Asus ROG Phone 2: ಏಸಸ್ ಹೊಸ ಗೇಮಿಂಗ್ ಫೋನ್

ಗೇಮಿಂಗ್ ಸ್ಮಾರ್ಟ್‌ಫೋನ್ ರೋಗ್ ಸರಣಿಯಲ್ಲಿ ಏಸಸ್ ಹೊಸ ರೋಗ್ ಫೋನ್ 2 ಬಿಡುಗಡೆ ಮಾಡಲು ಸಜ್ಜಾಗುತ್ತಿದೆ.

ಮೊಬೈಲ್ ಆನ್‌ಲೈನ್ ಗೇಮಿಂಗ್‌ಗೆ ಬೇಡಿಕೆ ಹೆಚ್ಚುತ್ತಿದ್ದು, ಏಸಸ್‌ನ ಹೊಸ ರೋಗ್ ಫೋನ್ 2 ಜುಲೈನಲ್ಲಿ ಮಾರುಕಟ್ಟೆ ಪ್ರವೇಶಿಸುವ ಸಾಧ್ಯತೆಯದ್ದು, 120Hz ಡಿಸ್‌ಪ್ಲೇ ಹೊಂದಿರುತ್ತದೆ ಎಂದು ಸಂಸ್ಥೆ ಹೇಳಿದೆ.

ಪಬ್‌ಜಿಯಂತಹ ಜನಪ್ರಿಯ ಗೇಮ್ ಆಡಲೆಂದೇ ಹಾಗೂ ಅಂತಹ ವಿಶೇಷತೆಗಳನ್ನೊಳಗೊಂಡ ಸ್ಮಾರ್ಟ್‌ಫೋನ್ ರೂಪಿಸುತ್ತಿರುವ ಏಸಸ್, ಚೀನಾದ ವೇಬೋ ತಾಣದಲ್ಲಿ ಟೀಸರ್ ಹರಿಯಬಿಟ್ಟಿದೆ.

ಮೂಲಗಳ ಪ್ರಕಾರ, ಏಸಸ್ ರೋಗ್ ಫೋನ್ 2, ಸ್ನ್ಯಾಪ್‌ಡ್ರಾಗನ್ 855 SoC ಪ್ರೊಸೆಸರ್, ಹೆಚ್ಚಿನ ಬ್ಯಾಟರಿ, ಫಾಸ್ಟ್‌ ಚಾರ್ಜಿಂಗ್, 8 GB RAM ಮತ್ತು 128 GB ಸ್ಟೋರೇಜ್ ಹೊಂದಿರಲಿದೆ. ಜತೆಗೆ ಅಂದಾಜು 69,999 ರೂ. ಬೆಲೆ ಇರಲಿದೆ ಎನ್ನಲಾಗಿದೆ.