watchOS 5.3: ಸ್ಮಾರ್ಟ್‌ವಾಚ್ ಅಪ್‌ಡೇಟ್ ಮಾಡಿಕೊಳ್ಳಿ

ಆ್ಯಪಲ್ ಐವಾಚ್‌ಗೆ ಹೊಸ ಅಪ್‌ಡೇಟ್ ಲಭ್ಯವಾಗಿದೆ.

ಹೊಸ ವಾಚ್ ಓಎಸ್ 6 ಬಿಡುಗಡೆಗೆ ಕೆಲವೇ ತಿಂಗಳು ಬಾಕಿಯಿದ್ದು, ಅದಕ್ಕೂ ಮುಂಚೆ ಆ್ಯಪಲ್ ವಾಚ್ ಓಎಸ್‌ 5.3 ಪರಿಚಯಿಸಿದೆ.

ಬಳಕೆದಾರರು ಐಫೋನ್‌ನ ಐವಾಚ್‌ ಆ್ಯಪ್ ಮೂಲಕ ಮೈ ವಾಚ್ ಆಯ್ಕೆ ಮಾಡಿಕೊಂಡು, ಅದರಲ್ಲಿ ಜನರಲ್‌ನಲ್ಲಿ ಸಾಫ್ಟ್‌ವೇರ್ ಅಪ್‌ಡೇಟ್ ಎಂದಿರುವಲ್ಲಿ ಕ್ಲಿಕ್ ಮಾಡಿದರೆ, ಹೊಸ ಅಪ್‌ಡೇಟ್ ಲಭ್ಯವಾಗುತ್ತದೆ.

ಅದನ್ನು ಡೌನ್‌ಲೋಡ್ ಮಾಡಿಕೊಂಡು ಇನ್‌ಸ್ಟಾಲ್ ಮಾಡಿದರಾಯಿತು. ಹೊಸ ವಾಚ್‌ ಅಪ್‌ಡೇಟ್‌ watchOS 5.3ನಲ್ಲಿ ವಾಕಿ ಟಾಕಿ ಆ್ಯಪ್ ಸಮಸ್ಯೆಯನ್ನು ಸರಿಪಡಿಸಲಾಗಿದೆ.

ವಾಚ್ ಓಎಸ್ ಅಪ್‌ಡೇಟ್ ಮಾಡಿಕೊಳ್ಳುವಾಗ, ಸ್ಮಾರ್ಟ್‌ವಾಚ್‌ನಲ್ಲಿ ಕನಿಷ್ಠ ಶೇ. 50 ಬ್ಯಾಟರಿ, ವೈ-ಫೈ ಮತ್ತು ಐಫೋನ್ ಸಂಪರ್ಕದಲ್ಲಿ ಇರಿಸಬೇಕಾಗುತ್ತದೆ.

ಜತೆಗೆ ವಾಚ್‌ ಸಿರೀಸ್ 4ನಲ್ಲಿ ECG ಆ್ಯಪ್ ಕೆನಡಾ, ಸಿಂಗಾಪೂರ್‌ನಲ್ಲೂ ಲಭ್ಯವಾಗಲಿದೆ.