iPhone XR: ಈಗ ಮೇಡ್ ಇನ್ ಇಂಡಿಯಾ ಐಫೋನ್!

ಆ್ಯಪಲ್ ಐಫೋನ್ ಉತ್ಪಾದನೆಗೆ ಚೀನಾ ಮೇಲಿನ ಅವಲಂಬನೆಯನ್ನು ಹಂತಹಂತವಾಗಿ ಕಡಿಮೆ ಮಾಡುತ್ತಾ ಬರುತ್ತಿದೆ. ಹೀಗಾಗಿ ವಿಯೆಟ್ನಾಂ ಮತ್ತು ಭಾರತದಲ್ಲಿನ ಆ್ಯಪಲ್ ಐಫೋನ್ ಉತ್ಪಾದನಾ ಘಟಕದಲ್ಲಿ ಹೆಚ್ಚು ಹೂಡಿಕೆ ಮಾಡುತ್ತಿದೆ.

ಈ ಮೊದಲು ಆ್ಯಪಲ್ ಐಫೋನ್ 5S, ಐಫೋನ್ 6S ಮತ್ತು ಐಫೋನ್ 7 ಅನ್ನು ದೇಶದಲ್ಲಿ ಉತ್ಪಾದಿಸಲಾಗುತ್ತಿತ್ತು. ಈಗ ಜಗತ್ತಿನ ಜನಪ್ರಿಯ ಆ್ಯಪಲ್ ಐಫೋನ್ XR ಅನ್ನು ಕೂಡ ದೇಶದಲ್ಲೇ ಉತ್ಪಾದಿಸಲಾಗುತ್ತಿದೆ.

ಐಫೋನ್ XR ಹೊಸದಾಗಿ ಮೇಡ್ ಇನ್ ಇಂಡಿಯಾ, ಅಂದರೆ ಆ್ಯಪಲ್ ಐಫೋನ್ ಬಾಕ್ಸ್‌ನಲ್ಲಿ ಡಿಸೈನ್‌ಡ್ ಇನ್ ಕ್ಯಾಲಿಫೋರ್ನಿಯಾ, ಅಸೆಂಬಲ್ಡ್ ಇನ್ ಇಂಡಿಯಾ ಎಂಬ ಟ್ಯಾಗ್‌ಲೈನ್‌ನೊಂದಿಗೆ ಮಾರುಕಟ್ಟೆಗೆ ಪ್ರವೇಶಿಸಿದೆ.

Apple AirPods: ಅಕ್ಟೋಬರ್ ಕೊನೆಗೆ ಬಿಡುಗಡೆ

ದೇಶದ ಸ್ಮಾರ್ಟ್‌ಫೋನ್ ಮಾರುಕಟ್ಟೆಯನ್ನು ಆ್ಯಪಲ್ ಗಂಭೀರವಾಗಿ ಪರಿಗಣಿಸಿದ್ದು, ಐಫೋನ್ ಮಾರಾಟ ಮಾತ್ರವಲ್ಲದೆ, ವಿದೇಶಕ್ಕೂ ಹೆಚ್ಚಿನ ಸಂಖ್ಯೆಯಲ್ಲಿ ರಫ್ತು ಮಾಡುತ್ತಿದೆ. ದೇಶೀಯವಾಗಿ ತಯಾರಾಗುವ ಆ್ಯಪಲ್ ಐಫೋನ್ ಬೆಲೆ ಕೂಡ ಕಡಿಮೆಯದ್ದು, ತೆರಿಗೆ ಪ್ರಯೋಜನ ಪಡೆಯಬಹುದಾಗಿದೆ.

ಪ್ರಸ್ತುತ ಆ್ಯಪಲ್ ಐಫೋನ್ XR ದೇಶದಲ್ಲಿ 49,990 ರೂ. ಗರಿಷ್ಠ ಮಾರಾಟ ದರ ಹೊಂದಿದ್ದು, ಹಬ್ಬದ ವಿಶೇಷ ಸೇಲ್ ಮತ್ತು ಬ್ಯಾಂಕ್ ಕ್ಯಾಶ್‌ಬ್ಯಾಕ್ ಕೊಡುಗೆಗಳೂ ಕೂಡ ಲಭ್ಯವಿದೆ.

Google Password: ಸುರಕ್ಷಿತವಾಗಿ ಇರಿಸುವುದು ಹೇಗೆ?