ಆ್ಯಪಲ್ One
ಆ್ಯಪಲ್ ಐಫೋನ್ ಮತ್ತು ಇತರ ಗ್ಯಾಜೆಟ್ ಬಳಕೆದಾರರಿಗೆ ಆ್ಯಪಲ್ ಸೇವೆಗಳನ್ನು ಒಂದೇ ಚಂದಾ ಸೇವೆಯಡಿ ಒದಗಿಸಲು ಆ್ಯಪಲ್ ಒನ್ ಸೇವೆ ಒದಗಿಸುತ್ತಿದೆ. ಆ್ಯಪಲ್ ಮ್ಯೂಸಿಕ್, ಆ್ಯಪಲ್ ಟಿವಿ+, ಆ್ಯಪಲ್ ಆರ್ಕೆಡ್ ಮತ್ತು ಐಕ್ಲೌಡ್ ಸ್ಟೋರೇಜ್ ಹಾಗೂ ನ್ಯೂಸ್+ ಮತ್ತು ಫಿಟ್ನೆಸ್+ ಸೇವೆಗಳನ್ನು ಆ್ಯಪಲ್ ಒದಗಿಸಲಿದೆ. ಅಲ್ಲದೆ, ವಿವಿಧ ಪ್ಯಾಕ್‌ಗಳ ಆಯ್ಕೆ ಕೂಡ ಗ್ರಾಹಕರಿಗೆ ಲಭ್ಯವಿದೆ.
Samsung Smartphone: ಜಾಗತಿಕ ಮಾರುಕಟ್ಟೆಯಲ್ಲಿ ನಂಬರ್ 1 ಸ್ಥಾನಕ್ಕೆ ಸ್ಯಾಮ್‌ಸಂಗ್
ಆ್ಯಪಲ್ ಒನ್ ಚಂದಾ ದರವೆಷ್ಟು?
ಆ್ಯಪಲ್ ಹೊಸ ಸೇವೆ ವಿವಿಧ ಪ್ಯಾಕ್ ಮತ್ತು ಪ್ಲ್ಯಾನ್ ಮೂಲಕ ಲಭ್ಯವಿದೆ. ದೇಶದಲ್ಲಿ ಆ್ಯಪಲ್ ಒನ್ ಪ್ಲ್ಯಾನ್ ಆರಂಭಿಕ ದರ ತಿಂಗಳಿಗೆ 195 ರೂ. ಇದೆ. ಆ್ಯಪಲ್ ಒನ್ ಸೇವೆಗೆ ಸೈನ್ ಅಪ್ ಆಗಿ, ನಿಮಗೆ ಬೇಕಾಗಿರುವ ಸೇವೆಯ ಪ್ರಯೋಜನ ಪಡೆದುಕೊಳ್ಳಬಹುದು. ಫ್ಯಾಮಿಲಿ ಪ್ಲ್ಯಾನ್‌ಗೆ ತಿಂಗಳಿಗೆ 365 ರೂ. ಚಂದಾ ದರವಿದೆ. ಆ್ಯಪಲ್ ಒನ್ ಪ್ರೀಮಿಯರ್ ಸೇವೆ ದೇಶದಲ್ಲಿ ಲಭ್ಯವಿಲ್ಲ.
iPhone 12: ದೇಶದಲ್ಲಿ ದಾಖಲೆಯ ಐಫೋನ್ ಮಾರಾಟ ಮಾಡಿದ ಆ್ಯಪಲ್
ಏನೇನು ಲಭ್ಯ?
ಆ್ಯಪಲ್ ಒನ್ ವೈಯಕ್ತಿಕ ಪ್ಲ್ಯಾನ್‌ನಲ್ಲಿ ಆ್ಯಪಲ್ ಮ್ಯೂಸಿಕ್, ಆ್ಯಪಲ್ ಟಿವಿ+, ಆ್ಯಪಲ್ ಆರ್ಕೆಡ್ ಮತ್ತು ಆ್ಯಪಲ್ ಐಕ್ಲೌಡ್ 50 ಜಿಬಿ ಸ್ಟೋರೇಜ್ ಲಭ್ಯವಿದೆ. ಇದರಲ್ಲಿ ತಿಂಗಳಿಗೆ 177 ರೂ. ಉಳಿತಾಯ ಮಾಡಬಹುದು ಎಂದು ಆ್ಯಪಲ್ ಹೇಳಿದೆ.
ಫ್ಯಾಮಿಲಿ ಪ್ಯಾಕ್‌ನಲ್ಲಿ ತಿಂಗಳಿಗೆ 365 ರೂ. ದರವಿದೆ. ಈ ಪ್ಲ್ಯಾನ್ ಅನ್ನು ಕುಟುಂಬದ ಒಟ್ಟು 6 ಜನ ಬಳಸಿಕೊಳ್ಳಬಹುದು. ಆ್ಯಪಲ್ ಮ್ಯೂಸಿಕ್, ಆ್ಯಪಲ್ ಟಿವಿ+, ಆ್ಯಪಲ್ ಆರ್ಕೆಡ್ ಮತ್ತು ಆ್ಯಪಲ್ ಐಕ್ಲೌಡ್ 200 ಜಿಬಿ ಸ್ಟೋರೇಜ್ ಲಭ್ಯವಿದೆ.