ಆ್ಯಪಲ್ iOS 12 ಲೋಕಾರ್ಪಣೆ; ಏನಿದೆ ಹೊಸತು?

ಕ್ಯಾಲಿಫೋರ್ನಿಯಾ: ವಿಶ್ವ ಡೆವಲಪರ್ಸ್ ಸಮ್ಮೇಳನ 2018ರಲ್ಲಿ ಅತಿ ನೂತನ ಆ್ಯಪಲ್ 'ಐಒಎಸ್12' (Apple iOS 12) ಲೋಕಾರ್ಪಣೆಯಾಗಿದೆ. ಮುಂಬರುವ ಐಫೋನ್ ಹಾಗೂ ಐಪ್ಯಾಡ್‌ಗಳಲ್ಲಿ ಕಂಡುಬರಲಿರುವ ಮಹತ್ತರ ಬದಲಾವಣೆ ಇದಾಗಿದೆ.

ಟೆಕ್ ತಜ್ಞರ ಪ್ರಕಾರ ನೂತನ ಐಒಎಸ್ 12, ಅನೇಕ ಹೊಸ ಬದಲಾವಣೆಗಳನ್ನು ತರಲಿದೆ. ಗೂಗಲ್‌ನ ಆಂಡ್ರಾಯ್ಡ್ ಓಪರೇಟಿಂಗ್ ಸಿಸ್ಟಂಗೆ ಹೋಲಿಸಿದಾಗ ಆ್ಯಪಲ್ ಐಒಎಸ್12 ಮೂಲಕ ಬಳಕೆದಾರರಿಗೆ ಉನ್ನತ ಮಟ್ಟದ ಇಂಟರ್‌ಫೇಸ್ ನೀಡಲಿದೆ.

ಇನ್ನು ಉತ್ತಮ ಮಟ್ಟದ ನಿರ್ವಹಣೆ ಹಾಗೂ ಅನುಭವವನ್ನು ಆ್ಯಪಲ್ ಐಒಎಸ್12 ಖಾತ್ರಿಪಡಿಸಲಿದೆ. ಇದರಲ್ಲಿ ಮೆಮೊಜಿ, ಫನ್ ಕ್ಯಾಮೆರಾ ಎಫೆಕ್ಟ್, ಗ್ರೂಪ್ ಫೇಸ್‌ಟೈಮ್ ಪ್ರಮುಖ ಆಕರ್ಷಣೆಯಾಗಲಿದೆ.

ಯಾರಿಗೆ ಲಭ್ಯ?
iOS 11 ರನ್ನಿಂಗ್ ಡಿವೈಸ್‌ಗಳಲ್ಲಿ. ಅಂದರೆ ಐಫೋನ್ 5ಎಸ್ ಅಥವಾ ಅದಕ್ಕಿಂತಲೂ ತಾಜಾ ಐಫೋನ್, ಐಪ್ಯಾಡ್ ಮಿನಿ 2, ಐಪ್ಯಾಡ್ ಏರ್ ಅಥವಾ ಅದಕ್ಕಿಂತಲೂ ನೂತನ ಆ್ಯಪಲ್ ಸ್ಮಾರ್ಟ್‌ಫೋನ್‌ಗಳಲ್ಲಿ ಲಭ್ಯವಾಗಲಿದೆ.

ಯಾವಾಗ ಲಭ್ಯ?
ಡೆವಲಂಪಿಂಗ್ ವರ್ಷನ್ ಈಗ ಲಭ್ಯವಿದ್ದು, ಜೂನ್ ಬಳಿಕ ಮೊದಲ ಬೇಟಾ ವರ್ಷನ್ ಸಿಗಲಿದೆ.

ವೇಗ?
2013ರ ಐಫೋನ್ 5ಎಸ್‌ನಲ್ಲೂ ಗಮನಾರ್ಹ ವೇಗ ಹಾಗೂ ನಿರ್ವಹಣೆ

iOS 12 ಪ್ರಮುಖ ಬದಲಾವಣೆಗಳು:
augmented reality (AR) ಹೊಸ ಸ್ವರೂಪದ USDZ,
ಹೊಸತಾದ 'Measure' AR ಆ್ಯಪ್ ಪರಿಚಯ,
ಮುಂದಿನ ತಲೆಮಾರಿನ ಎಆರ್ ಕಿಟ್ ಪರಿಚಯ ARKit 2,
ವರ್ಧಿತ ಫೇಸ್ ಗುರುತಿಸುವಿಕೆ, ನಿರ್ದಿಷ್ಟ ವಸ್ತುವಿನ ಚಲನೆಗಳ ನಿಖರ ಗುರುತಿಸುವಿಕೆ,
ನೋಟಿಫಿಕೇಷನ್ ಸುಧಾರಣೆ, ಬಹು ನೋಟಿಫಿಕೇಷನ್‌ಗಳ ಸಂಗ್ರಹ
ಫೋಟೋಸ್: 'For You' ಹೊಸ ಟ್ಯಾಬ್ ಸೇರ್ಪಡೆ.
ಸಿರಿ: ಗೂಗಲ್ ಅಸಿಸ್ಟನ್ಸ್‌ಗೆ ಹೋಲಿಸಿದಾಗ ಹೆಚ್ಚಿನ ಸುಧಾರಣೆ ಕಂಡುಬಂದಿದೆ. ಶಾರ್ಟ್‌ಕರ್ಟ್ ಸೇರ್ಪಡೆ,
ನ್ಯೂಸ್ ಆ್ಯಪ್ ಅಪ್‌ಗ್ರೇಡ್- ನಿರ್ಧಿಷ್ಟ ವಿಷಯದ ಬಗ್ಗೆ ಉತ್ತಮ ಸರ್ಚ್ ಫಲಿತಾಂಶ ದೊರಕಲಿದೆ,
ವಾಯ್ಸ್ ಮೆಮೊ, ಆ್ಯಪಲ್ ಬುಕ್, ರೀಡಿಂಗ್ ನೌ,
Do Not Disturb ಫೀಚರ್,
ಆ್ಯಪ್ ಲಿಮಿಟ್,
ಮೆಮೊಜಿ ಪರಿಚಯ,
ವೇಗವಾದ ಅನಿಮೇಷನ್,
ಮಕ್ಕಳಿಗೆ ಇತಿ ಮಿತಿ,
ಸಾಮಾಜಿಕ ಜಾಲತಾಣಗಳ ನಿಯಂತ್ರಣ,
ಫೇಸ್‌ಟೈಮ್ ,
ಖಾಸಗಿ ಭದ್ರತೆ, ಸೆಕ್ಯೂರಿಟಿ,
ಆ್ಯಪಲ್ ಕಾರ್ ಪ್ಲೇ ಸುಧಾರಣೆ,
ಐಪ್ಯಾಡ್‌ನಲ್ಲಿ ಗೆಸ್ಟರ್.