Make In India: ದೇಶದಲ್ಲಿ ಆ್ಯಪಲ್‌ ಐಫೋನ್ 11 ಉತ್ಪಾದನೆ ಆರಂಭ

ಚೀನಾ ಮತ್ತು ಅಮೆರಿಕ ನಡುವಣ ಮುಸುಕಿನ ಗುದ್ದಾಟ ಮತ್ತು ವಾಣಿಜ್ಯ ಸಮರದ ನಡುವೆಯೇ ಅಮೆರಿಕದ ಪ್ರಮುಖ ಜಾಗತಿಕ ಬ್ರ್ಯಾಂಡ್ ಆ್ಯಪಲ್‌ ನಮ್ಮ ದೇಶದತ್ತ ಮುಖಮಾಡಿದ್ದು, ಮೊದಲ ಹಂತವಾಗಿ ಆ್ಯಪಲ್‌ ಐಫೋನ್ 11 ಉತ್ಪಾದನೆಗೆ ಚಾಲನೆ ನೀಡಿದೆ.

ಚೀನಾದಲ್ಲಿ ಐಫೋನ್ ಉತ್ಪಾದಕ ಘಟಕ ಹೊಂದಿರುವ ಆ್ಯಪಲ್‌, ಅಲ್ಲಿಂದ ಹಂತಹಂತವಾಗಿ ತನ್ನ ಉತ್ಪಾದನಾ ಘಟಕವನ್ನು ಭಾರತ ಮತ್ತು ವಿಯೆಟ್ನಾಂಗೆ ಸ್ಥಳಾಂತರಿಸಲಿದೆ. ಅದರಂತೆ, ಆ್ಯಪಲ್‌ ಮುಂದೆ ಐಫೋನ್ ಮತ್ತು ಇತರ ಗ್ಯಾಜೆಟ್‌ಗಳ ಉತ್ಪಾದನೆಯನ್ನು ಚೀನಾ ಹೊರತುಪಡಿಸಿ, ಭಾರತದಲ್ಲಿ ಹೆಚ್ಚಿನ ಹೂಡಿಕೆಯ ಮೂಲಕ ನಿರ್ವಹಿಸಲು ಯೋಜನೆ ರೂಪಿಸಿದೆ. ಜತೆಗೆ ದೇಶದಲ್ಲಿ ಮೇಕ್ ಇನ್ ಇಂಡಿಯಾ ಯೋಜನೆಗೂ ಹೆಚ್ಚಿನ ಆದ್ಯತೆ ನೀಡಿ, ತೆರಿಗೆ ಪ್ರಯೋಜನ ಪಡೆಯುವ ಯೋಚನೆಯನ್ನೂ ಆ್ಯಪಲ್‌ ಹೊಂದಿದೆ.

ಐಫೋನ್ 11
ಐಫೋನ್ 11 ಸರಣಿ ಕಳೆದ ವರ್ಷದ ಸೆಪ್ಟೆಂಬರ್‌ನಲ್ಲಿ ದೇಶದಲ್ಲಿ ಬಿಡುಗಡೆಯಾಗಿದೆ. ಆ್ಯಪಲ್‌ ಮಾರುಕಟ್ಟೆ ಪಾಲಿನಲ್ಲಿ ಐಫೋನ್ 11 ಪಾತ್ರ ಹೆಚ್ಚಿದ್ದು, ಮೂರು ಮಾದರಿಗಳು ಐಫೋನ್ 11 ಸರಣಿಯಲ್ಲಿ ಬಿಡುಗಡೆಯಾಗುತ್ತಿದೆ.

ಭಾರತದ ಮಾರುಕಟ್ಟೆಗೆ ಐಫೋನ್ 11 ಪೂರೈಕೆ ಮಾತ್ರವಲ್ಲದೆ, ಮುಂದೆ ಇತರ ರಾಷ್ಟ್ರಗಳಿಗೂ ಐಫೋನ್ ರಫ್ತು ಮಾಡುವ ಉದ್ದೇಶವನ್ನು ಆ್ಯಪಲ್‌ ಹೊಂದಿದೆ.

OnePlus Nord: ಹೊಸ ಸ್ಮಾರ್ಟ್‌ಫೋನ್ ಬಿಡುಗಡೆ ಮಾಡಿದ ಒನ್‌ಪ್ಲಸ್