Paytm Mall: ಐಫೋನ್ ಮತ್ತು ಐಪ್ಯಾಡ್ ಖರೀದಿಗೆ ಅವಕಾಶ

ಆ್ಯಪಲ್ ಉತ್ಪನ್ನಗಳ ಮಾರಾಟಕ್ಕೆ ಪೇಟಿಎಂ ಜತೆ ವಿಶೇಷ ಒಪ್ಪಂದ ಮಾಡಿಕೊಂಡಿರುವುದು ಅಧಿಕೃತ ಐಫೋನ್‌ ಮತ್ತು ಐಪ್ಯಾಡ್ ಖರೀದಿಗೆ ಅನುಕೂಲವಾಗಲಿದೆ.

ಆ್ಯಪಲ್ ಸಂಸ್ಥೆ ಜತೆ ಪೇಟಿಎಂ ಮಾಲ್ ಒಪ್ಪಂದ ಮಾಡಿಕೊಂಡಿದೆ. ಇದರ ಪರಿಣಾಮ ಆ್ಯಪಲ್ ಸಂಸ್ಥೆಯ ಉತ್ಪನ್ನಗಳನ್ನು ಗ್ರಾಹಕರು ಪೇಟಿಎಂ ಮಾಲ್ ಮೂಲಕ ಖರೀದಿಸಬಹುದಾಗಿದೆ. ಪೇಟಿಎಂ ಮಾಲ್‍ನಲ್ಲಿ ದೊರೆಯುವ ಎಲ್ಲ ಆ್ಯಪಲ್ ಉತ್ಪನ್ನಗಳು ಅಧಿಕೃತ ಟ್ಯಾಗ್ ಅನ್ನು ಹೊಂದಿರುತ್ತವೆ. ಈ ಟ್ಯಾಗ್ ಅನ್ನು ಅಧಿಕೃತ ಮಾರಾಟಗಾರರಿಗೆ ಮಾತ್ರ ನೀಡಲಾಗುವುದು ಮತ್ತು ಉತ್ಪನ್ನಗಳು ಒರಿಜಿನಲ್ ಎನ್ನುವುದನ್ನು ಸೂಚಿಸುತ್ತದೆ.

ಪೇಟಿಎಂ ಮಾಲ್ ಮೂಲಕ ಅತಿ ಹೆಚ್ಚು ಸ್ಮಾರ್ಟ್‍ಫೋನ್ ಮಾರಾಟವಾಗುತ್ತದೆ. ಸ್ಮಾರ್ಟ್‍ಫೋನ್ ಖರೀದಿಗೆ ಪೇಟಿಎಂ ಮಾಲ್ ಗ್ರಾಹಕರ ಆದ್ಯತೆಯ ವೇದಿಕೆಯಾಗಿದೆ. ಈ ಒಪ್ಪಂದದ ಪ್ರಕಾರ ಅಧಿಕೃತ ಮಾರಾಟಗಾರರು ಮಾತ್ರ ಆ್ಯಪಲ್ ಉತ್ಪನ್ನಗಳನ್ನು ಪೇಟಿಎಂ ಮಾಲ್ ಮೂಲಕ ಮಾರಾಟ ಮಾಡಲು ಅವಕಾಶ ಕಲ್ಪಿಸಲಾಗಿದೆ.

ಪೇಟಿಎಂ ಮಾಲ್ ಮೂಲಕ ಆ್ಯಪಲ್ ಉತ್ಪನ್ನಗಳನ್ನು ಮಾರಾಟ ಮಾಡಲು ಬಯಸುವ ಮಾರಾಟಗಾರರು ಆ್ಯಪಲ್ ಸಂಸ್ಥೆಯ ಅಧಿಕೃತ ಪತ್ರ ಪಡೆಯುವುದು ಅವಶ್ಯಕ. ಇದರಿಂದ ಗ್ರಾಹಕರಿಗೆ ಒರಿಜಿನಲ್ ಉತ್ಪನ್ನಗಳು ಮಾತ್ರ ದೊರೆಯುತ್ತವೆ. ಆ್ಯಪಲ್ ಸಂಸ್ಥೆ ತನ್ನ ವೆಬ್‍ಸೈಟ್‌ನಲ್ಲಿಯೂ ಪೇಟಿಎಂ ಮಾಲ್ ಅಧಿಕೃತ ಮಾರಾಟಗಾರ ಎಂದು ಘೋಷಿಸಿದೆ.