆಲ್ ಚಿಪ್ ಬದಲಿಗೆ ಕ್ವಾಲ್ಕಂ ಸಹಿತ ಆ್ಯಪಲ್ ಐಫೋನ್

ದುಬಾರಿ ಸ್ಮಾರ್ಟ್‌ಫೋನ್ ಬ್ರಾಂಡ್ ಆ್ಯಪಲ್ ತನ್ನ ನೂತನ ಸರಣಿಯ ಐಫೋನ್‌ಗಳಲ್ಲಿ ಇಂಟೆಲ್ ಚಿಪ್ ಬದಲಿಗೆ ಕ್ವಾಲ್ಕಂ ಚಿಪ್ ಬಳಸಿರುವ ಸುಧಾರಿತ ಆವೃತ್ತಿಯ ಐಫೋನ್ 7, ಐಫೋನ್ 7 ಪ್ಲಸ್ ಮತ್ತು ಐಫೋನ್ 8, ಐಫೋನ್ 8 ಪ್ಲಸ್ ಮಾದರಿಗಳು ಮಾರುಕಟ್ಟೆಗೆ ಲಗ್ಗೆ ಇರಿಸಿವೆ.

ಜರ್ಮನಿಯಲ್ಲಿ ಆ್ಯಪಲ್ ನೂತನ ಸ್ಮಾರ್ಟ್‌ಫೋನ್‌ಗಳನ್ನು ಮಾರಾಟ ಮಾಡಲಿದೆ.

ಇಂಟೆಲ್ ಬದಲಿಗೆ ಕ್ವಾಲ್ಕಂ ಚಿಪ್ ಬಳಸಿದ ಆ್ಯಪಲ್ ಐಫೋನ್‌ಗಳು ಸೆಲ್ಯೂಲರ್ ಡಾಟಾ ಕಾರ್ಯನಿರ್ವಹಣೆಯಲ್ಲಿ ಉತ್ತಮ ಫಲಿತಾಂಶ ತೋರಿಸಿವೆ. ಅಲ್ಲದೆ ಟಿ ಮೊಬೈಲ್ ಮತ್ತು ಎಟಿ ಆಂಡ್ ಟಿ ಬಳಕೆದಾರರು ಕೂಡ ಕ್ವಾಲ್ಕಂ ಚಿಪ್‌ ಬಳಸಿದ ಐಫೋನ್‌ಗಳಲ್ಲಿ ಗರಿಷ್ಠ ಫಲಿತಾಂಶ ಕಂಡಿದೆ ಎಂದಿದ್ದಾರೆ.

ಇಂಟೆಲ್ ಬದಲಿಗೆ ಕ್ವಾಲ್ಕಂ ಚಿಪ್ ಬಳಸಲು ಆ್ಯಪಲ್ ನಿರ್ಧಾರ ಕೈಗೊಳ್ಳುವ ಹಿಂದೆ ಜರ್ಮನಿಯಲ್ಲಿ ಕೋರ್ಟ್‌ ಆ್ಯಪಲ್ ಮೇಲೆ ವಿಧಿಸಿರುವ ಕಾಪಿರೈಟ್ ಕಾಯ್ದೆಯ ಪ್ರಭಾವವೂ ಇದೆ.

ಹೀಗಾಗಿ ಚಿಪ್ ಬದಲಾಯಿಸಿ, ಸುಧಾರಿತ ಆವೃತ್ತಿಯ ಐಫೋನ್ ಹೊರತರಲು ಆ್ಯಪಲ್ ನಿರ್ಧರಿಸಿದ್ದು, ಜರ್ಮನಿಯಲ್ಲೇ ಹೊಸ ನಾಲ್ಕು ಮಾದರಿಯನ್ನು ಪರಿಚಯಿಸಿದೆ.

ಇಂಟೆಲ್ ಬದಲು ಆ್ಯಪಲ್ ಚಿಪ್ ಬಳಸುವಂತೆ ಬಹಳಷ್ಟು ಬಳಕೆದಾರರು ಆ್ಯಪಲ್‌ಗೆ ಒತ್ತಾಯಿಸಿದ್ದರು.