Bizebrand: ಡಿಜಿಟಲ್ ಮಾರ್ಕೆಟಿಂಗ್‌ಗೆ ಸಹಕಾರಿ ಈ ಆ್ಯಪ್

ಬೆಂಗಳೂರು: ದೇಶದಲ್ಲಿ ಡಿಜಿಟಲ್ ಮಾರ್ಕೆಟಿಂಗ್ ಮತ್ತು ಆ್ಯಪ್ ವಹಿವಾಟಿಗೆ ಉತ್ತೇಜನ ದೊರಕುತ್ತಿದ್ದು, ಜನರು ಆನ್‌ಲೈನ್ ಪಾವತಿ ಮತ್ತು ಆ್ಯಪ್ ಮೂಲಕವೇ ಇಂದು ಬಹುತೇಕ ವಹಿವಾಟು ನಡೆಸುತ್ತಿದ್ದಾರೆ.

ಸುಲಭ ಮತ್ತು ಸರಳ ವಿಧಾನದ ಮೂಲಕ ಆ್ಯಪ್‌ಗಳು ಜನರಿಗೆ ಸಮಯ ಉಳಿಸಲು ಮತ್ತು ಹೆಚ್ಚು ಪ್ರಯೋಜನ ಪಡೆಯಲು ನೆರವಾಗುತ್ತಿವೆ. ಇದೇ ಸಂದರ್ಭದಲ್ಲಿ ಸಾಂಪ್ರದಾಯಿಕ ಶೈಲಿಯ ವಹಿವಾಟು, ಉದ್ಯಮ ನಡೆಸುತ್ತಿರುವವರಿಗೆ ನೆರವಾಗಲು ಬಿಜಿಬ್ರ್ಯಾಂಡ್‌ ಎಂಬ ಆ್ಯಪ್ ಪರಿಚಯಿಸಲಾಗಿದ್ದು, ಉದ್ಯಮವನ್ನು ಆನ್‌ಲೈನ್ ಮಾದರಿಗೆ ಪರಿವರ್ತಿಸಲು ಹಾಗು ಡಿಜಿಟಲ್ ವಹಿವಾಟು ನಡೆಸಲು ಅನುವು ಮಾಡಿಕೊಡುತ್ತದೆ.

ಬಿಜಿಬ್ರ್ಯಾಂಡ್‌ ಮೂಲಕ ಸಣ್ಣ ಮತ್ತು ದೊಡ್ಡ ಉದ್ಯಮದಾರರು ತಮ್ಮ ವ್ಯಾಪಾರ, ವಹಿವಾಟನ್ನು ಅನ್‌ಲೈನ್ ಶಾಪಿಂಗ್, ಮಾರ್ಕೆಟಿಂಗ್, ಡಿಜಿಟಲ್ ನಿರ್ವಹಣೆ ಮಾಡಬಹುದು. ಈ ವಿಧಾನದಿಂದ ವ್ಯಾಪಾರಸ್ಥರಿಗೆ ತಮ್ಮ ಸರಕು ಮಾರಾಟ ಮತ್ತು ವಹಿವಾಟು ವಿಸ್ತರಿಸಲು, ಮಾರುಕಟ್ಟೆಯಲ್ಲಿ ಹೆಚ್ಚು ಪಾಲು ಪಡೆದುಕೊಳ್ಳಲು ನೆರವಾಗುತ್ತದೆ. ಜತೆಗೆ ತ್ವರಿತವಾಗಿ, ಕಡಿಮೆ ವೆಚ್ಚದಲ್ಲಿ ವ್ಯಾಪಾರ ವಿಸ್ತರಿಸಲು ಬಿಜಿಬ್ರ್ಯಾಂಡ್‌ ನೆರವಾಗುತ್ತದೆ.

ಮೂಲತಃ ಬೆಂಗಳೂರಿನ ಸ್ಟಾರ್ಟಪ್ ಆಗಿರುವ ಬಿಜಿಬ್ರ್ಯಾಂಡ್‌, ಮೊಬೈಲ್ ಮತ್ತು ವೆಬ್ ಆ್ಯಪ್‌ ಆಗಿದ್ದು, ಆಂಡ್ರಾಯ್ಡ್‌ ಮತ್ತು ಐಫೋನ್‌ಗಳಿಗೆ ಲಭ್ಯವಿದೆ. ಡಿಜಿಟಲ್ ಮಾರ್ಕೆಟಿಂಗ್ ಮತ್ತು ಬ್ರ್ಯಾಂಡಿಂಗ್‌ಗೆ ಬಿಜಿಬ್ರ್ಯಾಂಡ್‌ ನೆರವಾಗುತ್ತದೆ.