WhatsApp Message Delete: ಬರಲಿದೆ ಹೊಸ ಫೀಚರ್

ಜನಪ್ರಿಯ ವಾಟ್ಸಪ್ ಇತ್ತೀಚೆಗೆ ಬಹುಬೇಡಿಕೆಯ ಡಾರ್ಕ್ ಮೋಡ್ ಥೀಮ್ ಪರಿಚಯಿಸಿ ಜನರ ಮನಗೆದ್ದಿದೆ. ಅದರ ಬೆನ್ನಿಗೇ ಮತ್ತೊಂದು ಆಕರ್ಷಕ ಫೀಚರ್ ಪರಿಚಯಿಸಲು ಮುಂದಾಗಿದೆ. ಸ್ವಯಂಚಾಲಿತವಾಗಿ ಮೆಸೇಜ್ ಡಿಲೀಟ್ ಮಾಡುವ ಆಯ್ಕೆಯನ್ನು ವಾಟ್ಸಪ್ ಒದಗಿಸಲಿದ್ದು, ಬಳಕೆದಾರರು ಮೆಸೇಜ್ ಡಿಲೀಟ್ ಮಾಡುವ ಆಯ್ಕೆಯನ್ನು ಪಡೆಯಲಿದ್ದಾರೆ.

ವಾಟ್ಸಪ್ ಮೆಸೇಜ್ ಡಿಲೀಟ್ ಮಾಡುವುದು ಬೇಡವೆಂದಾದರೆ ಡಿಲೀಟ್ ಆಯ್ಕೆಯನ್ನ ಆಫ್ ಮಾಡಬಹುದು. ಮತ್ತು ವಾಟ್ಸಪ್ ಮೆಸೇಜ್ ಬ್ಯಾಕಪ್ ತೆಗೆದಿರಿಸಿಲು ಕೂಡ ಅವಕಾಶವಿದೆ.


ಉಳಿದಂತೆ ಡಿಲೀಟ್ ಮಾಡುವ ಆಯ್ಕೆಯನ್ನು ನೀವು ಆನ್ ಮಾಡಿದರೆ. ಅದರಲ್ಲಿ ಒಂದು ಗಂಟೆ, 1 ದಿನ, 1 ವಾರ, 1 ತಿಂಗಳು ಮತ್ತು 1 ವರ್ಷ ಎನ್ನುವ ವಿವಿಧ ಆಯ್ಕೆಯನ್ನು ಒದಗಿಸಲಿದೆ. ಇದರಿಂದ ಅನಗತ್ಯ ಮೆಸೇಜ್ ಸ್ಟೋರ್ ಆಗುವುದು ಮತ್ತು ಸ್ಟೋರೇಜ್ ಫುಲ್ ಆಗುವುದು ತಪ್ಪಲಿದೆ.

ಆಂಡ್ರಾಯ್ಡ್ ಬೀಟಾ ಆವೃತ್ತಿಯಲ್ಲಿ ಈ ಆಯ್ಕೆಯನ್ನು ವಾಟ್ಸಪ್ ನೀಡುತ್ತಿದ್ದು, ಬೀಟಾ 2.20.83/2.20.84 ಆವೃತ್ತಿಯಲ್ಲಿ ಡಿಲೀಟ್ ಮೆಸೇಜಸ್ ಆಯ್ಕೆ ದೊರೆಯುತ್ತಿದೆ. ಗ್ರೂಪ್ ಮತ್ತು ವೈಯಕ್ತಿಕ ಚಾಟ್‌ಗೆ ಡಿಲೀಟ್ ಮೆಸೇಜ್ ಆಯ್ಕೆ ಬಳಸಬಹುದು. ಆದರೆ ಪ್ರಸ್ತುತ ಬೀಟಾ ಆವೃತ್ತಿಯಲ್ಲಿ ಪರಿಶೀಲನೆಯ ಹಂತದಲ್ಲಿದ್ದು, ಮುಂದೆ ಎಲ್ಲ ಬಳಕೆದಾರರಿಗೆ ಲಭ್ಯವಾಗಲಿದೆ.

WWDC 2020: ಅಂಗಡಿ ಮುಚ್ಚಿದ ಆ್ಯಪಲ್‌