Apple: ಬೆಂಗಳೂರಿನಲ್ಲಿಆ್ಯಪಲ್‌ ಚಿಪ್‌ ವಿನ್ಯಾಸ

ಗೂಗಲ್‌ನಂತೆಯೇ ಆ್ಯಪಲ್‌ ಸಹ ಬೆಂಗಳೂರಿನಲ್ಲಿರುವ ತಮ್ಮ ಎಂಜಿನಿಯರ್‌ಗಳನ್ನು ಬಳಸಿಕೊಂಡು ಚಿಪ್‌ ವಿನ್ಯಾಸಕ್ಕೆ ಈಗ ಮುಂದಾಗಿದೆ.

ಕಳೆದ ಜೂನ್‌ನಲ್ಲಿ1 ಶತಕೋಟಿ ಡಾಲರ್‌ ಮೌಲ್ಯದ ಇಂಟೆಲ್‌ ಸ್ಮಾರ್ಟ್‌ಫೋನ್‌ ಮೋಡಮ್‌ ಬಿಸಿನೆಸ್‌ ಅನ್ನು ಖರೀದಿಸಿದ್ದ ಆ್ಯಪಲ್‌, ಈ ತಂಡವನ್ನು ಚಿಪ್‌ ವಿನ್ಯಾಸಕ್ಕೆ ಬಳಸಿಕೊಳ್ಳಲಿದೆ. ಬೆಂಗಳೂರಿನಲ್ಲಿದ್ದ 160 ಇಂಟೆಲ್‌ ಎಂಜಿನಿಯರ್‌ಗಳು ಆ್ಯಪಲ್‌ ಸೇರಿಕೊಂಡಿದ್ದು, ಅವರೆಲ್ಲರೂ ಜಾಗತಿಕ ಹಾರ್ಡ್‌ವೇರ್‌ ಎಂಜಿನಿಯರಿಂಗ್‌ ಟೀಮ್‌ನ ಭಾಗವಾಗಿದ್ದಾರೆ.

ಚಿಪ್‌ ವಿನ್ಯಾಸಕ್ಕೆ ಸಂಬಂಧಿಸಿದಂತೆ ಬೆಂಗಳೂರು ಅನ್ನುವುದು ವಿಶ್ವದ ಬೃಹತ್‌ ನೆಲೆಯಾಗಿದೆ. ನಗರದಲ್ಲಿಈ ವರ್ಷ ಚಿಪ್‌ ವಿನ್ಯಾಸದ ಘಟಕವನ್ನು ಗೂಗಲ್‌ ಆರಂಭಿಸಿದೆ. ಅದು ಇಂಟೆಲ್‌, ಕ್ವಾಲ್‌ಕಾಮ್‌, ಎನ್‌ವಿಡಿಯಾ ಮತ್ತಿತರ ಕಂಪನಿಗಳಿಂದ ತಮಗೆ ಅಗತ್ಯವಾದ 80 ಎಂಜಿನಿಯರ್‌ಗಳನ್ನು ತನ್ನೆಡೆಗೆ ಸೆಳೆದುಕೊಂಡಿದೆ.

ಅಂತರ್ಜಾಲ ದಿಗ್ಗಜ ಕಂಪನಿಗಳಾದ ಗೂಗಲ್‌, ಫೇಸ್‌ಬುಕ್‌, ಅಮೆಜಾನ್‌, ಸ್ಯಾಮ್‌ಸಂಗ್‌ ಮತ್ತು ಮೈಕ್ರೊಸಾಫ್ಟ್‌ ಮತ್ತಿತರ ಕಂಪನಿಗಳು ತಮ್ಮದೇ ಆದ ಚಿಪ್‌ ವಿನ್ಯಾಸಕ್ಕೆ ಮುಂದಾಗಿವೆ. ಅವು ಚಿಪ್‌ಗಳ ವಿನ್ಯಾಸಕ್ಕಾಗಿ ಇಂಟೆಲ್‌, ಕ್ವಾಲ್‌ಕಾಮ್‌, ಎಎಂಡಿಯಂಥ ಸೆಮಿಕಂಡಕ್ಟರ್‌ ಸ್ಪೆಷಲಿಸ್ಟ್‌ಗಳನ್ನು ನೆಚ್ಚಿಕೊಂಡಿಲ್ಲ.

iPhone XR: ಈಗ ಮೇಡ್ ಇನ್ ಇಂಡಿಯಾ ಐಫೋನ್!