iPhone XE: ದೇಶದಲ್ಲಿ ಆ್ಯಪಲ್ ಹೊಸ ಐಫೋನ್

ಪ್ರೀಮಿಯಂ ಸ್ಮಾರ್ಟ್‌ಫೋನ್ ತಯಾರಿಕೆಯಲ್ಲಿ ಮುಂಚೂಣಿಯಲ್ಲಿರುವ ಆ್ಯಪಲ್, ದೇಶದಲ್ಲಿ ನೂತನ ಐಫೋನ್ ಪರಿಚಯಿಸುವ ಸಾಧ್ಯತೆಯಿದೆ.

ಆ್ಯಪಲ್ ಐಫೋನ್ ಎಕ್ಸ್‌ಇ ಎಂಬ ಹೆಸರಿನ ನೂತನ ಐಫೋನ್, ಈಗ ಮಾರುಕಟ್ಟೆಯಲ್ಲಿರುವ ಐಫೋನ್ ಎಸ್‌ಇ ಬದಲಿಗೆ ಬಿಡುಗಡೆಯಾಗುವ ಸಾಧ್ಯತೆಯಿದೆ.

ಆ್ಯಪಲ್ ಬೆಂಗಳೂರಿನ ಐಫೋನ್ ತಯಾರಿಕ ಘಟಕದಲ್ಲಿ ಐಫೋನ್‌ ಎಕ್ಸ್ಇ ತಯಾರಾಗುವ ನಿರೀಕ್ಷೆಯಿದ್ದು, ನಾಚ್‌ ಸಹಿತ ಒಎಲ್‌ಇಡಿ 4.8 ಇಂಚಿನ ಡಿಸ್‌ಪ್ಲೇ, ಫೇಸ್‌ಐಡಿ, ಹಿಂಬದಿಯಲ್ಲಿ 12 ಮೆಗಾಪಿಕ್ಸೆಲ್ ಕ್ಯಾಮರಾ ಇರಲಿದೆ ಎನ್ನಲಾಗಿದೆ.

ಪ್ರಸಕ್ತ ವರ್ಷ ಆ್ಯಪಲ್ ಕೆಲವು ಹೊಸ ಮಾದರಿಯ ಐಫೋನ್‌ಗಳನ್ನು ಬಿಡುಗಡೆ ಮಾಡುವ ನಿರೀಕ್ಷೆಯಿದೆ.

ಆ್ಯಪಲ್‌ನ ಜನಪ್ರಿಯ ಐಫೋನ್‌ ಎಸ್‌ಇ ಅತಿ ಹೆಚ್ಚು ಸಂಖ್ಯೆಯಲ್ಲಿ ಮಾರಾಟವಾಗಿದ್ದು, ಅದರ ನಂತರ ಐಫೋನ್‌ ಸರಣಿಯಲ್ಲಿ ಎಕ್ಸ್‌ಇಯನ್ನು ಬಿಡುಗಡೆ ಮಾಡಿ, ಜನಪ್ರಿಯಗೊಳಿಸಲು ಮತ್ತು ದೇಶೀಯ ಸ್ಮಾರ್ಟ್‌ಫೋನ್ ಮಾರುಕಟ್ಟೆಯಲ್ಲಿನ ಸ್ಪರ್ಧೆ ಗೆಲ್ಲಲು ಆ್ಯಪಲ್ ಸಿದ್ಧತೆ ನಡೆಸಿದೆ.