5G Foldable iPad: ಹೊಸ ಐಪ್ಯಾಡ್ ಅಭಿವೃದ್ಧಿಪಡಿಸುತ್ತಿದೆ ಆ್ಯಪಲ್‌

ಮಡಚಬಲ್ಲ ಸ್ಮಾರ್ಟ್‌ಫೋನ್ ಹೊರತರುವ ಕುರಿತು ಈಗಾಗಲೇ ಸ್ಯಾಮ್‌ಸಂಗ್ ಮತ್ತು ಹುವೈ ಘೋಷಿಸಿದ್ದು, ಅದರ ಬೆನ್ನಲ್ಲೇ ಆ್ಯಪಲ್ ಕೂಡ 5G ಆಧಾರಿತ ಮಡಚಬಲ್ಲ ಐಪ್ಯಾಡ್ ಹೊರತರಲಿದೆ.

ಮಡಚಬಲ್ಲ ಯಾವುದೇ ಸ್ಮಾರ್ಟ್‌ಫೋನ್ ಅಥವಾ ಐಪ್ಯಾಡ್‌ ಹೊರತರುವ ಕುರಿತು ಆ್ಯಪಲ್‌ ಬಹಿರಂಗಪಡಿಸಿಲ್ಲ. ಆದರೆ ಈ ಕುರಿತು ಕಾರ್ಯಪ್ರವೃತ್ತವಾಗಿದೆ ಎಂದು 9To5Mac ವರದಿ ಮಾಡಿದೆ.

ಆ್ಯಪಲ್‌ 12.9 ಇಂಚಿನ ಡಿಸ್‌ಪ್ಲೇ ಹೊಂದಿರುವ ಫೋಲ್ಡೇಬಲ್ ಐಪ್ಯಾಡ್ ಹೊರತರುವ ಸಾಧ್ಯತೆಯಿದ್ದು, ಜತೆಗೆ 5G ಪರಿಚಯಿಸಲಿದೆ.

ಆ್ಯಪಲ್‌ ಈ ವರ್ಷ ಮೂರು ಹೊಸ ಐಫೋನ್ ಹೊರತರಲಿದೆ. ಹೀಗಾಗಿ ಮುಂದಿನ ವರ್ಷ ನೂತನ ಮಡಚಬಲ್ಲ ಐಪ್ಯಾಡ್ ಪರಿಚಯಿಸುವ ಸಾಧ್ಯತೆಯಿದೆ ಎನ್ನಲಾಗಿದೆ.