Asus ROG Phone 3: ಈಗ ದೇಶದಲ್ಲಿ 46,999 ರೂ.ಗೆ ಲಭ್ಯವಿದೆ ಪ್ರೀಮಿಯಂ ಫೋನ್!

ಏಸಸ್ ದೇಶದಲ್ಲಿ ಇತ್ತೀಚೆಗೆ ಬಿಡುಗಡೆ ಮಾಡಿದ್ದ ನೂತನ ROG Phone 3 ಬೆಲೆಯನ್ನು ಇಳಿಕೆ ಮಾಡಿದೆ. ಏಸಸ್‌ ಎಲ್ಲ ಆವೃತ್ತಿಗಳ ಬೆಲೆ ಇಳಿಕೆ ಮಾಡಿದ್ದು, ಹೊಸ ಫೋನ್ ಖರೀದಿಸುವ ಗ್ರಾಹಕರಿಗೆ ಬೆಲೆ ಇಳಿಕೆಯ ಪ್ರಯೋಜನ ದೊರೆಯಲಿದೆ. ಏಸಸ್ ರಾಗ್ ಸರಣಿಯಲ್ಲಿ ಬಿಡುಗಡೆಯಾಗಿದ್ದ ROG Phone 3 ದೇಶದಲ್ಲಿ 49,999 ರೂ. ದರ ಹೊಂದಿತ್ತು. ಹಬ್ಬದ ಕೊಡುಗೆಯಾಗಿ ಕಂಪನಿ 3,000 ರೂ. ಇಳಿಕೆ ಮಾಡಿದ್ದು, ನೂತನ ಫೋನ್ ಈಗ 46,999 ರೂ.ಗೆ ದೊರೆಯಲಿದೆ.

ಏಸಸ್ ROG Phone 3
ಹೊಸ ಏಸಸ್ ROG Phone 3 ಸ್ಮಾರ್ಟ್‌ಫೋನ್ ದೇಶದಲ್ಲಿ ಮೂರು ಆವೃತ್ತಿಗಳಲ್ಲಿ ಲಭ್ಯವಿದೆ. ಮೂರೂ ಆವೃತ್ತಿಯ ಬೆಲೆಯಲ್ಲಿ ಬೆಲೆ ಇಳಿಕೆಯಾಗಿದೆ.

ಪರಿಷ್ಕೃತ ದರ ಇಲ್ಲಿದೆ.
8 GB+128 GB ಮಾದರಿಗೆ 46,999 ರೂ.
12 GB+128 GB ಆವೃತ್ತಿಗೆ 52,999 ರೂ.
12 GB+256 GB ಮಾದರಿಗೆ 57,999 ರೂ. ದರವಿದೆ.

ಫ್ಲಿಪ್‌ಕಾರ್ಟ್ ಆಫರ್
ಹೊಸ ದರ ಫ್ಲಿಪ್‌ಕಾರ್ಟ್‌ನಲ್ಲಿ ಕಾಣಿಸಿಕೊಂಡಿದೆ. ಅಕ್ಸಿಸ್ ಬ್ಯಾಂಕ್ ಕ್ರೆಡಿಟ್ ಮತ್ತು ಡೆಬಿಟ್ ಕಾರ್ಡ್ ಬಳಸಿ ಫ್ಲಿಪ್‌ಕಾರ್ಟ್‌ನಲ್ಲಿ ಅಕ್ಟೋಬರ್‌ 29ರಿಂದ ಆರಂಭವಾಗಿರುವ ಬಿಗ್ ದಿವಾಲಿ ಸೇಲ್‌ನಲ್ಲಿ ಖರೀದಿಸಿದರೆ ಶೇ. 10 ಡಿಸ್ಕೌಂಟ್ ಕೂಡ ಲಭ್ಯವಾಗಲಿದೆ.

Vu Masterpiece TV: ಹೊಸ ಸ್ಮಾರ್ಟ್‌ ಟಿವಿ ಬಿಡುಗಡೆ ಮಾಡಿದ ವ್ಯೂ

ಏಸಸ್ ROG Phone 3
6.59 ಇಂಚಿನ AMOLED HDR10+ ಡಿಸ್‌ಪ್ಲೇ, ಕ್ವಾಲ್ಕಂ ಸ್ನ್ಯಾಪ್‌ಡ್ರ್ಯಾಗನ್ 865+ ಒಕ್ಟಾ ಕೋರ್ ಪ್ರೊಸೆಸರ್ ಮತ್ತು ಅಡ್ರೆನೊ 650 ಗ್ರಾಫಿಕ್ಸ್ ಸಹಿತ ಲಭ್ಯವಾಗುತ್ತಿದೆ. 64+13+8 ಮೆಗಾಪಿಕ್ಸೆಲ್ ಹಿಂಬದಿ ಕ್ಯಾಮರಾ ಮತ್ತು 24 ಮೆಗಾಪಿಕ್ಸೆಲ್ ಸೆಲ್ಫಿ ಕೂಡ ಇರಲಿದೆ. 6000 mAh ಬ್ಯಾಟರಿ ಕೂಡ ಇದರಲ್ಲಿದೆ.

Realme C15: ಮಾರುಕಟ್ಟೆಗೆ ಬಂತು ಕ್ವಾಲ್ಕಂ ಎಡಿಶನ್ ಮತ್ತು ಕ್ವಾಡ್ ಕ್ಯಾಮರಾ ಫೋನ್