Evernote: ದೈನಂದಿನ ಕೆಲಸಗಳ ಸಹಾಯಕ

ದಿನಕ್ಕೆ ಇರೋದು 24 ಗಂಟೆ. ಎಷ್ಟೋ ಕೆಲಸಗಳನ್ನು ಇಂದು ಮಾಡೋಣ, ನಾಳೆ ಮಾಡೋಣ ಎಂದು ಮುಂದೂಡುತ್ತಿರುತ್ತವೆ. ಕೆಲವೊಮ್ಮೆ ಇವು ಮರೆತೂ ಹೋಗುತ್ತವೆ.

ನಿಮ್ಮ ಕಾರ್ಯದಕ್ಷತೆ ಹೆಚ್ಚಿಸುವುದಕ್ಕೆ ಎವರ್‌ನೋಟ್‌ ಡೌನ್‌ಲೋಡ್‌ ಮಾಡಿಕೊಳ್ಳಿ. ಇದು ನಿಮ್ಮ ಕಾರ್ಯಗಳ ಪಟ್ಟಿಯನ್ನು ಪಕ್ಕಾ ಮಾಡಿಕೊಡುತ್ತದೆ.

ನೋಟ್ಸ್‌ ಮಾಡಿಕೊಳ್ಳಬಹುದು, ಪೋಟೊ ಹಿಡಿದುಕೊಳ್ಳಬಹುದು, ವಾಯ್ಸ್‌ ರೆಕಾರ್ಡಿಂಗ್‌ ಮಾಡಿಕೊಳ್ಳುವ ಅವಕಾಶವಿದೆ. ಇದಲ್ಲದೆ ಎಲ್ಲೋ ಕುಂತು, ನಿಂತಿರುವಾಗ ಅದ್ಭುತವಾದ ಐಡಿಯಾವೊಂದು ಹೊಳೆಯುತ್ತದೆ.

ಕೂಡಲೇ ಅದರ ಸಾರಾಂಶವನ್ನು ಬರೆದಿಟ್ಟುಕೊಳ್ಳುವುದಕ್ಕೆ ಇದು ಸಹಾಯ ಮಾಡುತ್ತದೆ. ಇದರ ಇನ್ನೊಂದು ವಿಶೇಷವೆಂದರೆ ಇದರಲ್ಲಿ ಬರೆದಿಟ್ಟಿದ್ದೂ ಮರೆತು ಹೋದರೂ ಚಿಂತೆ ಇಲ್ಲ. ಸುಲಭವಾಗಿ ಅದನ್ನು ಪತ್ತೆ ಹಚ್ಚಬಹುದು. ಐಓಸ್‌, ಆಂಡ್ರಾಯ್ಡ್‌ ಮೊಬೈಲ್‌ಗಳಲ್ಲಿ ಉಚಿತವಾಗಿ ಇದನ್ನು ಡೌನ್‌ಲೋಡ್‌ ಮಾಡಿಕೊಳ್ಳಬಹುದು.